Corpus of Electronic Texts Edition

Truagh giorra na hoidhche a-réir (Author: Domhnall Mac Carthaigh)

p.63

1. 1] Aisling thruagh do mhear mise,
   2] fa-deara an suan síthe-se;
   3] amhra do chailg mo chridhe,
   4] mairg re dtarla ar dtaibhse-ne!
2. 5] Ní thig liom musgladh go moch,
   6] ar shuan ní fhaghaim árach,
   7] mo thruaighe nár hobadh inn,
   8] codal uaire ní fhéadaim.
3. 9] Ochán! truagh nách tig mh'annsa
   10] i dtaibhse ar cuairt chugamsa,
   11] an ghnúis tsoidhealbhdha, an ghruadh ghlan,
   12] gidh tuar doimheanmna a deallradh.
4. 13] Ní chreidim, ní chreidfe me,
   14] a teacht go bráth na breithe
   15] im radharc a-rís, dar linn,
   16] im amharc d'fhís ná d'aisling.