Corpus of Electronic Texts Edition

Background details and bibliographic information

Íocadh Críost cumaoin a mháthar

Author: Unknown

File Description

Electronic edition compiled and proof-read by Margaret Lantry

Funded by University College Cork. and
Professor Marianne McDonald via the CURIA Project.

2. Second draft.

Extent of text: 1773 words

Publication

CELT: Corpus of Electronic Texts: a project of University College Cork.
College Road, Cork, Ireland—http://www.ucc.ie/celt

(1997) (2008)

Distributed by CELT online at University College, Cork, Ireland.
Text ID Number: G402053

Availability [RESTRICTED]

Available with prior consent of the CELT programme for purposes of academic research and teaching only.

Sources

    Manuscript source
  1. Dublin, Trinity College Library, 1340, 39 (alias H. 3. 19; see Abbott and Gwynn, Catalogue of Irish Manuscripts in Trinity College Library (Dublin 1921)).
  2. Dublin, Royal Irish Academy, MS 1235, 18 (alias C ii 2: see Catalogue of Irish Manuscripts in the Royal Irish Academy, fasc. 27).
    Translation
  1. Lambert McKenna, 'To the Blessed Virgin', in: The Irish Monthly 58 (no. 687, September 1930) 467–471 (available online on JSTOR).
    The edition used in the digital edition
  1. Láimhbheartach Mac Cionnaith, Íocadh Críost cumaoin a mháthar in Dioghluim Dána, Ed. Láimhbheartach Mac Cionnaith. , Dublin, Oifig an tSoláthair [Government Publication Office] (1938) page 91–94

Encoding

Project Description

CELT: Corpus of Electronic Texts

Sampling Declaration

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Editorial Declaration

Correction

Text has been checked, proof-read and parsed using NSGMLS.

Normalization

The electronic text represents the edited text. Compound words have not been hyphenated after CELT practice.

Quotation

Quotation marks are allowed stand temporarily.

Hyphenation

The editorial practice of the hard-copy editor has been retained.

Segmentation

div0=the whole text. Metrical lines and quatrains are marked and numbered.

Interpretation

Names of persons (given names), and places are not tagged. Terms for cultural and social roles are not tagged.

Canonical References

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

Profile Description

Created: By an unknown Irish bardic poet. Date range: c.1200–1600.

Use of language

Language: [GA] The text is in Classical Modern Irish.

Revision History

Corpus of Electronic Texts Edition: G402053

Íocadh Críost cumaoin a mháthar: Author: Unknown

p.91

  1. 1] Íocadh Críost cumaoin a mháthar
    2] mór re a dhíol a ndearna sí;
    3] an chíoch asa teann ar dtagra
    4] gearr ó fríoth re hagra hí.
  2. 5] Measfaidh cumaoin cích a mháthar.
    6] measadh sain a n-uair dá ulc;
    7] naoi míosa do bhí 'n-a bruinne
    8] Íosa ní as uille 'n-a hucht.
  3. 9] A beith n-a hóigh d'éis a toircis
    10] fa tualaing saor na sé gclann;
    11] teacht i gclí d'oidhre na hóighe
    12] do bhí coimhdhe a hóighe ann.
  4. 13] Tar éis ar fhear d'fhuil an chridhe
    14] cneadh an taoibh fa tobar díosg;
    15] go rug an bás céim 'n-a choinne
    16] a ghrás féin fa choille ar Críosd.
  5. 17] Ní dhiongna Dia an dícheall céadna
    18] do chloinn Éabha—is adhbhar sgís;
    19] tús an dubhaidh a-tá ag teachta
    20] gan lá turaidh reampa a-rís.
  6. 21] Cia nach daor ó na deich n-aithnibh
    22] uan Muire dá maithe an pháis;
    23] a dtéid liom go lá na deaghla
    24] a-tá im chionn ar bearna an bháis.
  7. 25] An mac do mhéaduigh a huaisle
    26] óighe a mháthar nír mhill sé;
    27] a glún dá heidhir do b'iomdhadh
    28] gur dhún gheimhil diomdhadh Dé.
  8. 29] Do cheannaigh—fa cunnradh sochair—
    30] síoth a dalta ar a deoir ndeirg
    31] go bhfuair féin croidhe dar gcoimhéad
    32] Moire ag béin fhoighéag dá fheirg.
  9. 33] Mar fuair an lot do Long-ínus
    34] grása Dé re ndul fan lia
    35] ní as tinne ná mo lucht leasa
    36] do-rinne an t-ucht deas-sa ar Dia.

