Corpus of Electronic Texts Edition

Background details and bibliographic information

Ar iasacht fhuaras Aonghus

Author: Donnchadh Mór Ó Dálaigh

File Description

Electronic edition compiled and proof-read by Margaret Lantry

Funded by University College Cork and
Professor Marianne McDonald via the CURIA Project.

3. Third draft.

Extent of text: 1616 words

Publication

CELT: Corpus of Electronic Texts: a project of University College Cork.
College Road, Cork, Ireland—http://www.ucc.ie/celt

(1997) (2008) (2014)

Distributed by CELT online at University College, Cork, Ireland.
Text ID Number: G402092

Availability [RESTRICTED]

Available with prior consent of the CELT programme for purposes of academic research and teaching only.

Sources

    Manuscript sources
  1. Dublin, Royal Irish Academy, MS 6, 144 (alias 23 I 40: see Catalogue of Irish Manuscripts in the Royal Irish Academy, fasc. 1).
  2. Castlerea (Co. Roscommon), Clonalis House, Book of the O'Conor Don (1631), 370.
    Literature etc.
  1. Pádraig Ó Macháin (ed), The Book of the O'Conor Don (Dublin: DIAS 2010).
  2. An English translation is available in the Irish Monthly 48, no. 565 (July 1920) 371–374.
  3. This poem is listed in the Irish Bardic Poetry Database (see http://bardic.celt.dias.ie/main.html) and dated to the early 13th century.
    The edition used in the digital edition
  1. Láimhbheartach Mac Cionnaith, Ar iasacht fhuaras Aonghus in Dioghluim Dána, Ed. Láimhbheartach Mac Cionnaith. , Dublin, Oifig an tSoláthair [Government Publication Office] (1938) page 211–214

Encoding

Project Description

CELT: Corpus of Electronic Texts

Sampling Declaration

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Editorial Declaration

Correction

Text has been checked, proof-read and parsed using NSGMLS.

Normalization

The electronic text represents the edited text. Compound words have not been hyphenated after CELT practice.

Quotation

Quotation marks are temporarily retained.

Hyphenation

The editorial practice of the hard-copy editor has been retained.

Segmentation

div0=the whole text. Metrical lines and quatrains are marked and numbered.

Interpretation

Names of persons (given names), and places are not tagged. Terms for cultural and social roles are not tagged.

Canonical References

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

Profile Description

Created: By Donnchadh Mór Ó Dálaigh, an Irish bardic poet Date range: c.1200–1225.

Use of language

Language: [GA] The text is in Classical Modern Irish.

Revision History

Corpus of Electronic Texts Edition: G402092

Ar iasacht fhuaras Aonghus: Author: Donnchadh Mór Ó Dálaigh

p.211

DONNCHADH MÓR Ó DÁLAIGH cct.
  1. 1] Ar iasacht fhuaras Aonghus
    2] ó Dhia gin gur dheaghcaomhnas;
    3] an té rug é nochan olc
    4] ó nach tug é achd ar iasocht.
  2. 5] Móide an tuirrse tá ar gach neach
    6] fa bhreith uaim do Dhia dhúileach,
    7] glan an nuabhas, nuaidhe an corp
    8] do fhuaras uaidhe ar iasocht.
  3. 9] An t-iasocht fhuaras do nimh
    10] nocha n-iodhlaicfinn idir;
    11] do b'usa leam a locadh
    12] gémadh fhearr a iodhlocadh.
  4. 13] A Dhúilimh do dhealbh a chorp,
    14] nó go n-iodhlaicfinn m'iasocht
    15] nachar bh'é ceart badh fhearr ann
    16] gan teacht ar a cheann chugam?
  5. 17] Ní hiasocht áruis nimhe
    18] a-tá ar Aonghus d'áiridhe;
    19] gearr gach sosadh achd mar sain
    20] do-san níor bh'fhearr ga athair.

    6. p.212

  6. 21] An tsealbh bhunaidh bhíos a-nois
    22] níor leam achd iasocht Aonghuis;
    23] ní fríoth uaidh achd athaidh dhe;
    24] do-chuaidh le a athair oile.
  7. 25] Iasocht bunaidh do bhuain air
    26] ní iarrfainn ar an athair
    27] —níor léig sei-sean an leanbh linn—
    28] a shealbh leis-sean do léigfinn.
  8. 29] Do Mhac Dhé bhí is beannacht lais
    30] deonuighim anam Aonghuis;
    31] ní fhuighinn neart budh fhearr air
    32] reacht fa a cheann nocha cosmhail.
  9. 33] Croidhe Dhé d'fhurtocht orm-sa
    34] truagh nach táinig chugam-sa
    35] ar mhnaoi roimhe ráinig teagh
    36] mar tháinig croidhe an Choimdheadh.
  10. 37] Lá dá ndeachaidh Mac Muire
    38] go teagh Martha míonghloine
    39] an bhean dar chinn an rí rath
    40] re a linn do bhí go brónach.
  11. 41] Do fhiarfaigh Mac Dé dhi-se
    42] créad an chúis fa raibhei-se
    43] ar bhfaicsin déar le a gruaidh ngil
    44] an léan fhuair gé do fhidir.
  12. 45] "An mac óg do b'aithnidh dhuit"
    46] ar si-se "a Athair orrdhruic,
    47] teasda an ghéag bhassolus bhinn;
    48] Lasarus créad nach caoinfinn?"
  13. 49] "Gluais leam" ar Dia do dhealbh neamh
    50] "tuigim mar tá do chreideamh
    51] go léiginn uaim do mhac maith
    52] lat ón uaigh" ar an t-Ardfhlaith.
  14. 53] Gluaisis leis—níor leasg an chéim—
    54] d'fhios an adhlaicthe ainn-séin;
    55] sona an flaith ó bhfuair proigeacht,
    56] maith do-chuaidh an chomhoideacht.
  15. 57] Do ráidh Dia ag dul ós a chionn
    58] ris an mac—mairg nach tuigeann:
    59] "cuirim ort, a chalann chriadh,
    60] tocht 's an t-anam ar éinrian."

