‘A húi Chuind, a Chormaic,’ ol Carpre, ‘cid as fó dam?’ ‘Ní hansa,’ ol Cormac. ‘Ma contúaissi frim thecosc,
ar cach lesc lond súanach neóit deáith étaid is miscais Dé & dóine.’
- ní cuitbe nach sen ciarba óc,
ná bocht ciarba soimm,
5] ná nocht ciarba suim,
ná losc ciarba lúath,
ná dall ciarba féig,
ná lobor ciarba thrén,
ná borb ciarba threbar,
10] ná óinmit ciarba gáeth,
nírba lesc,
nírba lonn,
nírba súanach,
nírba neóit,
15] nírba deáith,
nírba étaid,