Truagh do bheatha, a bhean a-réir

1] Truagh do bheatha, a bhean a-réir!
2] an ngoilleann ort féin mar taoi?
3] ní chuala féin thuaidh ná theas
4] leath th'ainnise ar fhear ná ar mhnaoi.
5] Ar chréatúir dár chruthaigh Dia
6] ní chuala riamh leath bhar n-olc;
7] don duine is boichte fán ghréin
8] ní thiubhrainn féin mo dhéirc thort.
9] Gach martra dá bhfuilngeann tú,
10] gach crádh croidhe, a chúl na sreath,
11] dá bhfuilngeadh sibh ar son Dé,
12] do rachthá gan péin ar neamh.
13] Más dod dheóin ataoi mar sein
14] ní mór gur bh'fhearr dheit, dár ndóigh,
15] dá mhéad (coir) dá ndearna tú,
16] dol ar do dhá ghlún don Róimh.
17] Is truagh leam nách léigthear doit
18] gidh beag féachain soir ná siar;
19] dom dhóigh, ní léigfidhe leat
20] a rádh go madh geal an fiach.

21] Gé 'taoi cosmhail mar chuid súl,
22] badh gearr mhairfeas tú mar taoi;
23] ionann do bheatha 'gus bás;
24] dar leat, tugais grádh do mhnaoi.
25] Cuid dod dhonas (dia do bhéad)
26] nách deacha tú d'éag 'na thráth;
27] uch, mo thruaighe, ataoi fa-ríor!
28] id chairdeas Chríost ag an mbás.
29] Ní mór an truaighe atá dheit, —
30] móide a dhonas dod dhreich naoi;
31] do chreidfeadh cách cumhacht Dé,
32] muna bhfaicdís féin mar taoi.
33] Iomdha giolla séaghain suairc
34] do bhí san riocht-soin uaid féin;
35] ní bhí an saoghal acht fá seach;
36] truagh do bheatha, a bhean a-réir.