Corpus of Electronic Texts Edition
The bardic poems of Tadhg Dall Ó Huiginn (Author: Tadhg Dall Ó Huiginn)
section 6
LIOS GRÉINE
- Lios Gréine is Eamhain d'Ultaibh,
treabh nách budh tréigthe ar Thailtein;
each nách fuil barr ar bhronntaibh,
bronntair creach Gall san ghlaintreibh.
- Síothbhrugh Ealcmhair í ar áille,
treabh do bhí ag ríoghaibh róinne;
lór do chur cháich fá chéile.
ráith gréine mar Bhrugh Bóinne.
- Re Durlas Ghuaire is gaolmhar,
'sa cumhdach d'ua na n-iarladh;
treabh na slógh bhfleadhach bhfíonmhar,
ríoghbhrugh mór sleaghach srianmhar.
- Lios Gréine, an cróchbhrugh ceólbhras
fóirfidh a féachain fiabhras;
a lán ann do gach aoibhnios,
caoimhlios ar lár call gciabhghlas.
- Brugh slaitgheal nách fiar foirgneamh,
aitreabh na gcliar do chealgadh;
dún geal don mhúr is margadh
meadh don ardbhrugh Dún Dealgan.
p.39
- Dún creachach cliarach coirneach
a teachso cian bhus cuimhneach;
mór do sgrios an dún dealbhach,
múr meadhrach mar Lios Luighdheach.
- Dún mar Dhún oirdheirc Uisnigh,
do thoirbhir Cú an chleasraidh;
ná beir mnaoi asteagh don torsoin,
meadh chosmhail don Traoi an teaghsoin.
- Faithche réidh ghlas fan ngrianbhrugh
mar ar ó léimibh lúidhghreagh;
níor threabh neach an fód fíorghlan
acht gníomhradh each n-óg n-uaibhreach.
- Eich ar faithche fan bhfionnbhrugh,
sleagha gairthe dá ngormadh;
crú Chuinn re gníomh a nglainghreagh,
ag sníomh tairngeadh gcruinn gcorghlan.
- Ón damhna is triath don teaghsom
ar Bhanbha ní bhia easbhaidh;
fear 'sa chlú ar chló na consoin,
meadh chosmhail dó Cú an chleasraidh.
- Seaán róinn go Ráith Éanna,
cóir leannán 'na lán súla;
bean Chuinn
[...]
ghrádha
brágha ghaisgidh Fuinn Úna.
- Fuair leannán Teamhra troimchion,
Seaán i ndeabhthaibh dearbhthar;
gur theilg tóir ó áth timcheal,
dlighthear sgáth re feirg bhfearchon.
p.40
- Seabhac eich fút go faobhrach,
um chreich námhad go néalmhach;
a chrobh ar gach leith go luaimneach
do sgor uaibhreach do bheith béalbhach.
- Go bhfuighe a tol ó Theamhraigh,
a mheic Cuinn nár ob iomghuin
ní bríogh meirbh is dú ar deaghbhlaidh
dearbhaidh tú t'feidhm i n-iorghuil.
- Lugh Lámhfada, triath Teamhra,
nár fág biodhbha gan umhla
iomdha fádh lat dá labhra
do mhac samhla ós chlár Chunnla.
- Sín ó Dhún glégheal Geanuinn,
gan chrích Néill fút ná fulaing;
cáir cnú dá cor ós chrobhaing,
toghaim tú ar cháil Con Culainn.
- Lór mire do chrann gceannchaol,
cuirfiod slógh Gall tar gealchuan;
do reic ní béim ar Bhearchán
seanchlár Néill deit dá dheaghthuar.
- Ní mór do chradh cháich chaomhnus
sróll glan nách gnáth i ngiaillbhrios;
tar éis cean ó thír mar théarnas
mín géarbhras greagh fan ngriainlios.LIOS
p.41