‘A maic, ma contúaisi frim,’ ol Cormac, ‘is é mo chosc duit:’
- Ní bad rechtaire duit fer co célib,
ní bad tairbertaid duit ben co maccaib & daltaib,
ní bad rannaire duit fer ilmíanach,
5] ní bad muilleóir duit fer ilfuirig,
ní bad techtaire duit fer lonn dothengthach,
ní bad foss duit fer lesc geránach,
ní bad rúinid duit fer labar,
ní bad dáilem duit fer somesc,
10] ní bad dercaid duit fer drochruisc,
ní bad doraid duit fer serb sotal,
ní bad brethem duit fer condarcell,
ní bad túisech duit fer cen eólus,
ní bad cenn athchomairc duit fer dotcadach.