Ní taobhtha dhamhsa riom féin

1] Ní taobhtha dhamhsa riom féin,
2] ní mise mé i gcáil san mbioth;
3] go bhfionna mé créad ar gcor
4] ní mholaim d'aon dol ar m'iocht.
5] Creideadh nó ná creideadh cách,
6] go dtí an bráth ní chreidfe mé
7] nár chaith mise treall i n-uaigh, —
8] foirceadal uaim oram féin.
9] Ní fhidir mé — gá dtám ris? —
10] an mé an t-anam tig anall,
11] an beó mé nó an bhfuaras bás,
12] nó an mise féin a-tá ann.
13] Bheith don tsaoghal ar mo bhreith
14] cuma nó bheith ar an déirc;
15] ní háil liom beatha ná bás,
16] ogal duine mar tá mé.
17] Uch, fa-ríor! dá gcluineadh cách
18] (ró sonais ní gnáth gan tnúth)
19] an chúis fá bhfuilim i bpéin,
20] d'fhóirfeadh sinne dá mbéim súl.
21] Fada ó tháinic ceann mo ré;
22] ní duine mé ren cóir súil;
23] soraidh linn, fuarsam ar gcead,
24] tug an saoghal a sheal dúinn.

25] Gé atáim-se gan dul ón mbás
26] im spioraid mhairbh, lán do phéin,
27] ní shaoilim neach ós mo chionn;
28] ní bhfuil mo thnúth acht liom féin.
29] Aon do chéad thuigeas mar tám;
30] bheith im ghalar ní gnáth leó;
31] do choideóladh sé ar mo chneidh
32] gibé adéaradh mo bheith beó.
33] An bhean-sa rom-chuir i sníomh,
34] d'fhéadfadh Críost a theacht go maith;
35] fearr fá mhaitheamh anma an bás,
36] teist an domhain ó chách air.
37] Eadamar ní bhfuighe an bocht
38] an phian a-bhos agus tall;
39] beannacht dise do mharbh mé,
40] is í sin an déirc 'na ham.
41] Nách deachaidh mé d'éag 'na thráth,
42] dá saoileadh cách go leamh é,
43] ní fhuil acht sgéal bun-os-cionn:
44] ní taobhtha dhamhsa riom féin.