  16. p.213

    61] An sgáth bréige do bhí ann
    62] as ar imdhigh an t-anam
    63] ní dhearna an Rí achd a rádh sin
    64] 's do bhí slán is an slighidh.
  17. 65] An cleas-sain, dá mbeinn buidheach,
    66] do-rinne an mac míorbhuileach
    67] a Dhé nach déanann a-nos
    68] is nach fhéaghann é ar Aonghus!
  18. 69] Gion go bhfaghaim mar fuair sin
    70] do chionn guidhe Dhé dhúiligh
    71] d'éis a mhíorbhuile ar Mhartha
    72] dá fhíorghuidhe is adhartha.
  19. 73] Gion go bhféagh Rí nimhe a-nois
    74] orm-sa um fhóirithin Aonghuis
    75] dámadh fiu mé a dhéanamh dhamh
    76] do-ghéanadh é is do fhéadfadh.
  20. 77] Ó nach fiu a dhéanamh dhamh-sa
    78] Mac Dé d'fhurtocht oram-sa
    79] mairg más eadh do fhuirigh inn
    80] ris an mbuilidh ngeal nglóirghrinn.
  21. 81] Níor shaoil mé gur mhaith an bhreath
    82] gan mhac re a athair d'fhuireach;
    83] ní hamhlaidh do an rem dhul
    84] achd anmhain damh re a dhol-san.
  22. 85] Taosga thug mei-se ná an mac,
    86] Dia tug orainn an t-iomlat;
    87] gidh taosga rug sei-sean sain
    88] ní hei-sean thug ó thosaigh.
  23. 89] Tosach uaim-se fhuair sei-sean;
    90] truagh dhamh gan dul reimhei-sean;
    91] d'óige ar meic-ne dar mhó ar gcean
    92] do badh leigthe dhó deireadh.
  24. 93] Ní deireadh don tuirrse thruim
    94] d'éis an laoigh d'fholach oruinn;
    95] fa romhoch cré tar a chneas,
    96] sé d'fholach nochar bh'oircheas.
  25. 97] Ní béas eilte d'éis a laoigh
    98] agam d'éis an ghil ghlacshaoir;
    99] ní thabhar laogh oile air
    100] go saor mo chroidhe ón chumhaid.

  26. p.214

    101] Sódh na heilte ní holc dhi
    102] a laogh féin ó théid thairse;
    103] do laogh oile do-gheibh grádh
    104] a croidhe féin ag síothládh.
  27. 105] Buan mo chumha um cheann mo mheic,
    106] ní hionann is an eilit;
    107] d'éis an laoigh re a dtabhrainn taobh
    108] ní thabhraim m'aoidh ar aonlaogh.
  28. 109] Laogh mo chroidhe an mac muirneach,
    110] mo chara, mo chomhairleach,
    111] níor bhean tuirrse roimhe rinn
    112] mo chuisle croidhe caoinim.
  29. 113] Mo chruit chiuil as caoine nglóir,
    114] mo ghlór caoin as cosg dobróin,
    115] éinfhear cumainn mo chridhe,
    116] mh'urraim agus mh'áisighe.
  30. 117] Mo chraobh chnuais, (mo bhile bláith),
    118] mo ghéag fíneamhna fhíorbhláith,
    119] mo mhac ochta agus anma,
    120] mo shlat chorcra chraobhabhla.
  31. 121] Mo chiall, mo chuimhne, mo chonn,
    122] mo mhac, mo dhalta drólann,
    123] mo mhochmhacámh, mo mhionn súl,
    124] mo fhochlacán fionn foltúr.
  32. 125] Do oileas d'Airdrígh nimhe
    126] Aonghus ar gcuid cridhe-ne;
    127] fuaras doimheanma uadh as
    128] do luagh mh'oileamhna ar Aonghus.
  33. 129] I ndoilgheas re Dia athar
    130] —do b'éagcóir an t-ordachadh—
    131] do-chuadhas—is do b'é m'olc—
    132] fan té fhuaras ar iasocht.

    Ar.

  34. 133] Fuair Fionnghuala fód bunaidh
    134] d'éag Aodha, d'éag Fearadhaigh;
    135] do-chuaidh siad is siad gan locht
    136] ní fhuair iad acd ar iasocht.

    Ar iasocht.