Aghaidh gach droichsgéil a-mach

1] Aghaidh gach droichsgéil a-mach!
2] ní chuala mé cath ba mó
3] ná a bhfuil ag éag leis an ngrádh;
4] is iongnadh dhúinn mar tám beó.
5] Taom grádha do mhnaoi fán ngréin
6] ní thugas féin, feirrde liom,
7] 's nocha dtiubhar go dtí an bás;
8] ní beag leam cách ina ghioll.

9] Na fir-se ag dul d'éag don ghrádh
10] fúigfid siad na mná dá n-éis;
11] eadamair éistfidhear rinn
12] muna bhé beó acht sinn féin.
13] Na fir shuairce-se théid d'éag,
14] mé an t-aon do chéad gan dul leó;
15] a Chríost, créad fá bhfaghainn bás
16] 's go bhfaghthar mná is anmhain beó?
17] An lucht so atá uaibh i bpéin,
18] más fíor dóibh féin, i riocht mhairbh,
19] léigid míle cnead is uch,
20] a Dhé, go dtí an guth fón ngairm.
21] Na daoithe nár pheacaigh riamh,
22] (uch, a Mhuire!) a chiabh na gclann,
23] is mairg duitse atá dá mbreódh,
24] bíodh gur cuma a mbeó nó a marbh.

25] A Mhic Muire, nách ait dúinn
26] iad ag seargadh súil re bás?
27] mo thruaighe daoithe na nduadh,
28] 's nách aithnid dóibh fuath ná grádh.
29] Daoine ag magadh fútha féin,
30] dá rádh go mbíd i bpéin bháis,
31] dá bhagar go rachaid d'éag, —
32] iongnadh an gléas meallta ar mhnáibh.
33] Créad fá gcreidfinn duine féin
34] dá rádha riom go dtéid d'éag,
35] 's nách tig claochlódh ar a chruth?
36] Fear, a Chríost, ar lucht na mbréag!