Corpus of Electronic Texts Edition

Auraicept na n-Éces (Author: [unknown])

p.1

section 1

Auraicept na n-Éces

p.2

1

Cid dianad toisseach seo? Ni ansa. Don tebi
rotebed isin Gaedilg, uair is ed toisseach arricht la Fenius
iar tiachtain din scoil gusna berlaib ammuich: gach son
forrdorcha robae in gach bescno & in gach berlu, is ed
5] doradadh isin Gaedilg, conad airi as foirleithiu quam gach
berla. Ar gach toisseach didiu, uair is ed ba toisseach laisna
filedaib gach son fordorcha do riachtain i tossuch .i.
beithi-luis ind ogaim arbithin dorchadad. Cest, cia tugaid
ara n-ebarar berla tobaide din Gaedilg? Ni ansa. Uair
10] rotebedh as gach berla; & gach son fordorcha gach berla,
fofhrith ined doib isin Gaedelg ara forleithi seach gach
mbescna. Cest didiu, ina raibi Gaedelg resiu rotobaidhe?
Robae emh, ar ni fagbaiter na da berla sechtmogat
ar cheana. Cest, cia tir i rrugad Gaedeal? Ni ansa.
15] I nEgipt. Ocus cia airm sonnrud? Ni ansa. I
mmaigh Ucca i rraind iartharaig descertaig Egipti.
Cia din scoil dus-cuaid gu suidhe? Ni ansa. Gaedel
mac Etheoir mic Toe mic Barachaim do Grecaib Scitie
(no Scithie) {BB folio 314b1}. Cest, cia met don-uc di? Ni ansa.
20] A huiledeto genmotha inni rothormachtatar filid tria
fordorchadh iar torrachtain gu Fenius. Cest, cia berla

p.4

p.6

1. Foglaim, feallsamnacht is fas,
   Legeand, gramadach, is gluas
   Litirdheacht leir ocus rim
   55] Is beg a mbrig for nimh thuas.

Caidi log & aimser & perso & tugait scribind in Uraicepta?
Ni oenlog tra lasna cethri libro, amal atbert in fili:
a n-as tuiseach, is ed is deghenach, a n-as dedhenach, is
65] ed as toisseach .i. a n-as toisseach iar n-urd lebhurda, is
ed as dedhenacho arricht .i. lebor Cindfaeladh mic Oilella.
Log & aimser & perso & tucait scribind in libhuir sin
Cindfaeladh, log do Daire Luran, aimser do aimser Domnaill
mic Æda mic Ainmireach. Perso do Cendfaeladh
70] mac Oilella, tugait a scribind a hinchind dermait du beim
a cind Chindfaelad i cath Muighi Rath. Ceithri buadha
in catha sin: Maidm for Conghal ina gaei re nDomnall
ina firindi; et Suibni i ngealtacht, acht is ar a mhed du
laidib duroni; in fear d'Albanachaib do breith in Erennaich
75] 'na chois dar muir gen airiugudh .i. Dubhdiadh a ainm;
et a inchind dermaid du bhem a cind Cindfaeladh ar a mhed
do fhilideacht & do bhriathraibh & do legeand rothaisigh.

Asberat tra augdair na nGaideal: Cid ara n-ebairt-seom,
asberat na hughtair robadar remi? uair is e Cendfaelad
80]

p.8

Co mbad si tugait in berla Feni (.i. berla Feniusa)
100] gnim n-ingnad n-indligtheach .i. is gnim n-ingnadh .i.
ingnath ara ainmenci, indlightheach ara uaibrigi .i. triall
for neam ina corpaib collaidib gan comairlechudh fri Dia.

Forcaemnacair and .i. cumtach in tuir Neamruaidh.
In Neamruadh sin tra trenfhear sil Adaimh
105] uile ina aimsir e, Neamruadh mic Cuis mic Caimh
mic Noe. Ni bai iaramh aenrigh for in doman
gu haimsir Nin mic Bel acht mad comhairlidhe &
toisig nama badar and go sin anall. Da comhairlidh
sechtmogat iaramh robadar isin domun isin aimsir i
110]

p.10

p.12

p.14

Debthir on, ar ni raibi cland etir ic Ionan no ni raibi
fen in mac sin oc Iafeth ut Hieronymus dixit. Cest,
caite genelach Feniusa? Ni ansa. Farrsaidh didiu mac
180] Baath mic Magogh mic Iafeth mic Noe. No Fenius
Farsaidh mac Eogain mic Glunfind mic Laimfind mic
Etheoir mic Agnomain mic Toe mic Boinb mic Semh
mic Mair mic Ethecht mic Aurtecht mic Abodh mic
Aoi mic Ara mic Iara mic Sru mic Esru mic Boath mic
185] Riafath mic Gomer mic Iafeth mic Noe & rl. Et dno is
Sgithegdha Fenius & cuga berthar Scithi & Gothi
iarna ngenelchaib. Et robadar sil Nae ar ceana. Berla
nEbraidi 'na tengtha robai isin domun ri araile cumhdach
in tuir .i. Gorthigernd & is ed dno bhias iar
190]

p.16

Cest, caidhead a n-anmandh na da chenel sechtmogat
215] o rofoghlaimet na hilberlae? Ni ansa. Beithin, Scithi,
Scuit, Germain, Meid (no Moid), Sicil, Hircain, Guit,

p.18

p.20

Iss iat sin anmand in choigir ar xx ba huaisliu bai i
scoil Feniusa. Asberait araili dno is i sin in aipgitir
250] arricht isind Achaidh & ic Tochur Inbir Moir arranig
Amairgin mac Miled in mbeithi-luis in oghaim.

‘Cia litir, cia nin, cia son In nach forbaider focol?’ (.i.
dinin disoil no fern). "‘Is cia son ger fogabar O nach fuach
tren tindscanar?’ (.i. ernin getal). Na coic feadha aireghdai
255] immorro inn oghaim, ba hon choiciur ba huaisliamh dib
rohainmnighthea {illu20.1}. Asberat araile
dn>o it vii feadha aireghdha filet and & is on morshesiur
ba huaisleam and rohainmnigthea & it e in dana fidh
duformaighet frisna cuic feda ugut {illu20.2}.
260]

Cest, caidet airme cinnteacha tuir Nemruaidh? Ni
ansa. A viii .i. da comairlibh sechtmogat, da descipul
sechtmogat, da chenel sechtmogat na ndaene, da berla
sechtmogat du berlaibh ina scoil, da thuaith sechtmogat
lasa mbatar na berla sin & na cenela, da saer sechtmogat
265] fria gnim, da aicdhi sechtmogat eter ael & bitumain & talmain
& tathluib ina comhegur, da cheim for sechtmogait
inna leitheat amal asbert:—

1. Airimh in tuir togaidhi
   Nemruaidh, ba din do dhainib,
   270] Ceithri cemeand sechtmogat,
   Coic cemend ar choic milib.
2. Da chomairlib sechtmogat
   Tugsat saithiu for sluaighedh;
   Da berla for sechtmogait
   275] Rothidhnaic Dio fria mbuaidhred.

---

p.22

{BB folio 317a34}{E folio 21b8}
3. Da cenel saer sechtmogat
   Dona dainib, ba dodhraing;
   Da descipul sechtmogat
   Faete Fenius fri foghlaim.

280]
4. Da thuaith saera sechtmogat
   Forofoglaid, fir talman;
   Da primshaer ar sechtmogait
   Fri heladhain na n-adhbar.
5. Da aicde for sechtmogait,
   285] Inna cumhat, roghnathaigh,
   Eter ael is bitumain
   Ocus talmhain is tathluibh.
6. Seacht cumat deg demnighthi
   Ag nim suas im gaeth ngairigh,
   290] Is da cheim ar sechtmogait
   Inna leitheat fria airim.

   Airim in tuir.

Asberat araili immorro is noi n-adhbair nama badar
isin tur .i. cre & uisgi, oland & fuil, ros & ael & sechim & lin
& bitumain. de quibus dicitur:—
295]

1. Cre, uisgi, oland is fuil,
   Ross is ael is lin lanchuir,
   Sechim, bitumain go mbuaidh
   Nai n-adhbair in tuir Nemruaidh.

.i. ainm & pronomen & briathar & doibriathar & ranngabthach
300] & comfhocul & reimshuidhiughudh & interiacht a n-anmanda-seo:
Nomen, pronomen, uerbum, aduerbium,
participium, coniunctio, prepositio, interiectio .i.

1. cetpearsu uathaid. . . . sum .i. ataim
2. persa tanaisti huathaid . . . es .i. ata tu

305]
3. treas persa uathaid . . . est .i. ata se
4. cetfear {BB folio 317b1}) illda. . . . sumus .i. atamait
5. persa tanaisti . . . estis .i. ata sibsi
6. tres persa . . . sunt .i. atait.

Sum, es, est, a uathad.
310] Sumus, estis, sunt, a illda.

p.24

1

{BB folio 317b4} {E folio 21b18}
Attaat da earnail forsin n-aibgiteir Laitindai .i.
guttai & consain. Atait .i. sunt a frithindleadach Latinda
.i. a bunadh forleathan: totus a bunadh ruidleasa
.i. dearbadh in sein .i. freagra du thoit na haibgitrech
315] dobeir sund. Coich raind indsce in focul is sunt? ar
itat viii randa insci and .i. nomen, pronomen, uerbum,
aduerbium, participium, coniunctio, prepositio, interiectio. It
e a n-anmand lasin Laitneoir, ainm, & briathar, &
pronomen & doibriathar, randghabthach, & remshuidhiugud,
320] comhfhocul & interiacht ocon Gaedel. Is demin eimh
conidh briathar in focul is sunt & ma seadh cia ball in
brethir? air itait amh a tri i n-uathad .i. sum, es, est;
& a tri i n-illda .i. sumus, estis, sunt .i. cetperso in
uathaid sum; perso thanaisti in uathaid, es; tres perso
325] in huathaid, est. Cetperso in illda, sumus; perso thanaisti,
estis; tres perso in illda, sunt.

Attaat .i. ata ae i n-ait .i. ata ae dligidh i n-ait
in ollaman a inne: no attaat .i. atai ae uait, ar in
descipul frisin maigistir.
330]

A inne beos attaat a tuitead doaitneat doaigbead
dotiagat. A airbert .i. atat i n-aigniudh na guttaighi & na
consaini. Dotuitead i litrib .i. tinntuit asinn aicniud sin i
llitrib. Doaitnead .i. taitnit asna litrib sin i foclaib.
Doaidhbead .i. du-aispenait do eolchaib eistib .i. a cialla
335] & a caireachtaire .i. fuatha na liter. Dotiaghat asna foclaib
sin i comighib & i sreathaibh roscaigh & fasaigh & airchetail.

p.26

1

Da ernail .i. da fhirinnell, no da fhir-inaill, no da
fhir-dhual, no da erdhul, no da erdhail, no da erdhual,
no da orru-dhul, no da orru-dhedhail, no da orru-dhail.
340] Iss ias sin a tri or, & a tri er, & a tri fir nUraiceapta.
Cadiad da dual & tri duail & cethri duail & coic duail
in Auraiceapta? Ni ansa. Lanfogur & defogur da
dual na nguta: leathgutta ocus mudi & tinfeadhaigh-the
tri dual na conson .i. intan is a ceathair immorro
345] .i. da dual na nguta & da dual na conson .i. leathguta
e & muiti, air is muit h. Intan is a coic dno .i. da dual
na nguta & tri dual na consan.

Forsin n-aibgitir .i. forsind epe audair no forsind epe ic
duar .i. ic foclaib no forsin epi ic tur: no ondi as apigitorium
350] .i. in tinnscedul: no is ed aibgiges a mbescna do chach:
no aipgitir .i. abcor: no is ed aipgiges a Gaedhelg, incipit
a Laitin, apix a Greic, a be ce de dybum a Ebra.

Latindai .i. luaidit inni .i. inna foclu: no a Laidinta .i.
on Latindacht .i. a latitudine .i. on leithet in bescna: no
355] o Latin mac Puin.

Edun .i. ed a oen erniud no ed a oen an eolaig.

Gutta .i. guth fotha .i. fotha in ghota in sein no guth
fuiti iarsani fuidhit gotha treothu: {BB folio 318} no guth seta
iarsinni as seta gotha, ut Priscianus dixit: Litera quassi
360] legittima eo quod iter legendi prebeat .i. in litir amal intech
legend iarsinni fuires set in legind: no guth aite .i. doghniat

p.28

Consain .i. cainsuin .i. suin taitnemcha, no consain onni
is consonantes comhfhograightheacha .i. fograigit malle fri
guthacha: no consain .i. com a sain .i. tercfograightheacha
ar bec a fogair a n-aenar. Cid ara n-eibert-sium
370] guta & consain, uair guta uathaid & consain ilda? Ni
ansa. Guttai & consain is maith and. Cidh ara n-ebairt
guta guth fotha no guta guth fuidhit, ar ni fotha in guth
do fein, & ni fuigheand guth trit fein. Cid ara nd-ebairt-sium
consain comfograighthid, uair ni comhfhogur in
375] consain fria fein no fria guth? Cest, caite in condelg in
etechtu in cheternail ind Auraicepta? Ni ansa. Fors
is ferr a fis is edechta sain, ar ni maith anfhis. Cid ara
n-eabairt guta .i. guth shet, ar ni set is i fen.

