Corpus of Electronic Texts Edition

Aoidhe meise ag máthair Dé (Author: Tadhg Óg Ó hUiginn)

p.2

1. {YBL col 132}1] Aoidhe meise ag máthair Dé
   2] ní meise an bráthair nach bí
   3] go fuar im dheagh-mháthair nDé
   4] truagh is mé im dhearbhráthair dhí.
2. 5] Do mháthair Dé is gar mo ghaol
   6] an mé an bráthair as ghlan gníomh
   7] gidh ionann feol-fhuil dí is dún
   8] do ní morún deoraidh dhíom.
3. 9] Tearc dá bráithribh tharla té
   10] re tarbha dá dtáirthir dhí
   11] gaol fallsa do Mhoire mé an té
   12] an croidhe dall-sa dhí.
4. 13] Gidh bé ní bheas ar a bhéal
   14] a teas nó go dtí 'n-a gaol
   15] a cridhe le a bráthair bíodh
   16] máthair Ríogh nimhe na naomh.
5. 17] Maith dhamh an chomaoin do chuir
   18] a car gion gur chomhmaoidh sin
   19] gan aoidhigh do thriall don thoigh
   20] riamh gur oil naoidhin do nimh.
6. 21] Níor sguir gér dheacair a ndíol
   22] mo pheacaidh gur chuir ar gcúl
   23] re Dia níor dhaingean ar ngaol
   24] gur thaobh an t-aingeal ria a rún.
7. 25] An t-eitne do chin ón chnaoi
   26] nocha shir nach leigthe lé
   27] níor an 'gá chuinghidh 'n-a clí
   28] gur ghabh sí ó fhuighlibh é.
8. 29] An leanb ré luigheadh an ógh
   30] a fhearg níor cuireadh ar gcúl
   31] nó gur dheonuigh Rí na ríogh
   32] síodh ar a trí deoruibh dhún.
9. 33] Mé 'gam choimhghe 'gá céibh thigh
   34] oidhre Dé réidh nó go raibh
   35] gidh doirbh mh'fhagháil don chlí chuil
   36] níor sguir sí dom fharáil air.
10. 37] Gidh olc do dhligh déagsain dún
    38] an géag-sain ó nimh na naomh
    39] do chuir sí ionn ar 'n-a iúl
    40] mar ba siúr í i ngioll rér ngaol.
11. 41] Mór cheileas an ógh dom olc
    42] an ógh le leigheas mo locht
    43] Rí na cruinne ris an gceart
    44] neart do ní buime na mbocht.
12. 45] Mór a bhuidhe mé 'n-a múr
    46] gomadh lé guidhe mo ghníomh
    47] ionmhuin bean do bhí ag an tsaor
    48] nar aomh fhear acht Rí na ríogh.

---

p.3

13. 49] Fear sean nar dhoshnaidhme dhí
    50] i gcomhairle na neamh naoi
    51] an saor ní do luighe lé
    52] do aomh sé Muire mar mhnaoi.
14. 53] Do sgar sé re meanmain móir
    54] ba tal lé leanmain a laoigh
    55] do bhí go dearóil dá deoin
    56] sí gan treoir acht seanóir saoir.
15. 57] Iobhail ar a lorg gach laoi
    58] don ríoghain nochar ord é
    59] fa rian oighe i ndíothramh dhí
    60] Moire is í ag díothladh Dé.
16. 61] A fear braith do bhí ar a cúl
    62] gidh eadh níor bhraith í más fhíor
    63] a brath nochan é nar aomh
    64] acht braon do rath Dé dá díon.
17. 65] Cumthar meabhal go Mac nDé
    66] lér beanadh a Mac don mhnaoi
    67] gidh dom chionn-sa do aomh é
    68] do b'ionnsa a Dhé an chraobh gan chnaoi.
18. 69] Olc do fhoghain dí fa dheoidh
    70] tocht dí dá chobhair i gcéin
    71] a crádh fa a Mac ionmhain uain
    72] fuair an tslat dar bhfiodhbhaidh féin.
19. 73] Ní i n-éan-ló budh cneasda a chaoi
    74] acht gé téarnó teasda sé
    75] coróin fa a bhaithis do bhí
    76] ní d'onóir dí acht d'aithis é.
20. 77] Sí 'n-a thiomchall-san truagh liom
    78] 's a huan gan iomchosnamh ann
    79] do chí sí bior tres an mbonn
    80] sriobh dhonn do chí ris an gcrann.
21. 81] Fionn-Mhuire re feadh an laoi
    82] 'gá ionghuire is eadh do bhí
    83] do hathghonadh eidhre Dé
    84] sé ag athroghadh deilbhe dhí.
22. 85] 'N-a ghoire do an an ógh
    86] agus Moire Magh-da-léan
    87] don chuire do chroch a huan
    88] uch níor thruagh le duine a déar.
23. 89] A gul gion gur lamhadh lé
    90] ag anadh 'n-a bhun do bhí
    91] an bhraid-sin nochar bheag dí
    92] si 'gá fhaicsin gan chead caoi.
24. 93] Táinig as donnnadh a deor
    94] a bhas do tholladh 's a thaobh
    95] ar éise a croidhe do chrádh
    96] sámh léi-se loighe ar a laogh.
25. 97] Gomadh teann ar Mhuire mé
    98] go nmbé a guidhe leam gach laoi
    99] eagail liom an lá do bhí
    100] trí mná ós a chionn ag caoi.
26. 101] Do theich an cuire dar chóir
    102] bheith re Muire go n-a mnáibh
    103] ní fhuair buime Dé fa dheoidh
    104] ón uaigh lé acht Eoin Bruinne a-bháin.
27. 105] I ngioll síodh dá bráthair bhocht
    106] a-táthair fa ríor 'n-a riocht
    107] mé ar Mac nDé éadána as m'ulc
    108] mé a hucht m'éagára ar a hiocht.
28. 109] Ní maoidhthe ar son Eabha an ógh
    110] acht do chor an cheana ar gcúl
    111] taobh ria is éigean dá gach aon
    112] ná léigear taobh re Dia dhún.
29. 113] Is í áiridhe as fhearr dhamh
    114] is í ar gceann báidhei-ne an bhean
    115] is fiú ise ar mbeith sa bhrugh
    116] gan mise ag cur neith ar neamh.
30. 117] Muire muna thaobhar trá
    118] baoghal a luighe fa lia
    119] ó rinn deilg do dháil a chrú
    120] a-tú mar láimh ndeirg ag Dia.

    Aoidhe.