Corpus of Electronic Texts Edition
Hebräische Wörter erklärt (Author: [unknown])
p.113
{Book of Ui Maine folio 132b2}
- Episcopus in t-ebra
irdairc a lúad re labra,
pontifex a gréc, ní mer
speculator a laten.
- Prespiter in t-ebra úais,
sacerdos gréc, nír fogúais,
senior a laten malle,
ní dereóil inn imirge.
- Diaconus dil delbda
rád ríme na ro-n-ebra,
leuita a gréc, lúater lib,
minister isin laitein.
- Sinagoga in t-ebra tall,
ecclesia in gréc, no-s-frecrand,
congregratio sund cid sean,
ed a fír isin laitin.
- Ethelium in t-ebra thair,
eoangelium ic Grécaib,
bonum nuntium, rád nách nár,
ic auctaraib na Rómán.
- Amellus ainm do chloich cruind
astiathir talman tréntruim,
is impe, ní súaill in sein,
ro-cumdaig Dauíd cathraigh.