Corpus of Electronic Texts Edition
Dúan in chóicat cest (Author: [unknown])

p.234

{MS folio 49b1}
  1. Iarfaigid lib cóecait cest   do clár Temra cen tairmesc
    cip hé for talmuin na tor,   diadá inn-dán a fúasloccod.

    2. p.235

  2. Fír ocus ní brég in bágh,   a comann crichid comlán:
    sochaide fágbus a brat   icon cóicait imchomarcc
  3. Tairleam na cesta cóema,   nídat espa anóebda,
    iarfaigid úain huili amach   da cach duini dageólach
  4. Cía lín na n-arcaingel n-án1,   cid arnid dún a n-imrád,
    cía lín d'agmenuib aingel   maróen la cach n-árcaingel?2
  5. Cúiciur in cuinchet dún   fuilet ic coimét cóic ndúl,
    hic coimétt tened3, talman4,   aeoir5, usci6,ard-anman.7
  6. Cía spirut fil hi ngréin glain8   ocusind-éscu inmain?9
    ésca ocus muir (modh ná tais),   caide fáth a n-óentachais10
  7. Cía hairm atát trí topair   súgait muir ngairb 'na nglotain?11
    cía muir is millsi12 ná mil?13   cía muir ná tráighenn itir?14
  8. Cía lín na cenél ule   itir míl ocus duine?15
    inn innisit aicnead ógh   fil hi secht rannaib Gabón?16
  9. Cía lín fochraic fil hi nim?17    cía lín pían iffirn áighthigh?18
    cía brón fil i nim glan gurm?19   cía fálte fil i n-iffurn?20
  10. Cía hairm fil iffern na n-ed?21   Cía delb hi fil Lucifer?22
    ceti secht feda (fír sain)   rosáersatar síl Adhaim?23
  11. Ádam athuir fer ndomain   cía cétguth ro cétlobair?24
    cid adconnairc tria nél cíach25   dar mullach slébe Protiach?26

    12. p.236

  12. Aprat na heólaig abus   chlaind Ádaim ría n-imarbus,27
    cía cét-mac rug Euha án?28   cía hairm fil a chlann chomlán?29
  13. Cía mac d'Adam dorat grád   do mnái a bráthar, cíarb imnár?30
    cáa hingen d'Ádham íar tain   triasa torchair a bráthair?31>
  14. Cía 'coa ndernad cathir chain   tall hi tosuch in domain? 32
    cía 'ca ndernad trebad trom?33   cía 'coa ndernad in chét-long? 34
  15. Na dá cholamain cóemu   dorónsat clanna cáema,35
    aprat eólaig bethad binn   cía díb romair íar ndílinn.36
  16. Cía corp ná fil i n-inud?   in innister hil-liubar?37
    cid ara nderna in snám seang   in fer maith Hierusalem?38
  17. Ainm sáeir na hairci39 is eól dam   ocus ainm a degathar:40
    cía rolocht ré ndul ó hait   dorigni in saer 'sin degh-airc?41
  18. Cati trí túatha tair tall   ná robáidh díliu drech-mall?42
    cía dál fil i n-ilur cíach   i mullach Slébi Parthíach?43
  19. Cía fot ría ndílinn dámaigh   ar rochuir spirut Ádaim?44
    cía ben dorigne fighe   ría cach mnái co míngile?45
  20. Cía sægul tucad do Shém,   in fail úaib 'coa mbeth in scél?46
    cairdis mac Caim cuindghid suin   do chlainn Cháïn miscadhaigh.47
  21. Anmann trí rann in domain   can asa filet foraib?48
    cía rogab in Affraic n-áin   do chiniud airdirc Abráim?49

    22. p.237

  22. Cía lín ríg Tibir   ria Romal ruidhit filid?50
    cía rí dorochair tall tair   ic inbir srotha Caphir?51
  23. Cadeat trí gáire in domuin   finnat ma sencaidh soraid?52
    cía gáir is trumma díb-sin mád aidhlicc lib íarfaighid!53

    24. Iarfaigid