Corpus of Electronic Texts Edition

Mairg dar compánach an cholann (Author: Athairne Mac Eoghain)

p.108

1. 1] Mairg dar compánach an cholann,
   2] cumann fallsa ní fuath lé;
   3] guais thall a cionta fam chomhair,
   4] tiocfa am bhus omhain é.
2. 5] Fuath m'anma is annsacht mo cholla
   6] connradh meallta mairg do-ní;
   7] mé dá toil congbhaidh an cholann
   8] foghlaidh mar soin oram í.
3. 9] Gach grádh riamh dá radas di-se
   10] níor dhíol uirre ar fhuath na bpian;
   11] do fhill mo ghrádh 'n-a fhuath oram
   12] lán dom fhuath an cholann chriadh.
4. 13] Ní díol ceana an cholann mheabhlach
   14] gidh mór an toil thugas dí;
   15] minic nach buan críoch a cumainn
   16] ní fríoth achd fuar umainn í.
5. 17] Lór dom theagasg gé táim aimhghlic
   18] i n-am an bháis—is beart chruaidh—
   19] na huilc i dteine ga dtéaghadh,
   20] na cuirp eile d'fhéaghadh uaim.
6. 21] Re hucht an bháis—is breath cantar—
   22] an claochlódh truagh thig don ghné;
   23] an corp ar chalbha na huaighe
   24] olc an damhna uaille é.
7. 25] Do-chím an béal dearg ar ndubhadh
   26] 's an déad chailce 'n-a cnáimh ghorm,
   27] mo thoil ní fhuigheam ón uabhar,
   28] ní chuireann soin uamhan orm.

---

p.109

8. 29] Na súile i n-aimsir an éaga
   30] adhbhar biodhgtha mar bhías siad
   31] —gá beag dúnn ón rígh mar rabhadh—
   32] do-chím cúl ar aghadh iad.
9. 33] A ghrádh féin is aimhleas mh'anma
   34] ós éigean dúinn dul ós aird
   35] fuair an cholann cuid na deise;
   36] romhall do thuig mei-se a mhairg.

   Mairg.