    10. p.92

  10. 37] A-tá ag an óigh iúl na sligheadh
    38] dá seachna an Coimdhe cur linn;
    39] grása ar seathar seol an arthraigh
    40] eathar i mbeol anfaidh inn.
  11. 41] Guin an chló do-chuaidh 'n-a throighidh,
    42] trom re híoc i n-aice ar ngníomh;
    43] ní hurra an chlí ris na ceanaibh
    44] is cuma dhí a ndleaghair díom.
  12. 45] A adhbhar d'iomchar na croiche
    46] i gcoinne an bháis do bhí ag drud;
    47] do bhí teas na ngrás 'ga gharadh
    48] bás don treas tamhan go dtug.
  13. 49] Dá mbeinn saor ó na seacht bpeacthaibh
    50] páis an mheic do mhaithfeadh sé;
    51] luach an deilge dhó dá ndearnainn
    52] do b'fheirrde cló i ndearnainn Dé.
  14. 53] Go dtiocfa mar tháinig roimhe
    54] rádh gach eolaigh—ní hiúl cam;
    55] biaidh dhod sgáth ar na sé sluaghaibh
    56] nach é an tráth as uamhain ann.
  15. 57] Mithidh liom leanmhain a éarca
    58] áladh an chroinn do-chuaidh tríbh;
    59] do chionn a mhaithmhe, a Dhé, dham-sa
    60] ní mhaitfe mé an crann-sa id chígh.
  16. 61] Gé thugais linn do lá bágha
    62] beag an éaraic iarrfa id ghuin;
    63] ní móide díol th'fhala a huaisle
    64] dá bhfagha síodh uaim-se it fhuil.
  17. 65] Do chneadha doimhne, a Dhé Athar,
    66] eidhreacht cáigh do cheannaigh siad;
    67] ceannchaidh crú th'álaidh an uile
    68] 's nír shlánuigh tú uile iad.
  18. 69] A-tá 'n-a thosd ar tí ar meallta
    70] móide an baoghal bheith 'n-a fhail;
    71] nochar an tu-sa ar an talamh
    72] an usa dhamh anadh air?
  19. 73] Do mháthair nír mhaol a cumha
    74] an cíoch gonta gur ghabh táth
    75] gur bh' uisge ionnlaidh dhí a deora;
    76] do bhí ar th'iomdhaidh teora thráth.

    20. p.93

  20. 77] Do chaoin an ógh d'fhuil a croidhe
    78] cneadh an bhuinn do bhí fan chló;
    79] ní i n-aisgidh do bhí ga bosaibh
    80] t'fhaigsin, a rí, id chosair chró.
  21. 81] Eigean dúinn déanamh 'n-a éagmhais
    82] gidh é an cruinne carthar linn;
    83] a-tám a-moigh feadh na fáilte
    84] goir go teagh na sláinte sinn.
  22. 85] Do ghabh Muire Magh-da-léana
    86] leat, a Dhé—gár dheacra ar gclódh?
    87] dar leat do budh usa mh'fheacadh
    88] do fheac tu-sa ón pheacadh Phól.
  23. 89] Gér mhó martra meic na hóighe
    90] is ionráidh re hearla nocht;
    91] "bás do bhráthar duid gér dhoiligh
    92] cuid máthar dá oighidh ort."
  24. 93] Ceilt an mheic i measg a námhad
    94] do-ní an ógh fa híseal sdair;
    95] do b'eagail lé teachta thairsibh
    96] fearta Dé nar fhaillsigh air.
  25. 97] Long an anma d'éis a seolta
    98] —seol an arthraigh budh í an pháis—
    99] is baoghlach mo leabaidh luinge;
    100] eagail saobhshruth buinne an bháis.
  26. 101] Ní mó ná beo do bhí an ríoghan;
    102] rí an talmhan gér thruime a phian
    103] a ghoin fa martra le Muire;
    104] nír oil dalta roimhe riamh.
  27. 105] Do bhí an diomdha ag fadódh fúithe
    106] fearg an mheic gur maoladh lé;
    107] soghuidhe an rí tres an ríoghain
    108] sí ag forfhaire ar dhíoghail nDé.
  28. 109] Gin go mbeath liom lá na breithe
    110] buime mhúinte mheic an ríogh
    111] a-tá a grás 'ga char 'n-a chrithribh
    112] nach cás damh a ndlighthir díom.
  29. 113] Tig 'n-a luighe ar leic a dalta
    114] i ndiaidh Íosa d'éirghe ón uaigh;
    115] do chreid Moire a theacht ó thalamh;
    116] croidhe ón fheart fhalamh ní uair.

    30. p.94

  30. 117] Nír fhulaing ar eagla a ghonta
    118] grása Dé do dhul i ndíosg;
    119] mac na hóighe i gclí gur cuireadh
    120] do bhí a hóighe ag cuireadh Críosd.
  31. 121] Do chloinn Ádhaimh gidh é as coimhéad
    122] créachta an bhuinn—ní beag an tóir—
    123] is í a pháis do chách bhus conair
    124] áth an bháis madh domhain dóibh.
  32. 125] A fhir nach adaimh a cheana,
    126] ceilt an uilc ní headh budh dú
    127] —féach an corp a-tá 'n-a thaisibh—
    128] th'olc an lá do thaisigh tú.
  33. 129] A hosnaidh re hucht na croiche
    130] cneadh a mheic fa móide a nimh;
    131] fuair do mhartra is í 'n-a fhochair
    132] dí nar dhalta sochair sin.
  34. 133] Do íoc ar gcuid do chion Eabha
    134] oidhre Dé do dhiúl a cíoch;
    135] nús a bhuime a-tá 'ga thairmeasg
    136] ruinn-ne an lá as aimhleasg a fhíoch.

    Íoc.

  35. 137] A Mhíchíl, a mhaoir an Dúilimh,
    138] díol mo cheana ná cuir díot;
    139] ó taoi ar mo sgáth id sgiath dhaingean
    140] is tráth m'fhiach, a aingeal, d'íoc.

    Íoc.