Corpus of Electronic Texts Edition

A bhean fuair an falachán (Author: Unknown)

p.17

1. 1] A bhean fuair an falachán,
   2] do-chiú ar fud do chiabh snáithmhín
   3] ní as a bhfuighthear achmhasán
   4] d'fholt Absolóin mhic Dháivídh.
2. 5] Atá ar do chéibh chleachtsholais
   6] ealta chuach i gceas naoidhean;
   7] ní labhraid an ealta-soin,
   8] 's do bhuaidhir sí gach aoinfhear.
3. 9] Do bharr fáinneach fionnfhada
   10] roichidh fád rosgaibh áille,
   11] na ruisg corra criostalta
   12] go mbíd 'na gclochaibh fáinne.
4. 13] Maise nua do thógbhais-se,
   14] gibé tír as a dtáinig, —
   15] do lámh gan idh órdaighthe
   16] is céad fáinne fád bhráighid.
5. 17] Do chas an cúl tláthbhuidhe
   18] timcheall an mhuinéil dírigh:
   19] iomdha idh fón mbrághaid-sin, —
   20] is brágha í dá-ríribh!