Corpus of Electronic Texts Edition
The bardic poems of Tadhg Dall Ó Huiginn (Author: Tadhg Dall Ó Huiginn)

section 22

IOMCHASAOID

  1. A theachtaire théid ar sliabh —
    labhair thiar le hUilliam Búrc,
    innis dó mo bheith mar tám,
    gan dáil chabhra i ndán dúnn.
  2. Innis dó fa rún arís —
    nách díon damh ar tír nó ar muir,
    nách raibh ar éinneach romham riamh
    leath mo chlampair nó trian m'uilc.
  3. Ag díol mo choda do síor
    ré dá bhliadhuin nó trí tám,
    beantar dhíom 'na dheag-haidh soin
    an mhéid fiach do [luigh] ar chách.
  4. Mar do-chonnarc fiacha cháigh
    dá mbuain as mo láimh go léir,
    d'fios an bhfuighinn ceart nó cóir
    go tigh cúirte do-chóidh mé.
  5. Ag dol don chúirt caithim féin —
    dom dhonus é—'sní hé amháin,
    ag cur an dochairsin díom —
    gi bé beagán do bhí im' láimh.

    6. p.157

  6. Tuguim liom barántus maith,
    tillim tar m'ais lá do ghlóir,
    sílios féin gur dhaingion dúinn
    tar éis ar gcuarta san chúirt mhóir.
  7. Taisbéanuim mo phaiteinsi féin
    do lucht séirbhisi is é' chríoch —
    tar éis léaghta mo litreach dhóibh
    is romhóide ronnadh dóigh dhíom
  8. Mo chaiptín gach fear don dís
    chum a déinsi arís ag gul —
    do-bheir seision lámhuinn Chríosd
    nách aige féin bhíos a gcusg.
  9. Sirriam do bhí ós ar gcionn,
    'sé adeir mo ghrádh riom arís:
    bísi i leith lucht na bhfiach
    ní hé an saighdiúir bhias gan ní.
  10. Éngheall abháin do bhuain díom
    níor lór le duine dhíobh sin
    beantar dhíom i bhfiachoibh cáigh
    dá gheall nó trí a láimh gach fir.
  11. Aimsir fada i ndiaidh an ghill
    caitear liom ó thír go tír
    maille rém gheall do bhuain díom
    fuasgluim é dhá uair nó' trí.
  12. Tar éis fuasgailte an ghill do-nínn
    ón chéidfear 'ga mbíonn a sealbh
    do-bheir an fear a ndéntar tó dhó as
    don fear is goire dhó an geall.

    13. p.158

  13. Leanuimsi i gcéadóir an geall,
    ma fada gearr beirthear é,
    gur chaithios sé luach an ghill
    don bhaile riamh níor phill mé.
  14. Dála an Uachtaráin ann sin,
    chum a déinsi ag reic mo sgéal,
    misi is mo dheór ar mo ghruaidh,
    do-nínn casaoide chruaidh ghéar.
  15. Adeir seision, lán do ghruaim,
    nách béarthaoi geall uaim dá dheóin,
    gidh eadh fós, is éidir dhamh
    díol do thabhairt as fa dheóidh.
  16. Ní hí ar maoin budh measa linn,
    acht mar cuireadh sinn dár sódh,
    níor an duine fam thóin féin
    mar fríoth falamh mé fa dheóidh.
  17. Giolla an eich, buachoill na mbó,
    caile na brón, bean na gcíor —
    téid uile i n-aoineacht uaim
    lé cois tsaighdiúir, truagh an gníomh.
  18. Sé adeir buachoill mo bhó féin,
    tar gach duine dá dtéid uaim,
    ag cur na teineadh ann m'ucht —
    créad do-bheir ort gan drud suas ?
  19. Atámaoid — ní fuil fáth 'ga cheilt —
    le trí bliadhnoibh fan mbreith truim,
    [ag] súil ré teacht Uilliam Búrc
    níor chuiriomar súd i suim.
  20. Mallacht Dé do lucht na mbréag,
    nách gcuirionn a sgéal go bun;
    adeirid cách liom tré rún
    go bhfuil Uilliam Búrc i bhus.

    21. p.159

  21. A theachtaire théid 'na cheann,
    ná bíoth th'aire ar ghreann nó ar spóirt;
    labhair rém chompánach féin,
    's féacha a dtáinig sé fós.
  22. Cuiléan leóghain Locha Con,
    maighre Sionna na sruth ngeal,
    éanchú inbhir Easa Ruaidh —
    is mór atá uaim ar a theacht.

    A THEACHT

    23. p.160