Corpus of Electronic Texts Edition

Background details and bibliographic information

Slán fat fholcadh

Author: Tadhg Mór Ó hUiginn

File Description

Electronic edition compiled and proof-read by Margaret Lantry

Funded by University College Cork and
Professor Marianne McDonald via the CURIA Project.

2. Second draft.

Extent of text: 1567 words

Publication

CELT: Corpus of Electronic Texts: a project of University College Cork.
College Road, Cork, Ireland—http://www.ucc.ie/celt

(1997) (2010)

Distributed by CELT online at University College, Cork, Ireland.
Text ID Number: G402137

Availability [RESTRICTED]

Available with prior consent of the CELT programme for purposes of academic research and teaching only.

Sources

    Manuscript source
  1. Dublin, Royal Irish Academy, MS 743, 648 (alias A iv 3: see Catalogue of Irish Manuscripts in the Royal Irish Academy, fasc. 18, 2258).
    The edition used in the digital edition
  1. Láimhbheartach Mac Cionnaith, Slán fat fholcadh in Dioghluim Dána, Ed. Láimhbheartach Mac Cionnaith. , Dublin, Oifig an tSoláthair [Government Publication Office] (1938) page 394–398

Encoding

Project Description

CELT: Corpus of Electronic Texts

Sampling Declaration

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Editorial Declaration

Correction

Text has been checked, proof-read and parsed using NSGMLS.

Normalization

The electronic text represents the edited text. Compound words have not been hyphenated after CELT practice.

Quotation

There are no quotations.

Hyphenation

The editorial practice of the hard-copy editor has been retained.

Segmentation

div0=the whole text. Metrical lines and quatrains are marked and numbered.

Interpretation

Names of persons (given names), and places are not tagged. Terms for cultural and social roles are not tagged.

Canonical References

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

Profile Description

Created: By Tadhg Mór Ó hUiginn, an Irish bardic poet Date range: c.1200-1600.

Use of language

Language: [GA] The text is in Classical Modern Irish.

Revision History

Corpus of Electronic Texts Edition: G402137

Slán fat fholcadh: Author: Tadhg Mór Ó hUiginn

p.394

TADHG MÓR Ó hUIGINN cct.
  1. 1] Slán fat fholcadh
    2] a Fhionnghuala réidh roicheolchar;
    3] th'fholt idir é
    4] ní fhidir mé nach moitheochthar.
  2. 5] Slán fat fholcadh
    6] 's fa fhighe th'fhuilt fhiarchlaidhigh
    7] sé is th'óige ort
    8] is móide ar an fholt mh'fhiafraighidh.
  3. 9] Slán fa dhíorghadh
    10] do dhíshleachta shlim shlaitleabhair,
    11] a mhall mhilis,
    12] a bharr 'n-a thrilis taitneamhail.
  4. 13] Slán fa chíoradh
    14] do chúil as caomh re a shíorfhaicsin;
    15] gurab soraidh
    16] gurab cobhuidh don chíoraidh-sin.

    5. p.395

  5. 17] Ar gcíoradh th'fhuilt
    18] usuide dhamh a dheaghmholadh
    19] gach clann chleachtach
    20] id bharr leabthach ag leabhroghadh.
  6. 21] Gach uair fhoilce
    22] th'earla bhíos ag breith ailtbhisigh
    23] mar ghrein ngairthe
    24] do néimh a haithle an fhailcei-sin.
  7. 25] Cros Críosd thorad
    26] tearc th'aithghin ar bioth barrbhuidhe;
    27] ná rabh tres an bhfolt bhfionnbhuidhe
    28] ort amhghoire.
  8. 29] Aigmhéil dá bharr
    30] béim súl ar chách re a chladhfhaicsin;
    31] tú as caoimhe i gcurp
    32] naoidhe fan fhult an aghaidh-sin.
  9. 33] An aghaidh óg
    34] fan fholt bhíos 'n-a bharr dhronglánach
    35] bíd is beid dí go deaghshnuadhach
    36] 's sí soghrádhach.
  10. 37] Soghrádhach thú
    38] ós do thír lisleabhair longclannaigh;
    39] a chnú ar gcraoibhe
    40] 's tú bhus caoimhe do-chonncamair.
  11. 41] Gér chaomh ar dtús
    42] thú re figheadh th'fhuilt fhionnbhuadha
    43] tug luach eich ort
    44] do bheith fa fholt, a Fhionnghuala.
  12. 45] Áluinn fan fholt
    46] th'aghaidh chorcra mar chéadshaimhghréin
    47] th'fholt mar fhalaigh
    48] ag tocht tar th'aghaidh n-éadainréidh.
  13. 49] Réidh an t-éadan
    50] ar aghaidh th'fhuilt troim thaithneamhaigh
    51] na gcleathrámh gcraobh
    52] ós an ngealchlár gcaomh gcailceamhail.
  14. 53] Mailghe caola
    54] ós chionn do cheathra gcraobhfhabhra
    55] aonsduaim orra
    56] dá chaolsduaidh dhonna dhaolamhla.

