Rugadh báire ar an mbochtacht

DONNCHADH MÓR Ó DÁLAIGH cct.

1] Rugadh báire ar an mbochtacht;
2] tearc fhuilngeas a hanshocracht;
3] nír chás duine a-bháin dá breith,
4] do-cháid an uile d'éinleith.
5] I n-aimsir Pheadair is Phóil
6] —ag trághadh gé tá a honóir—
7] do bhí an bhochtacht 'n-a linn láin
8] gur shocracht linn í d'fhagháil.
9] A-tá ag na daoinibh do dhligh
10] leanamhain an luirg dhírigh
11] beatha as táire ná bheith bocht
12] ag breith báire ar an mbochtacht.
13] Gin gurab air as mhó meas
14] is buidheach Dia dá dhaidhbhreas
15] bochtacht gin go mbeath dá thoil
16] neach leis nach olc a easbhaidh.
17] 'N-a comhthrom ní budh cuirthe
18] conách gémadh ceaduighthe;
19] an daidhbhreas gurab é as fhearr
20] is é a aighneas go haithghearr.
21] Don chruinne mar chuid ronna
22] Íosa ar n-oide foghloma
23] an almsa rug do roghain;
24] tug annsa dá heasbhadhaibh.
25] Fada ó a báire do bhreith dhí
26] Muire ógh d'imtheacht uaithe
27] bean a carthana ó chroidhe,
28] banchara na bochtaine.
29] do beanadh dhí—dia do chor—
30] gur fágbhadh hí na haonar
31] rí na n-uile 's a easbhail;
32] Muire ní hí a héineasbhaidh.
33] Ní fhuair fa dheoigh—is dó tám—
34] do dhíoth carad ná compán
35] d'éis na n-easbal go héanar
36] easgar ó nach éiréaghadh.

37] Gabhthar i ngaisde an éaga
38] Froinséis fear a coimhéada
39] —gár fhearr bráighe—ag an mbochta,
40] ceann báidhe na bochtachta.
41] Fear do ba treise ar a thoil,
42] fear iomchuir cuinge crábhaidh,
43] bráthair nachar char a chorp,
44] damh nar ghnáthaigh a ghreasocht.
45] Béal tana dá dtugadh fios,
46] bas gheal nach glacadh díleas,
47] croidhe ler chuma a dhochar,
48] urra a oire d'iomachar.
49] An traigh míon ná an mhala cham
50] ní thug oilbhéim don anam,
51] ná an chiabh mhaoth nar mhaoth gcrábhaidh,
52] far bhaoth ciall a chompánaigh.
53] Ní as ar bhaoghal a bhréagadh
54] don tsúil chuirr do choimhéadadh
55] an t-abhra gan díon ar dheoir
56] gá dtarla a díol do dhoirrseoir.
57] Le a chrábhadh ag breith breithe
58] do bhí a héisdeacht d'áireithe
59] an chluas do ba caol tuigse;
60] saor do-chuas ón chéadfaidh-se.
61] Dá gcur fa umhla an anma
62] na céadfadha corpardha
63] gá dtú acht nocha dtabhradh sbéis
64] i gclú dá bhfaghbhadh Froinséis.
65] A bhriathar mhilis mhálla
66] nír fhéad fear a faghála
67] neamhdhóigh as an ní a-deireadh;
68] seanmhóir í do oibrigheadh.
69] I gcontabhairt ná cuiream
70] go n-éisdfeadh rer n-urfhuigheall:
71] ní dochuirthe aghadh air
72] gabhal chothuighthe an chrábhaidh.
73] An dtibhreá d'éarlamh eile
74] dá threise d'fhior impidhe,
75] a rí na n-uile, ar a éis
76] an ní nach fuighe Froinséis.

77] Bráthair Mionúr do rádh ris
78] dá umhla—gá dtám thairis—
79] sé dá ainmniughadh as a hucht
80] daingniughadh hé ar a umhlocht.
81] Na géaga as airde san fhiodh
82] ón ghaoith gé ghabhaid briseadh
83] gach géag dá mbí umhal ann
84] pudhar dhí nocha déanann.
85] An chnú thoraidh téid sa sruth
86] do réir fheasa na n-eolach;
87] bheith ar talamh is dú dhí
88] 's an chnú fhalamh i n-airde.
89] Gach tuar as truime geamhar
90] le a gort is gnáth ísleaghadh;
91] an tslat chumhra gidh hí ann
92] is í as umhla dá hubhall.
93] Móide an toradh tháinig dhé
94] nír bhean bráthair dá ísle
95] —fán gach achaidh as fhearr gort—
96] geall dar n-athair ar umhlocht.
97] Is córaide dá chlannaibh
98] an t-athair ór fhásamair
99] na baramhla do-bhearar
100] a n-aradhna d'ísleaghadh.
101] Go breith an chluiche ó chianaibh
102] ní bhíodh aca acht éinriaghail;
103] reacht an chlann-sa 'n-a dá cuid;
104] ní do theacht tharsa támuid.
105] Do filleadh orra dá éis
106] an chlann do chin ó Fhroinséis
107] an báire do bhí rompa;
108] do bhí a n-áille iasochta.
109] 'N-a gcloinn tabhartais a-táid;
110] ní ghabh leo acht an lá iompáid;
111] bheith dháibh amhlaidh ar a éis
112] do tharngair an fáidh Froinséis.
113] Ní hiomdha dhínn 'n-a dheaghaidh
114] bráthair bhíos gá hoileamhain
115] an riaghail gá dámaid dí
116] fiadhail acht tánaig thairse.

117] Nach fiú aonmhonadh hé féin
118] dá ionnmhus is iúl soiléir;
119] ní beag do dhímheas é air
120] do dhíleas dá mbé ag bráthair.
121] Is cóir sa chás i bhfuilim
122] gan fhailleachadh m'urfhuighill
123] —ar síoth re laogh nDé dlighe—
124] ní saor é ó oirbhire.
125] Deacra dhúinne iná dhuit-se
126] dul beo ón bheirn ghábhaidh-se;
127] beag an phian do bhí id bhochtacht,
128] do mhian do bh'í an anshocracht.
129] Ar n-éigean muna fhóire
130] maoidh ar Mhac na banóighe
131] buirre na glaice gonta
132] duinne i n-aice th'umhlochta.
133] Maoidh fós ar oidhre an Athar
134] tú go héag dá hiomachar
135] —neimh an bhuinn gár dhocra dhuid?—
136] cuing na bochta fad bhrághuid.
137] Is tugtha gan mo theibe
138] d'eineaclann it fhoighide
139] Mac Dé dá n-eitghe th'umhlocht
140] leigthe mé led mheasardhacht.
141] An ghuin bháis do bhaoi id chridhe
142] ar Críosd ciodh nach maoidhfidhe?
143] a dhoigh gár dhocra treabhlaid?
144] goin th'ochta ní hindearmaid.
145] Im ionadh is tú thoghaim
146] d'aighne agus d'fhior uroghaill;
147] do bhiadh ar námha réidh rinn
148] mo námha féin dá bhfuilnginn.
149] Ní as a ndoirtfinn mo dhéara
150] bean osgladh as m'aithmhéala,
151] a dheochain, a chnú cridhe,
152] ós tú eochair m'aithrighe.
153] A oide, a athair dála,
154] a sgiath dídin diongbhála,
155] mo locht as a thruaill tugadh,
156] do-chuaidh thort mo theasrugadh.
Rugadh.