Caide ruidhles & dileas & coitchind & indles in focail is
380] guta? Ni ansa. Ruidhles di guth shet, uair etaidh guth
a haenur. Diles di guth fuiit, uair nos-foidend fein.
Coitchind di .i. guth fotha, uair is fotha hi isna foclaib.
Indles di immorro guth fotha, uair ni fota hi inti
fein. Cid ara n-ebairt aibgitir epe ic tur, ar ni tindscaintea
385] na h-aibgitri amal asbert Fenius ba sai isna tri
berlaibh cid siu tisad a tuaid & ni saithi cen aipgitri.

p.30

Atat dano di ernail forsin beithi-luis-nin in oghaim .i.
feadha & taebomnai. Dano i da n-ui in sein uea caingen .i.
in caingean forsin beithi-luis-nin in ogaim .i. inn oguamma
no forsin bitheolus litterdha inn oghaim. Fedha: fidh
395] immorro, dorimter da gne for suidiu .i. fidh saerdha &
fidh aicenta. Fid saerda .i. fid inn oghaim & fid aicenta fid
na caille. Fid saerda immorro feghthair da gne do bunad
oca. Fidh didiu ondi as funo fwnew, fograigim: no ondi
is fundamentum .i. fotha & is coitchend do fhid saerda & do
400] fidh aicenta in bunad sin .i. fundamentum. Fid dono fo edh
a inde eter saerda & aicenta. Fotha dno a airbert eter saerda
& aicenta. Ingnad cidh fodera na da bunadh icon fid
saerda & aenbunadh icon fid aicenta .i. funo & fundamentum?
Ni ansa. Funo a dualus foghair & fundamentum a dualus
405] fotha & caitchend do fidh saerda & do fidh aicenta .i. fotha.

Fidh .i. fedh ae uair itat coic ae and .i. ae ailes & ae chanas
& ae aiges & ae mides & ae suides. Æ ailes dno .i. i cein
mbis for menmain, & ae chanas ica gabail & aei aighes ic

p.32

Taebomnai .i. taebuaim n-ai; no do thaebhaib na n-omnadh
bit .i. do thaebaib na fidh n-aireghdha biit; no
taebomnai {BB folio 318b1} .i. toba damna .i. iarsinni teipiter damna
na focul eistib. Cid dia n-ebairt taebuaim n-ui .i. taebuaim
415] n-airchedail, air ni fil int airchetul inna n-ecmais na
taebomna. Cid ara n-ebarthar do taebhaib na n-omnadh .i.
na feadha, ar ni do taebhaib bit acht rempu no 'na ndhiaidh
isna foclaib bit na taebomna. Toba ndamna immorro, is e
a ruidhles in focail sin. Freagra du breithir tug isin
420] aibgitir Latindai intan roraidh .i. Itat da ernail forsin
aibgitir Latinda. Fregra du aicniud immorro tuc intan
roraidh: Atait da ernail forsin beithi-luis in ogaim.

Cuin is aenda in beithi?

Ni ansa. A huile. Cuin as deda .i. feda & taebomna. Cuin
425] as treda .i. fedha & forfedha & taebomna. Cuin as ceathair
.i. tri aiccmi na taebomna & na x feadha airegdha. Cuin as
choicdi .i. fedha & forfedha & tri aicmi na taebomna. Cuin
as sedha .i. na tri foilcheasta inn ogaim .i. {illu32.1}
Cuin as seachta .i. teora fuilti ind Auraicepta .i. huath
430] & forsail & arnin.

Huath cetumus: is ed fhuilleas b co ngeib greim p amal
asbert in Laitneoir: b cum aspiratione pro p ponitur .i.
samhaighthir b cu tinfiudh ar p conid fuilleas h, ar is p

p.34

Da earnail forsna consainib laisin Laitneoir .i. lethgutai
445] & mutti. Inna lethgutai ceatamus, a tuistidi rempu.
In muite immorro, a tuistidi ina ndiaid do suidib.

Da ernail dno .i. da firdedail didiu forsna consainib
cumaidhi lasin Laitneoir .i. lasin litertreoraidh no lasin
legtreoraid no lasin leathanthoirnidh .i. lethguttai &
450] muitti; lethgutai .i. leth gotha focertad dia fograigud; no
luithguith; no lethguthait no lethguthshet no lethguth
fotha: & ni hiarsanni co mbad leath gotha co cert nobeith
intibh acht nad roichet lanfoghur; unde Priscianus dixit:
Quicquid in duas partes diuiduntur altera pars dicitur
455] semis .i. secip ni fodhlaidir i ndibh randaib, raiter in
dara rand gu rub leath, ut Priscianus dixit: Non qui
demediam partem habent deorum uel uiuorum sed qui
pleni dii uel uiri non sunt .i. cia raidhiter iarum lethfir
& lethtii ni arsinni bhatis dii leithfir no batis lethfir dii
460] acht nach at comlana. Is amlaid sin na leathghuta nidat
comfhocail, ut Donatus dixit: Semiuocales sunt que per se

p.36

Muiti .i. mifothai no maitha no maidthi .i. bec caithte
a foghur; no mette, no moite na gotha a mbeith maraen
friu; no onni as mutus .i. amlabar & ni airsinni batis amlabar
di raith, air itat a fhoghuir intib cidh diat becca, ut Priscianus
470] dixit: Informis mulier dicitur non quia caret forma sed
male formata est .i. atberar in bannscal dodheilb & ni iar-sinni
seachmallas o dheilbh acht midhealb fuirri nama. Is
amlaidh sin iarum na muiti nidat nemfograigh acht is terc
fogur intibh tantum. Unde mute .i. mifhotha dicuntur ut
475] Donatus dixit: Mute sunt que per se nec proferuntur et
per se sillabam non faciunt .i. atat na muiti & it e na denat in
sillaib treothu fen & noco turcbaiter treothu & rl. Na
leathgutai chetamus .i. in cetna ae for seis .i. iar fofis no in
cetna fis no in cetna amus forsin n-asneis. A tustidi
480] remibh .i. in lucht ota a tusmiud .i. na feada. Na muiti
immorro a tustidi ina ndiaidh i suidhibh .i. isna feadhaibh
dlightheachaib. A tustighthidi .i. in lucht ota a teasargain
no a tinnscital .i. a nguthaidhe. Cid ara n-ebairt
a tustidhe 'na ndiaidh maso thustidhi tinnscital, uair
485] ni gnath in tindscedul fo dheoidh. Ni hedh eimh as
ail dosum sund ar mad tustidi in tinnscedul etir, acht
mad ae roscichestar inna menmain .i. dliged gotha fil
i tosuch na leathguta do airisim leis fo dheoidh &
in dliged consonata fil intib fo deoidh do chur uad
490] prius.

p.38

1

Nir bu immaircidi son lasin nGaedel, ar mbad aicnead
doib dib linaib a nguth remib & ina ndiaid air is ed
rob imaircidi la suidi co mbadh an toseach doairesedar
lais & an dedhinach du chur uadh conid muiti uili
495] beithi-luis-nin in oghaim acht feadha nama .i. nir bo
im(airgidi seon) .i. nir bu em ae aireic son; no nir bo eim
aireachtain suad son; no nir bo imuca urasa soon; no nir
bo uca immorro soon lasin nGaedel; no nochor bo reim
im gothaidhi .i. lasin ngaeth dul .i. lasin fear iga raibi in
500] dul gaeth; ar mad aicneadh, no ar mad ae gnithi doibh
diblinaib .i. duna lethguthaibh & dona muitibh a ngotha
remibh & ina ndiaid .i. remib & ina ndhiaid .i. remib dona
lethguthaib & ina ndiaidh dona muitib: acht ata acht leam
and cheana & is ed robo em airechtain suad la sen co mbad
505] ind ae rosechastar ina menmam .i. in guth fil isin leathguthaibh
no-airised lais fo dheoidh, & a ndeidenach fuach do
chor ae int shuadh .i. in taebomnai do chor ar tus conod mi-ait
labartha in bitheolais litterda in ogaim: acht feadha
nama per inistrofen a ainm sin .i. traide den impsoud .i.
510] amal ata l co mbadh le nobeith and, & n co mbad
ne nobeth and. Cid ar mad fearr leis-sium a mbith
comtis muiti huili quam (.i. inas) a mbeith leathguta
& muiti amal robatar icon Laitneoir? Ni ansa. Ar
sechem Grec, ar ni filet lethgutai la suidibh & roba do
Grecaib do Feinius; no dno is ar uaisli uird na nGrec ut
515] dicitur: Omne uile priuspomitur, omne bonum postponitur

p.40

Innsci tra cis lir innsci dochuisin la Feni (.i. ifin che).
520] Ni ansa. A tri .i. ferinnsci & baninnsci & demhinsce
lasin nGaidel .i. mascul & femen & neodar lasin Laitneoir.
Cest, caide deochair eturru? Ni ansa. Nosdeochratar
a tri urluimi indsce .i. hic hec hoc .i. ise isi ised .i.
ise in fear, isi in bhean, ised in neam.
525]

Cest, cuin immairigh eter in innsci & in duil dia
n-innisin? Ni ansa. Intan feadair a hinsci choir fuirri
iar n-aicniudh. Ni imaircidi immorro eturru intan feadair
innsci for a n-aill .i. ferinsci for baninnsci no baninsci
for ferinsci no deiminsci for neachtar n-aei. Feadair em
530] ferinsce for baninnsce intan asberar ise in banmhac-sa,
ut dixit poeta:

1. Dia mbadh missi in banmacan,
   Nocechrainn cach faelmacan;
   Fer nad fintar gu gcluinnter,
   535] Slancheill chein duib, a muindter.

Fedair dno baninnsci for fearinnsci intan asberar
isi in gabur:

1. Isi in gabuir uair is each,
   Ise in gabur cid meighleach,
   540] Isi in chorr cid reil nos-rel,
   Ise in mintan cid banen.

Fedair dno deiminnsci for ferinnsci no baninsci intan
asberar is ed a cheann sechis ceann fir on no mna,
ut dicitur:
545]

1. Ceand mna romannair mo mod,
   Dos-farraidh don, ni deilm ndil,
   Is ed ceand is grannium sain
   Do neoch fil for muin fo nim.

p.42

1

{BB folio 319b27} {E folio 23a23}
Fedair dno baninnsce for deiminnsce intan asberar
550] is i in chloch, ut dicitur:

1. Is he in lia, lith rolas,
   Iar srethaib suadh in senchas;
   Is ed onn iar n-aicneadh ail,
   Is i in cloch iar saerdataid.

555]
2. Is e in daigh derg dighdi dath
   Frisna geibthi cath na cith;
   Is ed ceand is chaemu cruth;
   Fail gu mbruth forsmbroeniu bith.
3. Samail a dealba can chleith
   560] Ealbha ingine Idhaidh;
   Fri goir ngreni glaine ar gurt,
   Is fris samlaim a caemtucht.

Mad iar n-urd choir na ndula, immorro, ni ainm
ferinnsci no baninsci acht du neoch dufuisium & o
tuisimar; & ba deme chena aicneadh na huile.
Duepenar dno deminnsci a ferinnsci no a baninnsci.
Doepenar dno ferinnsci & baninnsci a deiminnsci, amal
ata isna rannaibh², & it he sin na deime tebede & na
lanamna deme & a ngeni-se.

Insci .i. scientia (.i. ecna) a bunadh Laitne. Scothegna
a airbert. Innische a inne .i. innisiu iar caei iar conair:
conar .i. ceangar: tra .i. dorrae cucunn no durae uaini .i.
inn asneis; no tra .i. a tri .i. na tri hinnsci .i. ferinsci
& baninsci & deiminsci. Ferinnsci immorro forinnsci
575] no firinnsci no fofherinsce no firenninnsci no ferdha
innsci no ferr inda innsci na mmna bis indsci in fir
no ferinsci nama bis. Baninnsci dno .i. baninnsci .i.
ba fir no buan innsci no bonenninnsci no bona scientia

p.44

Cuin is erlunn? Is erlonn em intan dosbere fri a
585] n-aill, ut est, is e in fear & rl. Is etargaire dno eter fhemem
& mascul insin: no is etargaire intan deifriche fri neach
n-aili co n-anmairm a athar senrud. Innsci intan asberar
is e nama gen eraill maille fris, ut Priscianus dixit:
Oratio est ordinatio congruam dictionum perfectam
590] que sententiam demostrans .i. ata in innsci ordugud
comimaircide na n-epers faillsiges in ceill foirbthi.
Erlonn inund eter da erlonn nach it inund .i. fri se no
fri sed, air ni erlond is sed, is remshuidiugud.

