Corpus of Electronic Texts Edition

Mairg do-bheir grádh leatromach (Author: Maghnus Ó Domhnaill)

p.72

1. 1] Mairg do-bheir grádh leatromach,
   2] is a thabhairt 'na thuile;
   3] och! is cunnradh easbhadhach
   4] nách bí duine mar dhuine.
2. 5] Tugas, géar chúis ghuasachtach,
   6] grádh nár bh'oircheas do thabhairt;
   7] och, fa-ríor! ní fhuarasa,
   8] gé madh beag, fuath 'na aghaidh.
3. 9] Oram rugadh d'éigeantas, —
   10] measa leam a fhios agam!
   11] anam nó dhó i n-éinphearsain,
   12] is corp oile gan anam.
4. 13] Gibé atá ar tí m'anma-sa,
   14] deacraide dhó a bhuain asam, —
   15] annamh fear mo mharbhtha-sa,
   16] i gcorp oile atá m'anam.
5. 17] Truagh nách fuil a hanam-sa
   18] mar tá an t-anam-sa agam;
   19] gidh é a hanam m'anam-sa,
   20] ní hé m'anam-sa a hanam.

---

p.73

6. 21] Truagh nách fuil an croidhe-se
   22] mar tá ar gcroidhe-ne dhise;
   23] gidh é a croidhe ar gcroidhe-ne,
   24] ní hé mo chroidhe a cridhe.
7. 25] Truagh nách fuil an corpán-sa
   26] uirthi tar mhnáibh na Banbha, —
   27] an stuaigh ríoghdha rosgmhálla,
   28] ós í atá ag iomchar m'anma.