Ná bí dom bhuaidhreadh, a bhean

1] Ná bí dom bhuaidhreadh, a bhean,
2] ar ghrádh th'einigh ná lean díom;
3] madh fada, madh gearr mo ré,
4] ná buaidhir mé tre bhith síor.
5] Iarraim féin d'athchuinghe ort,
6] a ghnúis éadrocht na bhfolt bhfionn,
7] ná bí dom bhuaidhreadh níos sia,
8] gibé hionadh i mbia sionn.
9] Níor chaitheas oidhche ná lá,
10] gidh fada gearr a-tám sunn,
11] a throigh chéimleasg, a chúl claon,
12] nách beitheá-sa mar-aon rum.
13] Im cholladh, a ghruaidh mar ghrís,
14] ná tara tre fhís dom fhios;
15] im dhúsacht, a shéaghain shuairc,
16] ná tarr dom bhuain as mo riocht.
17] Gidh deacair damh a rádh ribh,
18] ná faiceam sibh, ná mill mé;
19] ó nách bhféadaim dul ón mbás
20] ná tarr eadram is grádh Dé.
21] M'éanghrádh (thú) don uile dhúil,
22] a shlat cheannsa do mhúin Dia;
23] (is) mairg dhuitse do mharbh mé,
24] 's nár mharbhas féin duine riamh.

25] Mo thruaighe níor chumaoin duit,
26] a ghéag mhíolla an ruisg ghloin;
27] dá mbeitheá gan chéill mar tú,
28] cian go muirfinn thú mar soin.
29] Nochan fheadar créad do-ghéan,
30] do shearg mé do bhéal mar chaoir;
31] mo bheannacht ort, as ucht Dé
32] ná buaidhir mé, gabh rem thaoibh.
33] A bhéal cumhra, a chneas mar bhláth,
34] iomdha duine a-tá ar do thí;
35] im dhiaidh tar an uile fhear,
36] a rún mh'anma, a bhean, ná bí.