Ferinnsci aicnid, is e in fer: ferinnsci saerda, is e an
595] neam. Baninnsci aicnid, is i in bean: baninnsci saerda,
is i in chloch. Deminnsci aicnid, is ed an neam:
deminnsci saerda, is ed in ceand. Aicneadh caem and &
aicned etigh. Aicned caemh cetumus: is i a sron no a
suil na mna. Aicned n-eitigh immorro, is i a fhiacail
600] no a bhel na mna & is cail gotha fodera sin .i. ni ni acht
neamgnathugudh amal atat na focail berlai na athgennmar
.i. nit binde lenn uair nis-gnathaigem. Mascol & femen &
neodur lasin Laitneoir .i. mas fear & cul comet: no
comfhiscol .i. moo a fis & a col quam col na mna; no is onni
605] is masculinus .i. masculini. Femen dno .i. femder .i. feme

p.46

Etardheilighther dno eter na tri cenelaibh. Cest, cuin
imaric (.i. cuin as aenairectain suad) eter in insci & in
duil dia n-innisen? Ni ansa. Intan fogabhar a hinnsci
choir fuirri. Acht do neoch dofuisim & o tuisimar atat da
thuismiudh and, tuismiudh aicenta & tuismiudh saerda.
625] Tusmiudh aicenta geine .i. mac sceo ingean o mnai:
tusmiud saerda .i. fer o thalmain, amal asbeir Uraicept:
mor easba in talman meni tusmedh clanda. Cetheora
fodhla saerdhatadh .i. deifir rainde & tugait bindiusa &
illugud labartha & cuimri raid. Deifir rainni, ut est, is e in
630] banmac-sa .i. din raind oigi fil and isin ingin is

p.48

Secht n-eatargaire tra dochuisneat .i. a ngrad condeilg
lasin Laitneoir is eatargoiri a n-ainm lasin filid. Etargoiri
640] in incoisc i persainn, etargaire n-inchoisc persainni,
etargoire persainni i gnim, etargoire persainne i
cessadh. Etargaire derscaigti i nderscugud .i. possit &
comparait & superlait lasin Laitneoir .i. fothugudh &
forran & formoladh lasin filid: maith & fearr & fearrson
645] lasin nGaedeal; etargoire meite i mmetughudh, etargoire
lughaghthe i lugugud. Etargoire n-inchoisc hi
persaind cetumus: unnse (.i. in fer) unnsi (.i. in ben)
onnar (.i. in nem): etargoire in inchoisc persainni, me
faden, tu faden, he faden, sinni fadesin, sibsi fadesin,
650] siat-som fadesin. Etargaire persainni i ngnim: darignius
, darignis, darigne, darignisam, darignesaib, darigensad.
Etargaire persainni i cessadh: rom-char-sa,
rot-char-su, rocharsom, roinchar-ne, rom-charabair-si,
roscarsad. Etargaire derscaigthi i nderscugud .i. maith
655] & ferr & ferrsom (.i. lasin nGaedel coitchend a n-ecmais in
filed, fothugad immorro la sidhe). Etargaire mete i
mmetugud: mor & moo & moosom. Etargaire lughaighthi
i llughugudh: bec & lugum & lugusomh.

p.50

In chondealg lasin Laitneoir is etargoiri lasin filid:
filidh .i. fialsaighi no fialshuighi: no fi ani aerais, & li ani
molais: no fili onni is philosophus .i. fellsamh ar dliged in
670] filed guru fellsumh. Cidh ar nach treidhi lasin Laitneoir
in condelg amal as treidhi lasin nGaedel inn edarghoiri .i.
meid & inni & inchosc? Dedhe immorro lasin Laitneoir .i.
meid & inni namma .i. bonus et malus is i in indi: magnus
et minus is i in meid. Is ed a inni lasin nGaedel .i. maith &
675] olc immalle. Is i a meid .i. mor & beg: & is mor lais-siumh
a mbeg i coneilg in neich is lughu. Inchosc immorro agon
fhilid, ni condelg eside etir lasin Laisneoir, acht pronomen
et uerbum.

Cidh fodera dosumh a radh a ngradh condeig lasin
680] Laitneoir is edargoiri a ainm laisin filid & ni fuil acht
tri graidh condeilg lasin Laitneoir, & atat secht n-etargoire
icon filid? Ni dia chutrumugud eim dosum dno, acht
ita etargoire lasin filid is condelg lasin {BB folio 321} Laitneoir .i.
etargoire derscaigthi i nderscugud. Ni cach etargoire is
685] condeilg & is cach condealg is etargoire. Cidh ar madh
condelg las-sium posit? Ni ansa. Ar is i as fotha, & ata

p.52

Cid arnid ainm comparaiti doberat-somh forin condelg
uili? Ni ansa. Poisit cetumus: Ni derscaigh do ni:
Superlait dno, ni derscaigther di. Comparait immorro
695] derscaighidh di neoch, derscaigther di, conid airisin is
ainm foriata in condelg.

Caite condelg ceilli cen son, & condelg suin cen cheill, &
condelg suin & ceilli molle? Condelg ceilli cen son, ut est:
bonus, melior, optimus. Condelg suin cen ceill, ut est:
700] bonus, bonior, bonimus; nobhiadh iar sun sain & ni fil iar
ceill. Condelg suin & ceilli malle, ut est: magnus, maior,
maximus is i in sin in condelg techta. Bid dno maith, &
ni bi derrscugud de, ut est Deus.

Caite deochair eter se & uinse? Uindse cetumus: sluind
705] persainni sainraidchi insin, ut dicitur: unse uait in fer-sa
saindriud cona anmaim, ut dixit poeta:

1. Unse chugut in gillgugan,
   Mac rearrgugan;
   Bid cach maith lat ar cingugan,
   710] A ceallgugan.

Sluind ceniuil immorro amal ata is e in fear, & ni
fes cia sainriudh, acht is fer tantum. Cidh fodera ind

p.54

Cidh ar nar ba leor leis-sium a rad me i n-etargaire
inchoisc persainne? Ni ansa. Etargaire deifrighudh na
persainde tria hinchosc di fadein .i. in chetpersu uathaid,
conar bo leor a radh me co n-abair me fadein, air is
demniti & is deligidi fri cach persaind a radh me fadein, ut
725] dicitur: imponendo egomet ipse enim ego feci & non alius cum
dicitur egomet uair is me fein & ni neach eli intan asberar
egomet. Quicquid iteratur ut firmus fiat .i. biaid corob
demnite gach ni athairrigthir. Fogabar dno in comparait
cen phosit, ut est: Dulcius est mare Ponticum quam cetera
730] maria .i. is somillsi muir Point andat na muiri ar chena,
& condelc in etechta in sin. Condelc in etechta dano in
cetna ernail in Auraicepta .i. fors .i. ferr a fhis. Is etecta
insin; ar ni maith int anfis.

2

Loc don libur-sa Emain
735] Mhacha. I n-aimsir Conchobair mic Neassa. Persu do
Ferchertne fili. Tucait a denma du breith aesa faind & boirb
for seis {BB folio 321b1}.

Seachta frisa toimsiter Gaedhelg .i. fid & deach, reim
& forbaidh, alt & indsci & etargoiri.
740]

p.56

Indles do sen immorro, air ni fil alt and. Seachta fo
760] vii for sechta inso sis.

Fidh .i. fundamentum a bunad Laitne: Fo edh a hinni:
fotha, no fidh ae a airbert. Ruidhles & diles & coitchend
indiles do fedhaib .i. ruidhles do fhedhaib aireghdhaibh,
diles do forfhedhaib. Coitchend immorro do thaebomnaib
765] acht huath. Indles do sen immorro, air ni taebomna etir, ut
est: h non est litera sed nota aspirationis .i. nocho nfhuil
h co mbad litir acht ata conidh noit tinfidh. Tinfedh .i.

p.58

Deach dno troich (no ar frithindlidhach) a bunadh Laitne.
Degfuach no defuach dano a hinni: dibh uaighthir immorro
a airbert intan is sreath. Caite ruidhles & diles & coitchend
indles isna deachaibh? Ruidhles doib a n-anmand
fein do rad friu amal ata dialt. Diles doib dialt do radh fri
775] cach n-ai dibh, air is dialt duformaidh gach n-ae dib for
araili. Coitchend doib deich do radh fri cach dib. Indleas
do dhialt immorro deach duna seacht ndeachaib ele do radh
fris, air ni fil alt and.

Reim dano .i. re huamma ai a hinni intan is filideacht,
780] re huam intan is bairdni .i. ni huaim tomais dligthig.
Reim dano .i. raid uaim intan is phrois. Reim dano a
airbert, diall no tuiseal a bunadh: no reim onni as
robamus .i. comhshuidhiughud a bunadh. Ruidles do reim
do fid for fid i filideacht: diles do taebreim ceatharcubaid
785] filideachta & bairdne. Coitchend immorro do reim suin
cen cheill & do reim suin & cheilli immaille: diles do
prois: indles immorro do reim suin namma, uair ni filltir.
Cid dosum nar bo lor lais a radh me namma
co nn-earbairt me fadein, ut supra?
790]

Ceithri gnei immorro for prois o {BB folio 322a1} reim .i.
reim suin, amal ata fer. Is as remnigther. Reim ceilli,
amal ata Patraic. Ni airicar a reim suin, air is aendealb

p.60

1. Bellat mathair Niuil neimnigh
   Do chloind Laitin langeimligh
   Fuair bas i llo grene glain,
   Cele Feniusa Farsaidh.

1. Sian sleibi sirlata serind
   Senshaili senim snechta snac
   Slisiu slice samad saball
   Snaithe snithe saland sacc.

Forbaid dno .i. aiccentus lasin Laitneoir, a bunad onni
810] is firmarius .i. ilghnuiseach: forbid (.i. forin focul) no for
fust no for cumair. Forbaid no forbeoidh no forbaid a inne.
Forbeoidh intan is forsail .i. sail fair; no forsail .i. is for
fuilliudh, iarsanni fothaighes in focul for fut. Forbaidh dno
forbaidh intan is dinin dishail .i. sech nin ni sail acht duir;
815] no dinin dishail .i. disein di-fuilliud .i. nemhfhuilliudh.
Forbaidh dno .i. fair bidh intan is ernin .i. ernid nin, no fairnin.
Forbaidh dno .i. gor fhidhbait a airbert: ruidhleas
do forsail: diles do ernin a beith for fut no for gair.

Coitchend do dinin disail, no dona huile forbaidibh
820] forbaid do radh friu. Indles immorro do forbaid
dib dul i llocc araili .i. do da forbaid na nguthaige

p.62

Alt onni as altus .i. uasal a bunad lasin Laitneoir: alt
dano onni alteir ina menmain a imne. Alt co feser immorro
a airbert .i. co feser cia halt aircetail bera fri sechta .i. in
nath, inn anair, inn anamain, in laidh, in setrad, in sainemain.
Alt in anma prosta in re n-aimsire bis eter in da shillaib a
835] inni: alt co feser a airbert. Caite ruidhles & diles &
coitchend, indles alta? Ni ansa. Ruidhles .i. do aiste do
alt filideachta: diles immorro do alt bairdne .i. do aiste.
Coitchend indles do fhoclaibh na proise .i. coitchend do cach
focul i mbiat alta; indles immorro do dialt, ar ni bi alt and.
835]

Indsce dano .i. scientia a bunad Laitne: in deschae a
inne: scothecna a airbert: no insci, co feser in aisti urdalta
.i. co feser in si no in se in aisti bera fri sechta amal roghabh
is e in nath, is i in laid. Indsci in anma prosta .i. ferindsci
& banindsci & deminsci. Cate ruidles & diles & coitchend,
840] indles, na hinsce? Ruidles don insci aicenta caemh: diles
don insci aicenta ecaem: coitchend indles don insci saerda
.i. coitchend ara gnathugud, indles immorro ara aindilsi.

Etargaire dno onni is etargradimus .i. foruaslaigeach:

p.64

Cest, in gne {BB folio 322} no in cenel in fidh? Is cenel emh:
& masa chenel, cadet a gnee? Ni ansa. Fid saerda & fid
aicenta .i. fid saerda fid inn ogaim; fid aicenta immorro
855] fid na cailli. Et fid inn ogaim, in gne no in cenel? Is
cenel ecin, ar techtaid gne .i. fid aireagda, & forfidh, &
taebomna. Is e insin in cenel cenelach gneach .i. fid.
Cest, in gne no in cenel in deach? Is cenel emh, ar
techtaidh gne .i. secht ndeich na filideachta. Is e sin in
860] cenel gneach baghabhat ocht n-ernaili ceachtar ngne na
filideachta.

