Corpus of Electronic Texts Edition

A Cholmáin mhóir mheic Léinín (Author: Gofraidh Fionn Ó Dálaigh)

p.70

1. 1] A Cholmáin mhóir mheic Léinín,
   2] a bhinnegnaidh bhaisghléimhín,
   3] grádh dhuid as dú d'Íbh Dálaigh,
   4] tú ar gcuid dona Colmánaibh.

---

p.71

2. 5] Atá ann eochoir leasa,
   6] cuimhnigh an gcráoibh gcoibhneasa,
   7] ar léim ná léigsi a chara,
   8] dod fhréimh th'éigsi ar n-ealadha.
3. 9] Tú oide an fhileadh ó ttám,
   10] a érlaimh dan hainm Colmán,
   11] as comhrádh as canta amach
   12] Colmán dár dhalta Dálach.
4. 13] Ní bhíadh Dálach ris an dán,
   14] mona bheadh re a chois Colmán:
   15] dobadh léir é ar a oidiocht,
   16] sé in gach céim gá chomhaideacht.
5. 17] Gidh cúich adeir ná badh dleacht
   18] ní ar an ndán — dia do chléirceacht —
   19] ní ceard a n-aghaidh Dhé an dán,
   20] as é do chabhair Colmán.
6. 21] Colmán dá nar cóir neimhshearc,
   22] seal fada lé filidhiocht:
   23] nocha ría badh dáigh a dhol,
   24] monbadh áil lé Día a dhénamh.
7. 25] Ar Cholmán Chlúana hairde
   26] do cuireadh an chédchairde:
   27] tug ma cheann druim ris an dán,
   28] fearr an chuing ar ar claochládh.
8. 29] Do ghrádhaigh creidemh comhlán
   30] da bfuair ar nimh Naomhcholmán:
   31] 'na hiongnais fhúair a chabhair,
   32] tiomnais uaidh an ealadhain.
9. 33] Fáth ar gcairdis cuirthi a mbrígh
   34] lé Colmán mór mac Léinín:
   35] tiomna Colmáin ar a cheird
   36] tré diomdha an bhonnbháin bhéildeirg.

---

p.72

10. 37] Aigi do fháguibh an dán,
    38] bronndalta do bhí ag Colmán,
    39] an céidfhear ór slonnadh sinn,
    40] ollamh dárbh éigion uirrim.
11. 41] Dob é Dálach a dhalta,
    42] air do fhear a bheannachta:
    43] d'fírfhréimh a sheandalta ó shoin,
    44] beannachta an fhíréin oghnaidh.
12. 45] Maithi mhuinntire Dálaigh,
    46] a ttreisi atá a bfágbhálaibh:
    47] ar fhádaibh an domhnán duinn
    48] Colmán do fháguibh aguinn.
13. 49] Dob oirchios d'aicmi Dhálaigh,
    50] dá ttug éicsi n-édálaigh,
    51] dúana do dhérghadh dá ndán
    52] d'érlamh Clúana, do Cholmán.
14. 53] Mar do-radais dhúin ar ndán,
    54] a chomhachtaigh, a Cholmán,
    55] faghaibh cathair mar dhún nDé,
    56] dhúnn ar gcathaimh ar gcéidré.
15. 57] Féch oirn, a oide ar sinnsir,
    58] mon gcathraigh n-aird n-aoibhinnsin:
    59] gabh mé seach gach áon réd ais,
    60] ar gháol an té do thoghais.
16. 61] Ná raibh agád ar n-éra,
    62] guidhim thú go ttaisbéna
    63] do shíol do bhronndalta ar bháidh
    64] bríogh do chonganta, a Cholmáin.

    A Cholmáin.