Corpus of Electronic Texts Edition
A fhir thall triallus (Author: [unknown])

p.3

{MS folio 50b2}
  1. A fir thall tríallus in scél,   cen innisi nínathgén,
    a chara, cin hé hi tass,   dotrala fo ainéolass.
  2. Int éolus-sa rádi rimm,   ferr duit ná cloisti as do chínn
    cáit Cruithnech gius Gédel ngel1   condat secht maccu Míled.
  3. Dá macc déc oca ic Milid,   mased ráide darírib,
    secht micc oca ic Fál ffrriuin(?)   is a cóic a mBretanmuigh
  4. Britus, iss é in cóiced2 cóir   roráidis frimm fo chétóir,
    ainm athar Britáin fó nimh   nochon fetar-sa, a f;ir..i. Isicón athair Brite(sic) no Mílid, mar aderid drong ali, acht ní hé, acht Issiccón.

    A.

  5. Cía hairmm búi Britus cen brath,.i. isin Gréic robúi Brittus conid rochlannaigh innte.   abair frimm masat éolach,
    caidhe a lín for sét íar sain,.i.trí chóeca fer & trí chéco ban, is é lín tánic Brittus assin Gréic.   dia rochlann i mBretanchaib?
  6. In tor-sa, cía hairde ó lár..i. trí chaéca cubat ina hairde in tuir.   noco romesc Críst gan crád?
    cía lín luid Fénius Farsaid   do gním in tuir trénchabsaid?.i. trí cét lánamno lánanamno luid Fénius Farrsaidh don tur.

    7. p.4

    {MS folio 51a1}
  7. Cía hairm ruccad Góidel Glas.i. i nÉigipt dano rucad Eber Scot.   inniss mas imdo th'eolus,
    cía do chlannaib Góidil glicc   rogab in Sciathia scíathbricc?.i. Éber Scot mac Srú maic Esrú rogab ríge na Sciathia re secht mblíadna.
  8. Cía lastorchair Éber Scot.i. Noénius mac Nenuail, is hé romarb Eber Scot.   co rabi in rígi robocc?
    dar Muir Luíis, lethan ler,   cía lin lung luid Agnoman?.i. dar Muir Luius lucht tri lung táncatar Gáidhil asin Scithia.
  9. Íar ndul immach for linn lir   cía forfácsat dia muintir?.i. Glass mac Agnomain atbath oco i nInsi Carónis for Muir Luiis.
    cía fúair in leigius dóib thall   ar medhrad na murdúchann?.i. Cacher drúidh atbert friú céir do leghad in cluássaib.
  10. Fechtus táncatar cen táir   clanna Góidel a hEspáin,
    ceithri3 túathao tair tall   fora roémsat trí madmand?.i. in aimser tángatar clanna Góidil Glaiss maicc Niuill a hEspáin rofichsit na catho-so .i. cath for Langbardu, cath for Baccrachu, cath for Toissendu.
  11. Cía lin lotar d'Inis Fáil   in chlann-sa Míled Espáin?.i. xxx. iii. do thóisechaib & deich míli cathmíled & .ccc. (.i.amus) & .xiiii. (.i.mogad) & cert céit (.i. in cach áe) & .ccc. ban, is é sin a lín.
    cía tóisiuch adbath dib thall   ar medrad na murdúchann?.i. Ernán ósar na clainde, is hé atbath díb ar tús.
  12. Cía haided fúair Fótla in bean,   siur do secht maccuíb Mílead?.i. bádud dano robáidhed Fótla i n-Inbiur Bóinne.{MS folio 51a2}cía ceathrur gabsat ós Bóin.i. cethri maic Ebir .i. Ér, Orba, Ferón, Fergna.   tar éis trí macc nErimóin?.i. Muimne, Luighne, Laighne.
  13. Cía las torcuir Cuála cain.i. la Túatha Dé Danann, .i. la Crimthann Scíathbél.   ocus Brego a degbráthair?.i. éc atbath Bregho i mBregmaigh.
    cía lin dia bráithrib gin brón   dorochair la hÉremón?.i. triar díb dorochair laiss .i. Amairgin & Éber & Colpha.
  14. Ceti trí breatha co mblaid   ructha ar tús i nGóidlib?.i. in breth hi Cinn tSáile.
    cía do chlainn Iareóil fo leth   forsa ruc Conmóel claénbreth?.i. Fforollach mac Nethreóil maicc Iáreóil Fáthaigh maic Éremóin.