Cest, in gne no in cenel in rem? Is cenel .i. techtaid
da gne .i. filideacht & bairdne .i. reim do fidh for fidh &
taebreim do fidh for fidh, ut est:
865]

1. Coluim caid cumachtach & rl.

Taebreim immorro ut est:

1. A Fhlaind at luam in gaiscidh grinn
   Co Maistin maill.
   At glan, at gaeth, is garg do rind,
   870] At laech, a Fhlaind.

p.66

2

{BB folio 322b12} {E folio 24b52}
Ceithri gne for prois o reim .i. reim suin cen cheill, &
reim suin & ceilli, & taebreim prosta, & reim suin namma.
Reim suin cen cheill cetumus .i. fer fir: reim suin & cheilli
.i. Fland Flaind: reim suin tantum Patraic Patraic: &
875] taebreim prosta .i. fadein. Tri gne ara togarar reim .i. reim
ind, & reim ass, & reim ind & ass malle: reim ass ut est fer;
reim ind ut est fir isin reimniugud: reim ind & ass .i. in
fear .i. ind teit & ass teit a lanreim ind i ndualus fogur
huathaid & ina dualgus foghar ilair. Reim ind & ass
880] maille .i. ind a dualgus foghur uathaid & ilair immalle
inna dualus ceilli: no reim ind .i. Patraic, ar ni fil
ind iar ceill: reim ind & ass malle .i. Fland Flaind,
ar ita ind iar ceill & ita ass iar suin.

Is e sin in cenel cenelach gneach cenelach rochumadh
sund forsna secht remendaib & rl. Cest, in gne no in
cenel ind forbaidh? Is cenel, ar techtaidh tri gnee. Is
e sin in cenel for a tarrasa tri gnee na Gaedelge. Cest,
in gne no in cenel int alt? Is cenel ecin, ar isas tri gnee
fai .i. als saerda & alt aicenta & alt co feser. Int alt co feser
890] techtaid coic ngne & coic cenela. Cest, in gne no in cenel
indsci? Is derb conid cenel & techtid na tri indsce. Is
saincenel deochraides in doman. Cest, in cenel no in gne
in etargoiri? Is cenel eim, uair dianairmidi a gnei. Iss
e in cenel etardefriges na huili & rl.
895]

Cest, caide esse in sechtu frisa tomsigther in Goedelg?

p.68

1. Esse feda is fretede
   Ferr duib a aicne occaib
   In blog aeoir thepide
   900] Techtas i n-elluch focail.

Caite esse deich? Ni ansa. In lin no inn uaite son n-oencongbalach
airimther o dialt co bricht cona n-atghabail
diblinaib. Caide esse remme? Ni ansa. In bruudh fillti
905] fogurda forbriste foil otha in ainmiudh n-uathaid co foxlaid
n-ilair. Caite esse fuirbhthe? Ni ansa. In tormach no in
digbail n-aimsire airighes aicned i comhshiniudh fri fogur.
Cate esse alta? Ni ansa. In toe tengadh fil don filid
ac ceimniughud don litir for araill mad alt saerda, no
910] don sillaib for araili mad alt aicenta. Cate esse insce?
Ni ansa. In foludh firen foirbthe fegthair isna tri cenelaibh.
Cate esse etargairi? Ni ansa. Int athfegadh
mete no laiget no inde no inchoisc no edardeifrighi no
etardelighthi no edarderscaigthe rodealbh Dia eter
915] duilib.

Cate tomhus fri sechta? Ni ansa. In fid tuisseach
bis isin rand {BB folio 323} & in taebomna tuissecha do thabairt
ar aird, & co festar na feda bes isin taebchubaidh in raind,
& gu robe in fidh cetna bes isind imrecru na tarmthortcheand,
920] & gu rub inund a lin do thaebomnaib bes impu,
& co festar cia deach dona ocht ndeachaib daroigh i n-aisti,
& co festar in taebreim no in reim do fid for fidh, & co festar

p.70

Caitiat na da taebomna gabhait greim guthaige? .i.
c & r ar essi a, ut est: Coluim Cille cecinit:

1. Im ba sessach im ba seng,
   Im ba tresach, tuirme glonn,
   940] A Chríst! in congebha lind
   O thi co teacht ar lind long?

Caite tomus fri fid! Ni ansa. Co feisear a llín & a
n-uaite, a met & a laiget, a cumung & a n-ecumung, a
neart & a n-aimneart. Is ed a lin: coic aicmi ogaim
945] .i. coicfear cacha aicmi, & oen co a coic cach ae, condadeligitar a n-airdi. It e a n-airdi: deasdruim, tuathdruim,

p.72

Cest, cid ara n-ebertar feda fri suidiu? Ni ansa,
fobith domiter friu & co n-uaigiter³ condaib, ut dicitur luis
ailme, beithi ailme. Cindas domiter frisna taebomna
955] amal fidu? Ni ansa. Cach da thaebomna ar fid hi
cubaid, cach da cobfid i cubaid: is ed is cubaid
iarum co robe an fid cetna beas isna fociaib in imfreccrai,
& co rob inund a lin du taebomna beas intib, ut
est, bas & las: & bras & gras: ceand & leand: dorn &
960] corn: dond & cond.

Caite tomus fri fid? .i. co fesser a lin & a n-uaiti .i.
a lin a coic aicmib & a n-uaiti i n-aenaicmi; a met
& a llaiget .i. a met hi coic flescaib & a llaiget i
n-aenflescaib. Caite deochair eter a cumang & a neart?
965] A cumang cetamus: Intan gabaid guth a n-aenur .i.
a no o no u. A nert immorro intan dos-bere
primshuidhiugud i sillaib, amal ata bais & lais. C'aite
deochair eter a n-egumang & a n-aimnert? Ni ansa.
Ecumang intan bithi {BB folio 323b1} fo nihilus ina guthaige amal
970] rogab find. Fir em, air ni thuicter na feda dedhencha filet
isna deghfoghraibh sin triana cansain fochetoir: aimnert

p.74

Coic feadha cach aicmi: & is oen co a coic cach ae .i.
975] aenfleisc co coic flescaib, ut est, beithi a aenur, nin a coicur:
no dno gne ele? Ni ansa. Ecumang cetamus: intan bite
fo nialus ut quoniam quidem lasin Laitneoir, no intan bite
tri guthaighe a n-aenshillaib lasin nGaedhel, ut Briain,
gliaidh, feoil, beoir, lasin nGaedel. Aimnert immorro intan
980] bite fo consonacht, ut seruus, uulgus lasin Laitneoir,
ut iarum cian & ceir & uull & aball lasin nGaedhel & rl.

Lanchumang dano intib etir fedha & taebhomna co nd-urba
uath Conda-delighetar tria n-airde (.i. tria n-ecosc)
.i. is caindeifriges a n-aradu. It e a n-airde:
985] Deasdruim .i. bethi do deas in droma, is ed aicmi beithi:
Tuaithdruim .i. don leith atuaidh din druim bis aicme uatha:
Lesdruim .i. leas uait & fris cucut, no leatarsna darin
druim bis aicmi muine: Tredruim, is ed aicmi ailmi:
Imdruim .i. andiu & anall aicmi na forfidh. Is amlaid
990] imdrengar .i. is amhlaidh eimh ceimnighthir isinn ogam
amal cemnigther isin crand .i. do lamh dess reut .i. aicmi
beithi: & do lamh chle foi diudh .i. aicmi h. & iarsin is
leis & is fris aicmi m .i. les uait & fris cucut: trit immorro
aicmi a: tairis immorro & immi aicm i na forfidh. Is
995] amhlaid sin imdheilighter na fedha & na forfeda & na
taebomna. Cid ara n-eparar fedha fri saidhiu? Ni ansa.
Fobith domiter na taebomna friu & cainuaighter na focail

p.76

1. Marcach atchonnac anne,
   Etach uaime co ndath cro,
   1005] A dath is gilithear geis,
   Uan tuinni dath a da o.

Deda airegar and: aentugud co ndeliugud amal
ata bas & las & is iar comardadh n-airchetail asa,
air is inand fidh aireg hdha il intib, & is inand taebomna
1010] degheanach. Sain imm orro in taebomna taeseach .i. el.
Cindas toimsiter na taebomna imna fedaibh? Ni ansa.
Cach da taebomna dib imon fidh. Is e in comfhot coir (.i.
lancubaid insin), ut est, bas & las. Is e sin int aentughud
co n-inannus, & int aentugud cen inannus: & is iar comhardugud
1015] n-airchetail ata, uair is inund fidh aireghdha fil
intibh, & is comlin do thaebomnaib; & is ed a choir n-airchetail.

Conagar dno isin aipgitir bunad o aen, & airic o deda,
& a cor a tredhe, & a comhuaim fri ceathardu, & a comdhluthadh
1020] fri cuicthi, a moradh a seda, a fogail a sechta, a
riagail fri ochta, a incosc a naede, a asdadh a ndeichthe. Is e
int aen thuas .i. Fenius Farrsaidh; in dedha .i. mac Etheoir
fris; in tres mac Aingen; in ceathramadh Cae; in coiced
Amairgen mac Naende mic Nenuail; in sesedh Ferchertne;
1025]

p.78

Is e seo a thosach in Uraiceapta iar nAmairgein nGlungeal. Locc don libur-sa Tochur Inbhir Moir i
crich h-Ua nEnechglais Cualand: Et aimser do aimsear
1030] mac Miled {BB folio 324}. Perso do Amairgein Glungeal mac Miled. Tucaid a denma mic Miled dia tothlugud fair
amal ata 'nar ndiaidh.

Cia arranic a mberla-sa & cia airm i n-arneacht & cissi
aimser i n-arnecht? Ni ansa. Arranic Fenius Farrsaidh
1035] oc sur Nemruaid i cind dech mbliadan iar scailiudh on
tur for cach leath, & is cach comberlaid dochuaidh and
dochum a crichi & ni cach comcheniuil amal rogab Cai
Cainbreathach, dalta Feniusa Farrsaidh, in dara descipul
sechtmogat na scoili. Ba do Ebraibh a bhunadhus & co
1040] Eigipt rofuidhedh. Ocus is and roan Fenius fodhesin ocon
tur, & is and roaitreabh, conid andsin conaitchetar chuice
in scol berla tobaidi do theipu doib asna hilberlaibh tucsat
leo d i muich conna beith oc nach ailiu a mberla sain acht
occaib-seomh a n-aenur, no ic neoch no-foglaindfedh leithiu
1045] dorisi. Is andsain dorepedh a mbelra asna hilberlaibh, &
rotaiselbad do aenfir dib, conid a ainm-sen forta a mbelra-sa.
Ba he in fer hisin .i. Goedel mac Angein, conid
Gaedil de-side o Gaedel mac Angin mic Glunfind mic
Laimfhindh mic Agnumain do Gregaibh. Inand tra
1050] Gaedel mac Aimergin & Gaedel mac Etheoir .i. da ainm

p.80

Rolatha iarumh a fedha for leith & a taebomna dno
for leith, co fil cach ae dibh fo leth o 'rlaile (sic). Ni fail
leathgutai amal na fail la Grego acht na muite namma.
1060] Cach duil do na rabha ainmniugud isna berlaib ailib
airichta ainmnighthi doibh (isin Gaedilg), ut est grus
& cloch & linn.

1. Atconnac in lis
   1065] Seach a teged glas,
   Inarb imda a grus
   Gen gurb imda as.

A nba ferr & a nba leithiu & a nba caimiu cach berla, is
ed doratad aco isinn Gaedelg .i. i nba socair caimiu fri radh
.i. socarcaine leosum gutta & muiti oca and inat leathgutta
1070] & muiti & guttai amal atat icon Laitneoir.

