Corpus of Electronic Texts Edition

'Sí mo ghrádh (Author: unknown)

p.25

1. 1] 'Sí mo ghrádh,
   2] an bhean is mó bhíos dom chrádh;
   3] annsa í óm dhéanamh tinn
   4] ná an bhean do-ghéanadh sinn slán.
2. 5] 'Sí mo shearc
   6] bean nár fhágaibh ionnam neart,
   7] bean nách léigfeadh im dhiaidh och,
   8] bean nách cuirfeadh cloch im leacht.

---

p.26

3. 9] 'Sí mo stór
   10] bean an ruisg uaine mar phór,
   11] bean nách cuirfeadh lámh fám chionn,
   12] bean nách luighfeadh liom ar ór.
4. 13] 'Sí mo rún
   14] bean nách innseann éinní dhún,
   15] bean nách cloiseann ní fán ngréin,
   16] bean nách déin (orm) silleadh súl.
5. 17] Mór mo chás,
   18] iongna a fhad go bhfaghaim bás;
   19] an bhean nách tiubhradh taobh liom,
   20] dar mo mhionn, isí mo ghrádh.