    15. p.396

  15. 57] Tearc san chruinne
    58] comhchaomh do rosg mall mongdhathta;
    59] géagcruinn gruaidhe
    60] dá réatlainn uaine ogradhta.
  16. 61] Gruaidhe donna
    62] dá ndéantar dán saor sreathmholta
    63] leaca as saor snuadh
    64] le taobh do dá ghruadh ngealchorcra.
  17. 65] Béal dearg tana
    66] tug dhuit Dia—déana a altoghadh—
    67] a chrann cubhra,
    68] a bharr mar ubhla ar n-abghughadh.
  18. 69] Deirge iná subh
    70] snuadh do leacan re a lánfhaicsin
    71] do bhráighe bhláith
    72] i mbáine bhláith don bhrághaid-sin.
  19. 73] Cíghe troma
    74] ós do thaobh tárraidh mochbhuadha;
    75] ní fhuil fa ucht
    76] a-muigh ar curp a gcomhchuanna.
  20. 77] Ucht mar eala
    78] agad, a chall glan gealchoilleach;
    79] slios caomh cladhach
    80] do thaobh mar chanach gCreamhchoilleach.
  21. 81] Braine mar bhláth
    82] do bharr mar ór, crodh caomhuingeach;
    83] folt clúmhraon gcam
    84] ort, a ghlúnmhaol mhall mhaoluilleach.
  22. 85] Cuanna caomha
    86] do dá cholbtha, a chraobh ghealthoirtheach;
    87] beaga bhláthbhuinn
    88] 's iad seada sálchruinn seangthroightheach.
  23. 89] Milis do ghlór
    90] a ghéag mhall Mhoighe Finnei-sin
    91]
    [gap: extent: 1 line]

    92]
    [gap: extent: 1 line]
  24. 93] Téighid sginge
    94] do sgarlóid chorcra chorrtharaigh
    95] th'ucht slimgheal saor,
    96] a inghean chaomh Í Chonchobhair.

    25. p.397

  25. 97] Do néimh th'aighthe
    98] do áilnigh th'fholt cas claonbhuidhe
    99] fionnNuadha Fáil
    100] a Fhionnghuala Chláir Caonruighe.
  26. 101] Nuadha Fionn Fáil
    102] fuair a cruth ríoghdha ronua-san
    103] ó Nuadha a-nuas
    104] ní chuala cluas a chomhuasal.
  27. 105] Ríoghradh Éireann
    106] umut earla mar ghléidheaghór
    107] go Conn na gcuan
    108] is an drong uadh go hÉireamhón.
  28. 109] Níor fhás achd rígh
    110] is ríoghna 'mod rosg ndeaghshádhal
    111] callros fa chnuas
    112] ó Mhaghnus suas go seanÁdhamh.
  29. 113] Cia do righeadh
    114] riot, a ríoghan nach rosggruamdha,
    115] cia ad-chluin nó ad-chí
    116] go bfuil i gclí do chomhsduamdha?
  30. 117] Comhsduamdha ód láimh,
    118] a lacha áluinn aoigheadhach,
    119] gach béas banda
    120] eidir ghréas Ghallda is Ghaoidhealach.
  31. 121] Id bhruidhin bhric
    122] bídh re béalaibh bhan lámhdhaidhe
    123] fíon fuar finngheal
    124] ód chuan, a inghean Árlaidhe.
  32. 125] A Fhionnghuala,
    126] a ucht mar bhláth saor subhlosa,
    127] a inghean ghlan mhall Mhaghnusa,
    128] a chrann cumhra-sa.
  33. 129] Biaidh red reimhis,
    130] a ríoghan Chruachna coillghile
    131] —mar do bhaoi—bean
    132] gan mhnaoi gan fhear 'ga hoirbhire.
  34. 133] Gnáth as dual dhuid
    134] —is a dhéanamh ar dhánmholadh—
    135] gan bheirt ar bhoin
    136] gan fheirc ar ghroigh do ghrándoghadh.

    35. p.398

  35. 137] Dual ót athair
    138] a Fhionnghuala, a fholt maoithghleannach,
    139] bheith ag díol dámh,
    140] an fíon 's an dán do dhaoircheannach.
  36. 141] Dual dod bhais bhláith
    142] bheith don aos dána ag druineachas
    143] ceird cridhe ar crioth
    144] gach file ar bioth dod bhuidheachas.
  37. 145] Dual duid dá mbeath
    146] —ni budh beag d'fheidhm ná d'ordughadh—
    147] Banbha ar do bhreith
    148] mallbha agus eich ar mh'ordughadh.
  38. 149] Dual duid mé id thig
    150] ag toirbheart chliar gach chineadhaigh
    151] d'fhoghluim ionnlais
    152] ag comhruinn ionnmhais d'fhileadhaibh.
  39. 153] Th'ór is th'airgead
    154] agam uaid ag a thiodhnacal,
    155] gach ní fa nimh
    156] dá mbí id thigh ar mo thiodhlacadh.
  40. 157] Dual duid gach dámh
    158] do dhol leam d'fhéachain th'fhinntighe
    159] tú ag réir a rann
    160] gan chléir ann achd ar mh'impidhe.
  41. 161] Dual duit gach magh
    162] 's gach móin go dtolchaibh tiormruadha
    163] lán dod lachtchrodh;
    164] slán fat fhalcadh, a Fhionnghuala.

    Slán.