Ferr i ceill leosum .i. a v fri fat & a v fri gair, & a v fri buga
& a v fri cruas, & a v fri lanfogur & a v fri deghfogur, anda a
haen-choic fothibh uili amal ata icon Laitneoir & is ed asbeir
in Laitneoir: Gabaidh a chuic guthaige-sium an greim sin
1075] uili, ut est Latine he omnes uocales produci & corripi possunt
.i. itat na huili guthaige Laitinda .i. co caemnachtar co regdar
& co timairceter. Leithiu i llitrib .i. ar ni fil a fhregra sin

p.82

Is e seo a thossach in libhair-sea iar Fenius & iar
nIair mac Nema & iar nGaedel mac Ethiuir. Is iat sin
a persainn; & is i a aimser .i. aimser tancatar mic
Israel uili a hEigipht. I nDacia arricht ci asberatar alii
1105] co mbad i mmaigh Sennair. Tucait a scribind .i. a

p.84

Se primthaisigh lasi ndernad in tor .i. Eper mac Saile
& Gregus mac Gomer otait Greic, & Laitin mac Puin
otait Laitinda, Riabad Scot mac Gomer, & Nemruadh mac
Cuis, & Fenius Farrsaidh. Da bliadain coecat o scailed
in tuir co flaithius Nin mic Bel, a do coecat a righi: ceithir
1120] bliadhna deac ar tri fichtib ar secht cetaib o fhlaithius
Nin mic Bel co deredh flaithiusa Tutaines righ in domain.
Is re linn rotoghladh in Trae fo dheoidh: secht mbliadna
ingen Laitin mic Puin: conad tri bliadna cethorchat
ar noi cetaibh o scaileadh in tuir co tuc Æneas Lauina &
1125] Laitin fen doroine a caingen fris. Is follus as sin co nach
certtiaghait lucht in Uraicepta-sa co mbad e Laidin in
sechtmadh primthuiseach in tuir.

Cest, caiteat Aipgitre na tri primberla eter
ainmniugud & charechtair? Ni ansa, em. Aipgitir
1130] Ebraidi cetamus.

p.86

p.88

2

Is e in fer cetna tra Fenius Farsaidh arainig inna ceithri
aipgitri-sea .i. aipgitir Ebraidi & Grecda & Laitinda & in
beithi-luis-nin in ogaim & is airi is certiu in dedenach .i.
in beithe air is fo deoidh arricht. Bai coiciur ar fichit
1135] isin scoil ba huaisliu dib & is e a n-anmand forta {BB folio 325} in
beithi-luis-nin eter fedha & taebomna
{illu88.1}
& bai morshesser ba huaisliu do suidhibh o ranainmnighthea
na seacht fedha aireghdha inn ogaim,
1140] conadh oiri rolaithi for leith {illu88.2}.
Aaberat araili it deich feda airegda filet ann & it e indso
a n-anmand: {illu88.3} & it e
a tri doformagat sen frisna secht thuas {illu88.4}.
conid aire sin rolatha a fedha & a taebomna for leith
1145] & it e a n-anmand soin fordotait iarumh.

Asberat immorro araile co nach o dhainibh itir
ainmnighter fedha inn n-ogaim isin Gaedhelg acht o
chrandaibh gen gu haichinter anniu araile crand dibh.
Air atat ceithri hernaile for crandaib .i. airigh fedha &
1150] athaig fedha & lossa fedha & fodhla fedha; & is uaithibh sin
a ceathrur ainmnighter fedha in oghaim. Airigh fedha
quidem .i. dur, coll, cuileand, abhull, uindsiu, ibur, gius.
Athaig fedha .i. fern, sail, bethi, lemh, sce, crithach,
caerthand. Fodla fedha andso .i. draighen, trom, feorus,
1155]

p.90

& is airi sin is i mbeithi roscribadh in cetainm ogaim
tucadh a nErind .i. secht mbeithi tugad do Lugh mac
Ethlenn.. berthair do bean uait nisi eam custodieris
(.i. mine derna tu a coimét)⁴. Is aire sin beos scribthar
beithi a tosach aipgitre in ogaim. Luis dno, is o chrand
1165] rohainmniged .i. o cairtheand .i. uair luis ainm caerthaind
isint shenGaedelg ut dicitur: Li sula luis .i. caertheand
ar ailleacht a caer. Fernd dono, o chrand rohainmniged
ut dicitur: Airenach Fiann .i. fernd, air is di na sgeith.
Sail dano, is o chrand rohainmniged ut dicitur: Li ambi
1170] .i. nemli lais .i. ar cosmaillius a datha fri marb. Nin
dno, is o chrand rohainmniged .i. o uindsind ut dicitur:
cosdad sida nin .i. uinnius, ar is di doniter craind gae triasa
coscairther in sidh: no cosdudh sidha uindis. Nin .i.
ginol garmna dognither do uindsind .i. isin aimsir
1175] sidha togaibter garmna. Huath dono, is o chrand
rohainmniged .i. sce ut dicitur: comdal cuan huath
.i. sce⁵: no ar is uathmar hi ara deilghibh. Duir
dono, is o chrand rohainmniged, ut dicitur airde dossaib
duir. Tinne dono, is o chrand rohainmniged .i.
1180] cuileann trian roith tindi .i. ar is cuileand in tres

p.92

Anmand fidh tra sin uile amal fogabar isna Duilibh
Fedha inn ogaim & ni ho dainib ut alii dicunt.
1200]

Cest, cis lir a cumang? Ni ansa. Lanchumang intibh
uilibh eter fedha & taebomna co nd-aurba huath .i. conas-firbade
uath .i. amal bes a n-aicnedcidh mor gidh beg e. Is
amhlaidh innister isin Cin Ollaman .i. cethirshlicht feghthair
for fedhaibh .i. cumang & egumang, lanchumang &
1205] lenchumang. Lanchumang i fedaib, cumang a forfedaibh,
egumang a mutibh, lethchumang a leathgutaibh.
Atberat araile is treshlicht as choir and .i. lanchumang a
fedaibh, & cumang a forfedaibh, & ecumang a muitibh; ar ni

p.94

Cest, cis lir dech docussin? Ni ansa. A ocht: dialt
& recomrac & iarcomrac, felis & cloenre & luibenchosach &
claideamnas & bricht. Oenfidh airegda i ndialt, a da i
1215] recomrac, a tri i n-iarcomrac, a ceithri i filis, a coic
hi claenre, a se i luibenchosach, a secht i claidemnas, a
ocht i mbricht, cenmota taebomna. Cest, cia roig
dialt i mmeit & i llaiget .i. dialt co ceill coic litri and a
n-as mode: rosaigh i llaiget co oenlitir & is focal son, ut
1220] est a, o, i, amal ata á (.i. ard) slebhi. Amal isa Ard
(Á) Cuis, & Ard (Á) Cartaind, a Slebh Luachra .i.
anmand slebhe saindriudh ut dixit Mac Da Cerda:—

1. Damh conngair eter da a,
   Fon-gluaisi gaeth gulbanda,
   1225] Is uallach int arganda
   Re trichait sed lurganda

p.96

Coig airmi cintecha in tuir .i. da tuaith sechtmogat &
da comairlig sechtmogat acco & da berla sechtmogat for
fodailt doib & da deiscipul sechtmogat tancadar la Feinius
do foglaim ba mberla sin & da ceimend sechtmogat in
1245] airdi in tuir.

Cest, caidi deifir eter indeall & tindell? Ni ansa. Innell
int imcomurc & tinnell int eirniud.

Seacht primtoisigh lasi ndernad in tor .i. Eber mac
Saili, Grecus mac Gomer a quo Greci, Laitin mac Puin
1250] a quo Laitini, Riabath Scot a quo Scoiti, Nemruadh mac
Cuis mic Caim mic Noi, & Faillech mac Ragau mic
Arafaxat mic Seim.

Cest, cate deochraigter erer cinniud & cintechu &
cinntichu son? Ni ansa. Cinniud in aipgitir Grecda, ar is
1255] ceirtiu quam ind aipgitir {BB folio 326a1} Aspin Ebraide. Cinntichu
immorro in aipgitir Laitianda na in aipgitir Grecda.
Cinntichu son .i. beithi-luis-nin in ogaim na in aipgitir
Laitianta uair is fo deoidh arricht.

Cia haenfocul gebes forna ceithri ernaili ind Auraicepta
1260] cen deifir tomuis no tarmfortcind no feda no focail

p.98

Treidi doghni uath .i. bogad & semigudh & airdibdad.
Bocad cetumus: for taebomnaib & is 'na ndiaidh doeagmaing
1265] doib .i. do p & do c & do t ut cloch, both. Iarsin
Laitneoir bidh tinfid iar cach taebomna isin Gaedilc. Semigudh
immorro forna taebomnaib chena & is rempo doecmaing
doib .i. for coic taebomnaib .i. for b, c, d, t, g. Bogad
beithi cetamus .i. sop & lop .i. amal ata Bhatraig. Uath
1270] bogas in beithi fil and, ar ni bi p isin Gaedilc. Semigud
amal ata a Batraig, uath and is semiu 'nas i n-aill.
Bocad cuill .i. clach & ach; bocad d .i. sodh & odh. Bocad
for tinni .i. tath & ath. Bocad for gort .i. magh & agh.
Seimigud b immorro .i. a bhen, a bhan, a bhe binn.
1275] Seimiugud c dono .i. o chiun, do chein, o chianaibh, o
chetoir. Semigud d .i. dhamsa, dhuitsiu. Semigud t
.i. a thir, a thuaigh. Semiugud g .i. a ghradh & a
ogha.

Airdibdad immorro forta dá taebomna .i. for sailig &
1280] for ferna (.i. taebomna amal fedaib) .i. orro dibdudh .i.
a mbricht ass di raith amal ata ardibdad sailech .i. a
shal, a shuil. Airdibdad ferna .i. a fhind, a fhir, ind
fheda.

Is sain so frisna cubaid {illu98.1} .i. euad &
edadh in dorusa uerbi (.i. tabair esemplair) gur uinge &
1285] cingit & cuing is ecen di littir Latianda ica scribind na
consani .i. n & g. Ni hecen acht {illu98.2} a oenur ar son

p.100

It e coic gne in berla tobaidi .i. berla Fene
& fasaige na filed & berla etarsgarta & berla forttide na filed
triasa n-agaillit cach dib a chele & iarmberla amal rogab:
Cuic .i. ruin. Et ballorb .i. ball do forbau na filideachta
1305] aicce; no is do chanaid is ainm. Et muirne .i. miruin no
miruine. Gne n-aill do iarmberla .i. iarum & dno & atat &
tra & immorro & edon & iar & ar & cest & cair & cisne &
caidat & ni ansa & rl. Gne n-aill dno .i. forsna (.i. feraib) &
fona & esna & tresna, sechna. It e na lorga fuach in sin
1310] lasin filid. Gne n-aill dano .i. he es em co tre tair do o fo

p.102

Ocus berla a-edarsgarta eter na fedaibh aireghdaibh
.i. berla tresa fuil deliugud na fid n-aireghda isin aenfhocul
triana n-inde taithmeach, ut est, amal rogabh ros .i. roi
oiss quando (.i. intan) as rois caelli & rass iar lind intan
1320] as ros usce .i. rofhos mad for marbusce ino {BB folio 326b1} roidh
ass mad for sruth & ro as intan as ros lin .i. ar a luas & ar a
thigi asas. Ocus a mberla forteidi .i. fordorcha no
ruamanta inna filideachta, amal asrubairt in file hi scuil
Feniusa: Etaill aro ni anfem de .i. i inis; etall .i. uasal
1325] & aro .i. imramh .i. ni anfem de imram co risam in innsi
n-uasail .i. Eiri no Espain, no is Espain eicin amal rogab
i n- Imagallaim na Da Thuar: Brimon smetrach. Berla
na filed so .i. in gne deidinach is sund .i. bri .i. briathar,
mon .i. cleas, & smit .i. cluas, & forrach .i. rigi: no bri .i.
1330] briathar, & mon .i. cleas, & smetrach .i. smit forrach .i.
co forrgidis neach. Cleas bratharda sin donidis na filid
oc ecnuch .i. smit a cluaisi do gabail ina laimh .i. amal
nach fil cnaim sund ni raib eneach iconti egnaigeas
in fili.
1335]

Iss e in coic(ed) gne in gnathberla fogni do cach,

p.104

Cest, caide fot & gair intib & rl.? Ni ansa. Amal ata
neam, forfid fil and. Nem immorro in fid aireghda fil
1340] and & is cruaidiu in fid aireghda fil and & is buigi
in forfhid .i. neam; no didiu is gair n-aicnid & fot suidigthi
a fedaib & gair suidigthi i forfedaib & fot n-aicnid; no
dono na feda fileat sund it inunda & na guthaigi. Na forfeda
immorro it inunda & na deofhoghair. In defhoghur
1345] fil intib iarum, amal ata bean, bein dogenta de meni beith
deofhoghur. Is amlaid na forfeda. Cindus on & ebad
a forfidh ind anma intan asberar fer? Ni codarsna anni
sin arin defoghur. Is cumair sin & ni bi fair acht aimsear
co leith tantum (.i. nama) a n-as modhe. Da aimsir immorro
1350] forsin nguthaige fota. Cia bad gairit iarum in
defoghur remunn inrathaigte. Ceinmota didiu in fid
conicc comardugud fuit & gair indib, amal asbert in Laitneoir:
circumplex forsna sillabaib fotta amal ata do, si; &
amal adberat acuit forsna sillabaib cuimri ut est pax .i.
1355] bacc. Is fon indus sin dobeir in Gaedel forshail for fot
amal rogab sron & slog & rl. et ernin arding dead amal
rogab leacc & ceand & rl. Cid timarta iarum ebad isinni
is fer ni la Greco as defoghur in sain. Cid fotera in
codarsna sin & na coic fedha & n(a secht) fedha & na
1360] deich fedha iar fuilliucht aili? Ni ansa. Na coic fedha
cetamus: ic frecra duna coic guthaigub tug na secht fedha

p.106

Gne aili asberait araili ebad & oir is ar fedaib foda
itat. Uilleann immorro is ar y ata, & is ar u intan bis fo
medontaig. Iphin is ar h-i fo meodontacht, no is iphin is
coir and ar p. Emuncoll didiu is ar x ata .i. for foimdin
1370] na focul nGrecda no Laitinda do thabairt isinn Gaidelg, &
is aire raiter eamancoll ris, ar is coll indarna taebomna fil
ind x, & is airi is coll adberar d' emnad and, & ni sail; ar
is taisechu coll in x ina sail.

