Corpus of Electronic Texts Edition
An Irish Materia Medica (Author: Tadhg Ó Cuinn)
subsection 34
34. Antera, flos rose: .i. blath an rosa & ata se fuar isin ced ceim & tirim sa dara ceim & ceirin do denamh de &
p.95
a chur arin tene diadh & foiridh hi & foirigh an ceirin cetna fiucadh & tesbach beil an gaili & ros da bruith ar uisce & a brisidh & gealan uighe da cur trit & a cur 'na ceirin arna suilib & foirigh teasbach & deirge na sul & a bruit ar fin & coisgidh flux na bronn & na fola mista. Et fodnuig uisce na roisi an aigid na n-uili ainnteas. Et adeir Raisis ceirin {ms folio 57a3} da denam don ros ur & foiridh gac uili att tic co nadurtha no co haicideac. Et tuig leat da reir Platiairius an tan caitear e arna tirmugadh co fuil brigh fastogtheach ann an tan caitear ur he co fuil brigh lacthach ann & folmaigti leanna ruaigh & co hairiti an tan cumaisctear e re reubarbrum he. Et adeir Platiairius gurab de so do-nitear meal rosasiam & aqua rosasium & siucra rosasiam & siropus rosasius. Et fognaid co mor na saethraigi so an aigid na n-easlainteadh teasaide & an aigid tinnis an chinn {ms folio 57b1} & na n-airged18 amuil ata olium rosasiam & fognuid an aigid na heitice & na sincoipise & an aigid flux na bronn & na sceatraige noch do-nitear o linn ruagh & comfurtachtadtear ona saetraigib so an incinn & an craidi & fognuid an agaid fliuchaideachta an t-sine tseaain & d'innarbud fiabruis quartana. Et adeir Maitcer pudur da denum don ros dearg & a cur isna cneadhaib & glanuidh iat ona salcur & da curtar an blath cetna ar loscud tenig no uisce maille re gealan uighi ni teit an urchoit.
p.96