    15. p.5

  15. Cadet trí hanmunn Temra?.i. Líathdruimm & Druimm Cáin & Temair.   cía fer docer hi Cerna?.i. Conaire dano docher hi Cerna.
    cía mac do Mílid a bus   dorochuir i nArgatruss?.i. hi cath Argatruiss dano dorochair Eber la hÉiremón.
  16. Rothechtaid Roth in rí ruád,   cia bás rusfuc cona slúag?tene geláin roloiscc Roechtaig Roth i nDún Soburci.
    Sírna is Lugaid mac Lug roth,   cid romarb riasinn armgroph?.i. tám romarb Sírna & Lughaid hic triáll in chatha.
  17. Cía rí 'sin Uanua na mberg   las torchair Rechtaid Rigderg?.i. Iughaine Mór, is hé romarb Rechtaig i ndígail a muimme .i. Macho.
    cía do chlainn in fir romarb    docóid i mbás n-olc n-acgarb?.i. Cobthach Cóel Breg rosloscad la Labraidh Luingsiuch i nDinn Righ.
    18. {MS folio 51b1}
  18. Atchúala mac is athair   gabsat Érinn illdathaig,.i. Crimtann mac Lugdach & Lugaid Sríab nderg mac na trí Find Emna, tri meic sin Echdach Feidlig & Clothra ingen Echdach máthair Lugdach. & luid Lugaid post co a máathair co nderna Crimtann fria.
    inunn máthair dóib, cén ,air    ocus inunn senathair.
  19. Cadé bás Lugdach na lann?.i. éc adbath do chumaid.   ceitni trí seóit fúair Crímthann?.i. carpat & fidchell & in cétach Crimthainn .i. lenn.
    cía ben rochar Lugaid lainn?.i. Derborgaill inge ríg Lochlann   cía dia raba int id Moraind?.i. do cathbarr búi 'mo chenn a mbroinn a máthar.
  20. Innis cía robris in maidm   for Connad Cerr mac Guill bailb,.i. Túathal Techtmar, is hé robriss for Connad .i. rí Cruithnech
    cía robris co tenn in cath   for Sílén seng slabradach..i. is hé dano robriss cath for Silén, in Tuáthal cétna.
  21. In éol duit in glece co ngail   romudaig4 Art húa Tuáthail?.i. Lugaid romarb Art hi cath Muighi Muccruime
    is ithi lochad coa lloss,   cía dia fil in senáross.i. dia tucait na nóe lochaidh do Lugaid mac Con conusdúaid cona n-erblaib.

    22. p.6

  22. Cía ainm na mná, monur nglé,   roait Fíacho Araide?.i. Araide Bibre ainm a muimme, is de rolil Fíacho Araidhe.
    Connla, caidhi in locht rolen,   cor ort leis Fíacha in fer?.i. Connla mac Taidg bói hi claimhi nogur marb Fíacho Muillethan & co n-eissib a fuil.

    A.

    23. {MS folio 51b2}
  23. Cía haided rucc mac Nathí   Ailill, roba calma a crí?Ailill mac Nathí meic Crimthainn meic Énna Chinnselaig, is hé atbath éc luiuni.
    cía las torchair Fergus Glutt   acus caide in bás rofucc?
  24. Bás Béicci, baile co mblaid,.i. a éc extenso dolore .i. inngalur fato.   7 aided5 Chein cellaig,.i. a éc do úacht nó laighi dó a ngalur bréci a óenar.
    apair, ma fetar, a fir,   cía diarbo mac Aéd aithgin.
  25. Cía ainm inn óinfíir co n-ágh   lasa torchair Cú Chúarán?.i. Scannal húa Rabán romarb nó Flann Fina mac Ossu romarb Coin Cúarán mac Dúngailli.
    mac Móile Dúin Congal cain,   cía óenfer lasa torchair?.i. Scolaige mac Léighinn romarb Congal mac Máili Dúin.
  26. Cía do rígaib Saxan slán   dorochair la mac mBáetan?.i. Oreth mac Alfraid rí Saxan, is hé dorochair la Fíacha mac mBáetáin.
    Flann mac Ossu cusinn úaill   cía romarb do Chruithentuáith?.i. mac d'Eochaid Buidhe Conradh Cerr rí Cruithentúaithe dorochair la Flann & is hé Conraidh do marb Fíacho mac Demáin.
  27. Congal Cerr cía hairm thorchair    innis dam, a fir comthaigh,.i. hi cath Fedha Eoín la Connachta, iss ann docher.
    7 inn innisfe dún   cia docer hic sruth Charún?.i. Domnall Brecc mac Echach docher hi cath Calatruimm hic sruth Charún.
  28. Ainm máthar Echdach cin ail   nocho tucat acht eólaig,.i. Corpach ingen Fiachach meic Nuí.
    maith sén doluidi ó thigh   Muiredach úa Airt Óinfir..i. Muiredach Tírech doluid a cath Duib Cumair co romarbad a athair dia éis, co ruc sum cona s%íl ríge hÉrenn co bráth ind ó maccaib bráthar a athar.

    A.

    29. {MS folio 52a1}
  29. Cía hairdríg romarb mac Cirp?.i. Sárnía mac Cirp, is hé romarb Cairpre Liffechair.   caidhe compert maic da Birp?
    cía rí buáid in maighi   hi torchair mac Fergaile?.i. Domnall mac Murchada, is hé romarb Áedh Allán mac Fergaile.

    30. p.7

  30. Cía dorigni do Diarmaid   airbid ághmair ar íarmairt?.i. Fráechán mac Tenussáin dorigni in eirbi ndruád do thrumm.
    in lóech rosling in deirbb lib,.i. Maglaine rosling & domarbad hé   cía ruslá dia chind,Túathán mac Demáin meic Sáráin meic Cormaic, is hé roslan (sic) dar a chend. Is hé fáth in chatha .i. Caurnán mac Aédha meic Echdach Tírmchárna robái hic Diármuit i ngíallacht ó Chonnactaib, is hé is céimiu robúi in aimsir. Co romarbad la Díarmuit hic Crois Coluim Cille hi Leirgin Úa nAilella, conid é fáth catha Chúile Dremne.

    31. A. t.