Conadar didiu isin bethi-luis-nin: Caidi in fid gabus
1375] greim taebomna & in fid gabus greim da taebomna & in
fid gabus greim focail {BB folio 327a1} & in fid na geibh greim
taebomna na feda na focail? Is e in fidh gabus greim taebomna
quidem .i. fid a ndiaid araile & fidh bis for primfhid
a focail no araen re defhoghur a n-aensillaib, ut est,
1380] beoir feoil Briain & rl., no fidh teit a consanacht .i. u. Fid
gabus greim dá taebomna .i. aenfidh fregras in tomus do
dhib taebomnaibh, ut dicitur: cach da taebomna ar fidh.
Fid gabus greim focail .i. fidh labhras a aenur. Fidh na
ghabhand greim taebomna na fedha na focail .i. u nihelsa ut
1385] dicitur: nec uocales nec consonantes habentur (.i. nach gutai
& nach consoini iat) no fidh bhis a ndiaid araile ut diximus
(mar adubramar).

Conadar dono isin beithi-luis-nin taebomna gabus

p.108

Taebomna gabus greim coic fed & se taebomna .i. duir
i n-inad dine disoil. Ni machtad intan ghabhus greim
na coic fidh & na se taebomna ge gabhaidh greim da fidh
& da taebomna. Taebomna gabus greim tri fidh & ceithri
taebomna .i. sail a n-inad forsail. Taebomna gabus greim
1405] focail .i. taebomna congeb greim forbaidhe. Taebomna
na geb greim taebomna na feda na focail .i. taebomna dia
togaib uath ceand doraith.⁶

Cest, cislir deich dochuisin? Ni ansa. In traigh lasin
Laitneoir, in dech lasin filid, ut Donatus dixit: pes est
1410] sillabarum et temporum certa dinumeratio .i. ata in traigh
conid armidetu demin inna sillab & inna n-aimser. Ata
dono airmidetu derb sillab & traighed & aimser ocon
Gaidhiul o dhialt co bricht: sillab foirbthe cach deach
dibh di arailiu isin Gaedilc conid a hocht samlaidh
1415]

p.110

Ocht sillaba isan focul is mo isan Gaedilc, ut est, fiannamailcecheterdarai
1435] & anrocomraircnicsiumairne, & rl.

Tri sillaba deg immorro isin focul is mo isin Laitin
ut est tinerificabilitudinetaitibus.

p.112

2

{BB folio 327b1} {E folio 27a39}
Iss e int ainm airmi .i. a tri no a ceithir. It eat {BB folio 327b1}
na hanmanda uird airmi immorro primus et sequndus et
1440] tercius .i. anmand a n-airmi iar prois & a n-anmand uird
airmi immorro iar n-aicned.

Is i sin an deochair, airim anforbthe amal ata a iii
no a v, ar nocho nfuillter (fogailter) o choitibh. Airim
forbthe, ut est, a se, a aen fo se, a do fo thri, a tri fo do.
1445] Airim forbthi in sin, uair airissid o choitibh co coir.
Airim ollforbthe ut est a do dec .i. a haen a haile dec,
a do a sessed, a tri a ceathramthu, a cethri a trian, a
se a ceirtleath samlaidh, amal rogabh a do dec .i. a aen &
a do & a tri a se sin; & a ceithri iarsin conid a deich sin;
1450] & a se iarsin conid a se dec samhlaid. Conid airimh in sain
is fuilliu anda coit tria taithmet a lethe. Is cach coitidi
is randaidhi, & ni cach randaigi is choitide, & rl.

Cest, cia roaig dialt i mmeit & i llaiget? Ni ansa.
Dialt co ceill .i. coic litri and a n-as mode: aenlitir
1455] immorro a n-as lughude .i. ic sluinn cheilli comlaine
amal ata o no i. Dialt didiu bunad cacha Gaedelge acht
mod & tod & troth. Cid fodera nach bunadh doibh-sein?
Ni ansa. Ar is dialt cach ai dhibh, & ni bunad in raet
do fen, no dono is bunadh cach Gaedelge dialt acht mod &
1460] tod & troth. Acht is momo lem and chena ni dat bunad
Gaedelge acht is bunad ceilli. Caite in cenel dianad
bunadh? Ni ansa .i. mod cach ferda .i. gach ball ferda
& cach comna ferda; & todh cach mbanda .i. cach ball
banda & cach comna banda; & troth cach neoturda .i.
1465]

p.114

p.116

Cindas toimsiter fri cach insci? .i. corop cach dialt
frecras-sa di araili amal ata tis tuas, air is ed a chubhaidh
intan is cobfhidh, & is cobfhid in focal ind imfrecra & is
comdeach in tarmfortcend.

p.118

2

{BB folio 328a16} {E folio 27b6}
Coic filltigthi fichet hi remim amal ros-gabh andso
sis:—

Fer a ainmniugud.     Fir a sealbad.
I fiur a aitreib.     Ar fear a airicheall.
Co fer a ascnam.     In fer a inchosc.
A fir a togairm.     Hi fer a innothacht.
1520] Sech fer a sechmall.     Oc fir a furmiud.
O fhir a foxaul.     For fer a fortud.
Fri fer a freslige.     In fir a tustidhi.
Fo fiur a fothud.     Do fiur a dhanad.
De fhiur a digbhail.     Iar fiur a thiarmoracht.
1525] La fer a thaebtu.     Im fer a imthimcheall.
Ar fiur a fresgabhail.     Dar fer a thairsce.
Frisin fer a thormach.     Tre fer a thregdhadh.
Is fer a thuarasgbhail.     Ri fiur a remiudh.

Fedar dno a n-illar .i. fir a ainmnigud, na fir a tuarascbhail,
1530] ac feraib a inchosc (sic), na fer a shealbad, dona
feraib a danadh, sic in sequentibus.

Fear didiu ebadh a fhidh in anma asberar fer; e a
guta; dialt a diach .i. son oencongbalach cen alt etir.
Dichongbail and io no iphin a fidh ina remim no ina
1535] shealbhadh intan asberar fir .i. ar bit in dis ina reim io
and amal ata fir iphin and amal ata do fir io amal ata a
fir; iphin amal ata o fhir. Is aire nach airimh ebhadh ina
reim ce beith i n-araileib and amal ata co fer, & rl., air ni fil
acht reim ceilli namma in gach baile i mmairend in fhidh
1540] bis is in ainmnid. Isna filltib as io no iphin bhis intib

p.120

Dinin disail a forbaidh .i. a aicnid lasin Laitneoir; air
it e teora fuirbhthe dochuisnet .i. arnin & dinin dishail &
1545] forsail .i. arnin arding ded, forsail for fot fedair, dinin
disail for gair gabhaidh:

Arnin, ut est glonn & donn & crann & glenn: forsail,
ut est, sron & slog & mor: dinin disoil, ut est, fer
& cor & ler & tor & cach timarta ar chena. Intan
1550] scribthar int ainm ogaim is and scribtar na forbaide-sea
uasu fri realadh fuid & gair no fri tennad, ar ni
tuigfidhea cheana: uair amal dobeir in Laitneoir acuit
forsna sillabaib cuimre, ut est, pax & rl., & forsna sillabaib cuimre, ut est, pax & rl., & circumplex forsna
sillabaib fota, ut, res, sic dobeir in Gaedel dine dishoil
1555] arna cuimribh, ut est, fer; & forshail forna fodaib amal
rogab {BB folio 328b1} lamh; & amal bis graib in gach aenebert
ilfoclaig la acuit no la circumplex, sech is arnin araen re
dine disail no araen ri forsail i n-aenfocul ut ceann & sron.
Airnin iarum ernid nin: no airnin .i. fair nin, air is nin
1560] scribthar ag fuacra na forbaidi sin .i. nin ainm coitcheand
do gach litir eter feadaib & taebomnaib. Forsail dano
sail fair air is sail scribthar ig incosc na forbaide
sin ar is for fut bis forsail, & is siniud na haimsire do
forin sail: no forsail .i. foruillid in focul conad foda: no forsail
1565] .i. furail seach in cumair. Dinin disail .i. di fo diultad
and co nach nin & co nach sail acht is duir scribthar ac
inchosc na forbaidi sin .i. ar is digbail na haimsire toirnes
duir amal as tormach tormaiges sail: no dine disail de
sin dofuilliud .i. nemfuilliud. Asberait araile is aire
1570] scribthar duir ar dine disoil, air is duir fil ar dtus an dine

p.122

Alt co fesear cia halt huad dona secht n-altaib .i.
anamain, nath, anair, eamain, laid, setrud, soinemain,
dian cona nduanaib. O sein inund is o dheachaib sluintir
alta nan huad ar na rob indsci cumascda. Nath .i.
1580] noaid anair. Anamain .i. an somain. Laed .i. laitir no
luaitir: no leoaid intan is air: no is onni as laus .i.
moladh. Sedradh .i. sed raid; no raith air set. Sainemain
.i. sain a maine risin aisti reamaind. Dian .i. di air:
no dian .i. adbol an no ni ain. O sin anund .i. ota na
1585] seacht primaisti amach is o deacaib is ni de na deachaibh
foricfa & is uaidibh ainmniugud doib a forba gacha
rainde a nduain, & recomrac a forduain, & iarcomarc
bairdne, ar na rop indsce cumaisci ar na rob prois amal
aisti na ndaerbard.
1590]

Lorga fuach .i. lorg ua focul .i. amal bite lorga i
llamaib duine for portaibh sesga og immtheacht o
purt do phurt ar na torchrad inna lighi, imtha is amlaidh
it he in so na lorga biti a ciatlabair no i ngenaib na filed
ic fosugud o focul co focul. Lorca fuach iarum .i. remsuigeadad
1595]

p.124

1. Im ba seasach, im ba seang

   & rl.

A dialt n-etarleme .i. aensillab eter in da comuaim,
1600] ut est:—

1. Cia leth gu brath iar cuairt cros
   Cosluidfea mo coblach creas?
   In ba sair ba siar ri suail,
   In ba tuaid no in bodes?
   1605]

Fertot a thelgud noe .i. a telgud duine, ar is nae
duine, ut est dia ndama nae for tir .i. duleice in duine
1610] cessad fair, teit iarum dia fothrugud din uisciu, dolece
don bruch sis isin usce, tot ol in tond fae .i. fa tot dno
a ainm in foghair sin doghni in tond: tott; tott dano a
ainm forcmachta (no forcumascda) di sun, ut est, bu bo
go ged: no in guth trom dogni in dae oca lecon forsin
1615] usce. O fodhar na genemna rohainmnigthea go go i
fogur, no bu bo .i. tot: no dano arfoem in duine a etach
immi o nach ailiu. Is ed asber-sum i suidi fertom (.i.
ferdo dam .i.) feartot ar du chele frit, briathar chesta sin
.i. feartot ar a chele {BB folio 329a1} fris, briathar gnima so.
1620]

Aurlond dno ainm d'oreill gaei .i. ind adarc dub bis
mon gai, is di arsisidar in gai, imtha is amlaid arsisidar in
indsce don trediu-sa .i. ise isi ised: no dona deich n-urlandaib-sea
.i. se da tri cethre .i. urlanda ferinsci sin .i.

p.126

Si di teora cetheora urlanna baninsce andsin. Is i .i.
in bean, di .i. di mnai, teora .i. teora mna, ceitheora .i.
1630] ceitheora mna. It e & at iat immorro urlanna coitcheanda
eter banindsci & ferindsci. Is ed immorro urlann demindsci
ut dicitur is ed a cheann. Fri hurlainn ferindsci dono
aentaigis demindsci a n-urlandaib ilair .i. da nem ut dicitur
da fear & rl. No urland indsce .i. ferindsce & banindsce &
1635] demindsce. Conige seo corp ind Auraicepta.

