Maith gach ní ón easurradh

1] Maith gach ní ón easurradh;
2] do ghéabhainn ar son m'anma,
3] dá gcreiteá go ndeachamar
4] dod ghrádh, a bhean ar marbhtha.
5] Mise tríot sna crothaibh-se,
6] tríomsa ní cluintear h'acaoin:
7] gá dtám, isí ar gcosmhaile
8] imirt bhodaigh is mhacaoimh.
9] Ní hí an mhargáil urusa
10] sealbh ar n-anma uaibh d'fhuasgladh;
11] bheith ar seilg do chunnartha
12] is ceannach leabhair ó thuata.

13] A ghéag an fhuilt bhairrshlimthigh,
14] acht gidh maith gach ní a-deirim,
15] gan éag duit dá dtairginn-se,
16] is troid bhodaigh re ceithrinn.
17] Isé is críoch dár sgéalaibh-ne,
18] a bhean do mharbh a marann,
19] ní rachainn dot fhéachain-se,
20] dá mbeith mo chuid im anam.
21] Córaide dhamh neamhthuirse,
22] gidh aibhseach méad ar bpudhair,
23] ón ruaig-se dá ndeachainn-se
24] 's mé an t-aon i n-aghaidh phubail.ón ruaig-se dá ndeachainn-se
25] Ní haithne dhamh éanduine
26] nár cuireadh leat im chruth-sa;
27] a sheasamh ní fhéadfainn-se,
28] ní fhuil ann acht maidhm tugtha.
29] Fágbhaim d'aithne acasan,
30] a maireann d'fhuigheall madhma,
31] gan teacht choidhche id radharc-sa
32] go ndéanaid leas a n-anma.