Corpus of Electronic Texts Edition

Ór na mban baincheann nimhe (Author: Donnchadh Mór Ó Dálaigh)

p.149

1. 1] Ór na mban baincheann nimhe,
   2] géag chubhra an chnuais ainglidhe,
   3] cruth seangghlan go snas chorcra
   4] dar las deallradh diadhachta.
2. 5] Ór líoghlan ar nar luigh sal,
   6] réalta iuil fhear an talmhan,
   7] ciabh chlaon 's a griandath mar ghréin,
   8] caor do mhianach criadh ceinéil.

---

p.150

3. 9] Ór glan gealbhán na cruinne,
   10] baincheann na sé sochaidhe,
   11] folt na n-órchlann gcruinnshliom gcas,
   12] lóchrann ó bhfuighbheam eolas.
4. 13] Grian ghlan ghealmhaidne samhraidh,
   14] eala innbhir chubharghlain,
   15] folt órbhuidhe fhailgheadh dtiogh,
   16] óghMhuire mhaillgheal maighdean.
5. 17] Guaillidh deasláimhe an Dúilimh
   18] 's í ar ar sgáth 'n-a sgiathlúirigh,
   19] 's n-a gnáthfhál dhaingean dar ndíon,
   20] sgáthán aingeal an airdríogh.
6. 21] Slat do fhás a húir naomhtha,
   22] ógh ghlan go ngnúis neamhfhraochdha
   23] dar bh'ainm naomhthalamh ós nimh,
   24] pailm go saortharadh saidhbhir.
7. 25] Neimhdheas gach deilbh dá deise
   26] i ngar do ghné a deilbhei-se;
   27] beag mórbhladh i ngar dá gnaoi
   28] leag lóghmhar mar ghal grianlaoi.
8. 29] A béal coimhdhearg re snuadh subh,
   30] a rosg comhghlas re criosdal,
   31] nó re hoighreadh ar eas nglan,
   32] a cneas coimhgheal le cubhar.
9. 33] Combuidhe é 's an t-ómra
   34] bairrfhiar an fhuilt fhorórdha,
   35] a tirmdhéad chombán re cailc
   36] an fhinnghéag fhollán orrdhairc.
10. 37] Siad coimhgheal le clúimh eala
    38] a troighthe, a taoibh glégheala;
    39] méin chaise 'n-a camchúl fhionn
    40] nach taise fannchlúmh faoileann.
11. 41] Céim a bonn, buille a habhra
    42] 's iad commall 's a ciunlabhra;
    43] rosg glas gan fhormad fa ór
    44] a bas chomhlag re caomhshról.
12. 45] Niamh a gruadh n-áluinn mar fhuil,
    46] an chuid eile dá haghaidh
    47] mar uan imillearg abhann
    48] sduadh inghindearg abhramhall.

---

p.151

13. 49] Inghean Iaichim ciabh chladhach
    50] cosmhail caoile a seangmhalach
    51] re sgríb d'fhírrinn chaoilphinn chuirr
    52] ar sgríbhinn maoithshlim meamruim.
14. 53] Máthair ríogh rátha nimhe,
    54] mian súl na sluagh n-ainglidhe,
    55] gnúis déadla ó n-aghthair an t-eol,
    56] réadla nach athraigh d'aithcheodh.

    Ór.