Coic filltigthi fichet i reim .i. a coic gu hogfegad na
filed i ffilliud re uamma na hai & fiche gne saerda
olchena. Et in fiche gne saerda catead a n-araide foraib?
Im berat cach ae dibh dochum a ndilis fen? Berait ecin,
1640] uair it dealba filltecha. Is ed a lin a tri i n-uathad & a
tri i n-ilar conad a se amlaid. In fichi gne saerda prosta is
deimin is e so a n-araide, a do dec dibh i forgnuis ainmneda
& ainsida, a oen dibh i forgnuis genidli & togartada, a secht
i forgnuis tobartada & foxlan: no aon dec dibh a ndelb ainmnedha
1645] & ainsida & a tri a ndelbh genidli & togartada &
a tri a ndelb tobartacha & foxlacha .i. tri fillti a n-uathad
.i. fer, fir, ic fir; a tri a n-lar na fer, na fir, na firu. In

p.128

Ar fher a airceall; co fer a ascnamh; i fer a
inotacht; seach fher a sechmall; for fer a fortudh; fri fer
a freislige; la fer a thaebtu; im fer a imthimcheall; dar
fer a thairrsci; frisin fer a thormach; tre fer a tregdad;
is fer a thuarascbail, ut dixit poeta:
1655]

1. Is iat sain da filltech deg,
   Anndar leam nocho lanbhrec,
   Tiaghait i forgnuis feda
   Ainmneda ocus ainseda.

1. Is iad so na seacht fillti,
   Nit ernaili admillti,
   1665] Tiagait i ngnuisibh glana
   Tobarta ocus foxlada.

1. In fhir a thustidhi thiar thair
   1670]
   Do sealbhadh do thogartaidh
   Ocus doibh ar aen ni ric
   Acht mad int aen don fichit.

p.130

Cate diles fedha i fedhaibh, & dilis feda i fidh, & dilis
fidh i fedhaibh? Diles fedha i fedhaibh cetamus .i. a
1680] riasna ceithri guthaigib, ar is i cetlabrad cach bi & iachtad
gach mairb. Dilis fed i fidh dno .i. is dilis in forfidh ogaim
secepe fid i scribthar. Dilis fidh i fedhaibh .i. {BB folio 329b1}
amal ata in forfidh as defogur .i. is ed as diles and in
foghur tuisech, ar ni airimhtear in fogur dedhenach.
1685]

Alt co fesear .i. co festar in n-aisti dona seacht primellgibh
na filideachta do ghne do thomhus. O sein inunn is
du deachaibh sluinter alta iad ar na badh insce chumascda
.i. o sin inunn isna degfhuachaib .i. is do dadfoclaib sluinter
aisti airchetail ar na rabi in indsci cumascda amal dogniat
1690] na daerbaird.

Lorga fuach .i. lairce lorchaine .i. remshuidigthi desillaebaig
biith riasna foclaib ica saerad ar da n-ernail .i.
rogair & claenre (no claen celle).

Ferthot a thelgud noe. Et bu bo & go ged .i. anmand
1695] sin tria eladain rancadar na filid do reir a fogair .i. fertot
.i. fer rothoit and; & bo a uerbo boo no buo .i. fograigim .i.
on geimim nobeth & ged go mbadh on geig gotha dober

p.132

Aurlond no insce dno d' oreill in gai is ainm. Caidi
int erlonn saerda fogabar conad aicniud? Ni ansa. Erlonn
in gae. Cate int aurlonn indsci do nach asand insci acht
1705] insce bais .i. graini in gae. Cate int aurlonn is iarlonn &
int iarlonn is urlonn & int urlonn is remlonn .i. urlonn .i. in
gai .i. urlonn fadesin iarlonn dotess, ar is iar cach ndedenach;
conid he sin int urlonn is iarlonn & is urlonn int urlonn
is remlonn .i. intan rosaig lar ind airiall. Cate urlonn
1710] urlainn urlainni i n-urlonn .i. urlonn ferurlonn banurlonn
nemurlonn: urlainni ben in fir: urlunna a ndis i n-urlaind
.i. i nem no i n-ifern.

Aurlunna ilair mascul & femen in so sis: se, da,
thri, cethri: si, di, teora, cetheora. Inunna insci airme
1715] o sin imach. Is andsain fogabar comrorco ilair neodair
.i. cena urlanna ilair oca acht i n-uathad tantum. Cate
insce saerda fogabar co n-aicned? Ni ansa. Is ed in
ceand air is saerda a radh & se for in duine. Is aicenta
immorro a radh fris iarna buain de.
1720]

Cia haenfocul recomhracach isna remendaib gebes
ingrecus .i. greim na ceithre n-ernaili du remendaib .i. in
focul as treghdad ar geibit arin focul is tregdad & as aitreib

p.134

Cia baili i fogabar comtoth consan cen tinfed treothu?
Ni ansa. In baili i mbi n ria g cen gutaigi eturu, ut est
uinge. Cia baili i fagabar in fidh forthormaigh iar forbu
1735] na n-ocht sillab isin focul is bricht? Ni ansa. In baili
i mbia defogur isin ochtmad dialt is fidh forthormaigh
indara fogur.

Ocht sillaba dno isin focul is mo isin Gaedilg, ut est,
fiannamailechardaai{BB folio 330a1}: tre sillaba dec immorro in
1740] focul is mó isin Laitin, ut est, tenerificabilitudinitatibus.

Cia taebomna gebes greim feda & focail & taebomna?
Ni ansa. Queirt. Cia taebomna na geib greim feda no
focail & taebomna? Ni ansa. Uath.

Cate bunad ruidlesta in focail is aipgitir? Ni ansa.
1745] A b e c e d i b o n .i. copulatio literarum per se .i. ata isin
aipgitir comhthinol na litir cona fialus.

Ocus littir fodesein, cia bunad o fil? Ni ansa. Onni

p.136

Do bhunadhaibh na remend andseo sis.

In tiasca⁷ di fedaibh & deachaibh & remendaibh &
1760] furbhthi & altaibh & inscibh & etargairib amal rosuidigthi
la filedu ina scuili cetna robhadar & la Fenius Farsaidh iar
tebiu na Gaedelge asna di berlaibh sechtmogat. Co taiselbad
do Goediul mac Angein ar is e sen dorothlaigh tepe na
Gaedelge .i. int aenberla ba ailliu & ba cainiu cach berla
1765] conid aire fognith & conid iarum dotaiselbad conidh aire
dogairther Gaedelc & Gaidhil. Nel (no Nin) mac Fenius
dothuc Scotai ingen Foraind conidh dia ainm-sie dogairther
Scuit.

Fer a ainmnid uathaid.     Fir a ainmnid ilair.
1770] Fir a shealbad uathaid.     Na fer a shealbad ilair.
Do fir a radh n-uathaid.     Do feraibh a rad n-ilair.
In fer a inchosc uathaid.     Inna firu a inchosc ilair.
A fhir a thoghairm uathaid.     A fhir a thoghairm ilair.
O fir a oxail uathaid.     O feraibh a oxlaid ilair.
1775] Og fir a thurmeadh uathaid.     Oc feraib a fhuirmed ilair.

p.138

Ni airicar (a) arichill fuit no feir a airchill fuit, Ferr a
1805] dechnead, Fe a dichneadh. Ise, issi, issed, uinnse, unnse,
onnar a urlunn indsci.

Ceand cridi fulang a dhe⁸ demi tebidhi in fhir. Suil &
fiacail lanamain in chind. Srebann & cru lanamain

p.140

Ferdialt gu sin.

(Incipit bandialt.) Bean.
1830] mna.     o mnai (no o bein).     tri mnai.
na mban.     o mnaibh.     tria mna (no mnaib).
do bein.     oc mnai.     i mnai.
do mnaibh.     oc mnaa (no oc mnaib).     i mnaa (no mnaib).
in mbein (no in mnai).     co mnai.     for mnai.
1835] inna mna     co mna (no co mnaib).     for mna (no mnaib).
a bean.     sech mnai.     tar mnai.
a mna.     sech mnaa (no sech mnaaib).    tar mnaa (no mnaib).

p.142

doben a daerugud, ni airicair a aurard (no i nn-uathad .i.
benna). Mna i n-ilur a aurard. Ni airecar a airisel .i.
(benaibh). Forsna, & fona, triasna, isna, sech na mna a
lorga fuach: o, do, sech, for, in, is ben a dialt n- etarlemi.
Bentot a thelgud noe. Be a airichil calaid. Ni bhi a
1850] airicill fuit no ni airicar airicil (.i. fuit). Bel a cennfochrus.
Benn a deichneadh. Be a dichneadh. Cich & glun a
ndemi thepide, fair & sridit a llanamnai: blass & millsi
a ngeni-side. Almnae & ecsait lanamnai in gluini.
Cnaim & feoil a ngeni-side. No hit he a ngene a forbthe
1855] amal rom-ebhartmar.

Bandialt conigi sin.

Incipit do deim-dialt andseo sis.

Nem. Nemon a formolad. Nime a cotut. Neem a
mallrugud.
1860]

na nime.     oc nim.     tre nem.     for nem.
do nim.     oc nimibh.     tria nime.     for nime (no nimib).
do nimib.     co nem.     i n-nem.
a n-nem.     co nime.     i n-nime.     tar nem.
inn nime.     sech nem.     i n-nim.     tar nime. {BB folio 331a1}
1865] o nim, o nimib.     sech nime.     i n-nimib.     fo nim, fo nimib.

Nefriem a chonnail. Nem a oen. Nem a lan. Ni airecar
a lugugud (no a diabul). Ni fail a saerugud, nach a

p.144

Nemdialt co sin.

A ainmniugud fer. A shelbad fir. A rath
1880] do fhiur. A inchosc in fer. A thogairm a fir.
A foxlaid o fhiur. A fuirmid oc fhiur. A ascnam
co fear. A sechmall sech fhear A threghdad tre
fer. A inotacht hi fir. A aitreibh hi fhir. A fhorthudh
for fer. A fhothudh fo fhiur. A tharrsce tar fear
1885] A fresghabail ar fiur. A airchelladh ar fer. A frecnarc
cia fer. A imthimcheall im fear. A dighbhail di fhiur.

Doformaighet alaile dano a tri frisna hii sin a dighbhail
.i. den fir; & a thuarascbail .i. in fer; & a tustidi in fir:
acht is inunn a dhighbhail & a fhoxlaidh; is inund a
1890] thuarascbhail & a inchosc; is inund a thuistiudh & a
shelbhad.

Incipit do ernailibh in imchomairc in so sis.

Atat da aithfeghad for imchomarc .i. imchomarc iar
n-inni thoirni & imchomarc iar n-airbhirt nan-airbirenn
1895] bith. Atat ceithre ernaili fair .i. meit & inni & inchosc &

p.146

p.148

3

Trefocul in so amal rocumsat na baird & na patreni .i.
trefocul cen cuail cnam. Cen craip cainti. Cen comman.
Cen comsiudh. Cen dichur n-ecoir. Cen dallbhach dona
1930] dallbaigib. Cen ellach duna ellgib. Cenmota oenellach.
Cen tar. Cen tamall. Cen faicit⁹ co cuibdius. Cen faicit¹⁰
cen chuibdius. Cen a focul frisin n-aprait filid frisuithi.
Cen imsechfaidh indsci. Cen asneis for araile. Cen ecnach.
Cen ecnuadh. Cen scath dofarce cuitbiud. Cen ae for
1935] an-ae. Cen saebsuidhiugud dialt ic frecra d' iarcomruc i n-urd
bairdni. Conach in ceatharcubhaidh cummait baird.
Cona friortud tecta forna focla masa oe congabhthar amal
asbert: Trefocul tachraid filid.

No (mar so) ita trefocul: cen chlaen, cen rudraigh, cen
1940] rofot, cen rogair, cen dimbrigh, cen forbrigh, cen ecnairc fri
fregnairc, cen uathad fri ilar, cen ecenel, cen ecomuaim,
cen ecuibdius, cen anocht .i. da locht deg na hirlabra in sin.

Dia nditen-sidhe cethri cenela fichet .i. corraib ann: a
formoladh, a codut, a mallrugud, a diabul, a deiliden, a oen,
1945] a lan, a lugugud, a saerughudh, a daerugud, a aurard, a
airisel, a dhichneadh, a dhoichnead, a chonnail, a chendfochrus,
a airchill fuit, a airchill calaid, a thelgudh noe, a
urlonn insce, a hinsce mod, a lanamna deimi, a demi thepidhe,
a ngen-side, co ndath & tothucht, co tomus fri fidh
1950]

p.150

1. Trefocul tacrait filid
   Do didin a n-indligid,
   Ni mo na lucht cuibrind cland
   Di neoch tuirmim notuigeand.
   1965]
2. Sceith ocus gnuisi glana
   Aincit lochta linmara.
   Immar roscum Adna ogh,
   Ni tarba gen a tintodh.
3. Da anocht deg is derb libh
   1970] Dleghit a fis na filid;
   A main nocho n-fuair Etain,
   Rofuaigh aib inn aircetail.
4. Da sciath dec is da ghnuis deg
   Roordaigh dia n-imchoimet
   1975] Na lochta cen lomrim lac,
   Da da comlin noscobrat.
5. Na gnuisi diten atbér
   Cotut is aen nach aimger,
   Saerugud daerugud des
   1980] Na lorga fuach fria firmhes.

---

p.152

{BB folio 331b44}{E folio 29b42}

6. Dialt n-etarleme n og,
   Airichill fuit, is fir on,
   Airichill calaid, ni cam,
   Cendfochrus tuis ria thodall.
   1985]
7. Dichnead tuis, dechnead tuis tair,
   Insce mod cona modhaib,
   Is i dara gnuis deg dil,
   Urlonn insci ria hairimh.
8. Na sceith ditin fon domun
   1990] Formolad is mallrugud,
   Fuaradar senfilid sain
   Da deilidin is condail.
9. A lan ni lan cen bunad
   A diabul, a lugugud,
   1995] Memur fri cach sobard sen,
   A fhorard, a fhoriseal.
10. Airmim telgud nae co nneim
    Ocus cendfochrus derid,
    Dichned derid {BB folio 332a1}, is docair,
    2000] Dechned deirid degfocail.
11. Is iat sin na da sciath deg,
    Eolaig ica n-imcoimet,
    Is na da gnuis deg rodet
    Na ceithri fodla fichet.
    2005]
12. Na filid ma fitir so,
    Ni muin fedm eicsi forro.
    Cindas fhailgit a n-ulcu?
    Cindas aincit anuchtu?
13. In n-aengnuis no in ensciath ard
    2010] Icas ar cach locht langarg,
    No in dias im cach locht rolad?
    Ni de bias olc dia imrad.

---

p.154

{BB folio 332a7}{E folio 29b56}

14. Cip he chanas cona cheill,
    Tria intliucht n-amnas n-acbeil,
    2015] Is duiligh is is docair
    A tuirim in Trefocail.     Trefocail.
15. Trefocul in tri focail,
    Fis a ruine is rodocair,
    Tricha ar a se cose
    2020] Fritha tria gne nGaedilge.
16. Da anocht ar a deich dib,
    Ni cubaidh cen a comrim,
    Nit carit a daini dam
    Scarait maini for molad.
    2025]
17. Claen atberim dib ar tus,
    Im eolach ina imthus:
    Ni haenchloen acht is tri claein,
    O nach saercaem cach saerchaem cach
    saerlaid.
    2030]
18. Claen creiti rochuala cach,
    Im rannaibh ni ba rognath,
    Re taeb cach duilghiusa de,
    Claen cuibdiusa, claen ceille.
19. Claen crete ni claen cen cheass,
    2035] Is at deich millti milles,
    Taibgit fiach in molta amaig,
    Da sciath corcra 'na chomair.
20. In claen cuibdiusa is cubaidh,
    Da gnuis riasan gliaphudair,
    2040] Ocus da sciath 'na ndegaid,
    Nocho liach a llandegail.
21. Da sciath, da gnuis in gelli,
    Is ed ainces claen ceilli;
    Cobigi celli, gan col,
    2045] Is ernail di anacol.

---

p.156

{BB folio 332a22}{E folio 30a7}

22. Da ernail ainces rudrach,
    Co nach be in gres glephudrach,
    Tri sceith, tri gnuisi, gan glor,
    Aincit in rothat romor.
    2050]
23. Cuic sceith, tri gnuisi, gan goimh,
    Is ed ainces ar rogair;
    Oengnuis ainces dimbrig dib,
    Is aengnuis ainces forbrig.
24. Oengnuis diten, na ron-dairt,
    2055] Ainces egnairc fri frecnairc:
    Sciath maraen ocus gnuis glan
    Aincit uathad fri hilar.
25. Nai sceith diten co nduilgius,
    Aincit uili ecuibdhius;
    2060] Cia nach labair con a luis,
    Ocus no-ainic aengnuis.
26. Na tri gnuisi, gruaid fri gruaid,
    Is maith aincit ecommuaim;
    Ocus da sciath, ni saeb lib,
    2065] Aincit ecommuaim n-eitig.
27. Ecenel, nocho n-ord mear,
    Non-anaig aengnuis diten;
    Anocht no-aincet da sciath,
    A beith ranocht is roliath.
    2070]
28. Anocht ainm coitchend cubaid
    Dolean do gach lanphudair;
    Int anocht, ni hainm cen cheass,
    Cia ralocht dian ruidles.
29. Anocht mas ainm do cach locht,
    2075] Cid dia n-aidera d' oenlocht?
    Uair nocho n-aenlocht cen on,
    Is taebhnocht i Trefocul.     Trefocul.

---

p.158

{BB folio 332a37}{E folio 30a23}

30. Sceith is gnuisi fogeib daib
    Amal iccait cach n-anaebh;
    2080] Dingbaid din, ní socht solam,
    Da locht co fir formolad.
31. Oenicc ic catut, cen col,
    Is oenícc ic mallrugud;
    Ni gne mergnima midid
    2085] Sei deigdina ic delidnid.
32. Aichnid dom' anmain, cen ail,
    Se cabartha 'na condail,
    Ar aenlocht ainceas a haen
    Ocus a lan co lanchaem.
    2090]
33. Diabull dingbad din, gu daith
    Na tri lochta co lanmaith;
    Aincid, ni holc in monor,
    Ar da locht a lugugod.
34. Aincit ar da locht, gen log,
    2095] Saerugud is daerugud:
    Aincit da firlocht masead
    A urard a uiriseal.
35. Aincit lorga fuach a bos
    Ar da locht gu lanfhollus:
    2100] Dialt n-etarleimi n-oll
    Icaid da anocht aconn.
36. A thelgud nai, niamda a bhlas,
    Is ar da anocht icas;
    Airichill fuit is ferr de,
    2105] Ni dingaib dín acht deide.
37. A airchill calaid, can cheass,
    Ronn-anaig ar da ainges
    No dos-díngaib gan tochrus
    Amal atchi cendfochrus.
    2110]

---

p.160

{BB folio 332a51}{E folio 30a38}

38. Dingbaid dichnead tri phudra {BB folio 332b1}
    D'ar n-anochtaib anumla
    O dechnead gan tromsnimh tra
    Foirther in comlin cetna.
39. Innse mod nocho mod n-olc,
    2115] Nocho n-ainig acht aenlocht;
    Aurlond insci, ainm cubaid,
    Ni ainic acht aenphudhair.
40. Is iat sin gnuisi is sceith,
    D'eicsib nochon at anfheigh;
    2120] Ni ma teit du rigi rand
    Cach fili nachasforband.
41. D'icc na da fichet, gan ail,
    Frith d'fhoghlaib for anochtaib,
    Adharta don righ dos-rat,
    2125] Secht gcabartha cethrachat.
42. Na filid tancadar tall
    Maraen re Tuaith De Danann,
    Rob imda ollam ocaib
    Ag tolladh in Trefocuil.     Trefocul.
    2130]
43. Da sciath ainces claen creiti,
    Uaim 'sin rand-sa is rochreti,
    Deilidi foclach faebrach
    Is deilidi sillaebach.
44. A airchill fuit, is feidil,
    2135] Naroi cendfochrus deiridh,
    Codut mallrugud measa
    Aincit in claen cuibdhiusa.
45. Aincit ar in claen ceilli
    Lorga fuach, dialt deglemi,
    2140] Ocus cobfighe, cen col,
    Is ernail dia n-anacol.

---

p.162

{BB folio 332b15}{E folio 30a52}

46. Cach rand romilleadh immaig
    A llus rudraighe i rrandaib,
    Rudhrach noco n-airisead
    2145] Dar urard, dar uirisel.
47. Na da condail mar itclos
    Na da airichill i fos,
    Na dichneda, Dia dos-rat,
    Tarso noco ria rofat.
    2150]
48. Formolad, diabul, cen on,
    Telgudh noe, ocus lugugud
    Uaitighit cach rogair rib
    Lorga dialta, deichnid.
49. Saerugud doine in domain
    2155] Ar dimbrig is degcobair,
    Daerugud gach duini dib
    Nos-aincenn uili ar forbrig.
50. Aen ainces ar ilar ndan,
    Ar uathad ainces a lan,
    2160] Ecnairc fri frecnairc co fir
    Indsce modh ica mordhin.
51. Aincit ecuibdius a fir,
    Formolad, da delidin,
    Telgud nor, niamhda in monor,
    2165] Condail litri, lughugud.
    Airichill calaid, mo chean,
    A dichned, is a dheichnedh.
52. Da delidin, diabul des,
    Foirit ecommuaim n-indles,
    2170] Ocus na-foiret hi fus
    Deicned, dicned, cendfochrus.
53. Ecenel airm idir and,
    Is luath non-anaigh aurland.
    Aingit ar anocht ria head
    2175] Diabul, aurard, auriseal.

---

p.164

{BB folio 332b30}

54. Milliud remi gach reim n-olc,
    Do ni ainm ni acht anocht;
    Lemm ni gleaccur a gait
    Asin trefhocul tacrait.

t. t. f. Trefocul.


2180]

Do dhligegaibh dunta na nduan inso sis.

1. Dunta for nduan decid lib,
   A aes in dana dlighthig,
   Cest, nocho caingen falaigh
   2185] In daingen ros-dunsabair.
2. Menip dunta cach duan dron
   Cia locht isin Trefhocul?
   Air is e tall rostecair
   Lochta imda airchetail.
   2190]
3. Mini dunta a duan ndremain
   Cach fer dona filedaibh,
   Cia heraic dlegair uaid ind,
   On fir doni in laid lanbinn?
4. Cia ainm cach dunsa dibh sein
   2195] Sluinnet na baird dia mbraithrib?
   Caisted cach, cluined in fis,
   Meni fhuilet 'na anfis.
5. Comindsma do Dondchad Do,
   Ascnam Dond, im cach deglo,
   2200] Saighid so, is e in slicht amra,
   Dondchadh int ainm ollamda.
6. Ascnam iar saigid suairc ,
   ‘Dondcad dia fich in domon,’
   Uaim do rind ‘Dondchud na ndrech’
   2205] ‘Dia fich in domun daightheach.’
7. In inund dunad dlegair
   Finntar ona filedaib,
   Ar curp na duaine 'na ndan
   'S ar in iarcomarc n-imslan.
   2210]

---

p.166

{BB folio 332b46}

8. Saighith, ascnam, uaim do rind,
   Dunait curpu duan, derb lind;
   Cach iarcomarc is gloir glan,
   Comindsma is coir dia ndunad.     Dunta.
9. A aes dana in domain tiar tair
   2215] Eter Erinn is Albain,
   Ni dleghait seoto sona
   Cach duaine na ba dunta.     d. d. d.     Dunta.
10. Da cuincead neach a ndliged
    Cia lin dam na firfhiled
    2220] For feacht feili, for cai cuir,
    For gnathlessaib, for fledaibh: {BB folio 333a1}.
11. Ceathrur ar fichit iar fir
    Fecht feili ollaman righ,
    Ochtur for caei, cen chessa,
    2225] Da fer dec fria gnathleassa.
12. Deichenbhur fri fleadha fuair
    Dlegair do in ghleiri caemshluaigh,
    It e sin fri bagha bladh,
    Ceithri damha in ollaman.
    2230]
13. Da fer dec d' anrush donfa,
    Coicfhiur fer fria gnashlessa,
    Seissiur for coe, caemthuit cluidh,
    Ochtar iar fir tri fleadaibh.
14. Tobair do chli ar a dhan
    2235] Ochtar, uasal a fordamh,
    Seser for fleadaibh na fess,
    Coicer cae, cethrar gnathless.
15. Seissiur du canait, na ceil,
    For cach feacht feili feithith,
    2240] Cethrar for fleadaib fessa,
    Triur cae, dis fri gnathlessa.

---

p.168

{BB folio 333a11}

16. Ceathrur do dus, damh as deach,
    Is triur fri fleada filed,
    Dias for coe, ria meass dun mhal,
    2245] Is fria leass a aenuran.
17. Triar for fecht feili dofhidh,
    Dam thoga do mac fuirmidh,
    Dias for fleadhaibh, co fathach,
    Oen coe, oen leas roghnathach.
    2250]
18. Ni theis dar diis iar sin,
    In da daim do fochlocain,
    Aen for coe, oen for fleid fead,
    Oen fria leassa: dia cuinged.
    Dia cuincead neach a ndligedh cia.
    2255]

Finit Amen finit Solamh O Droma nomine scripsit.

Murchertach riabach O Cuindlis do scrib so da
aide diles .i. do Mac Fhirbisig & ar mbennacht leis da
thuilleadh.