Droichead na bpeacthach páis Dé

1] Droichead na bpeacthach páis Dé
2] ród coitchionn—is cruaidh fínné;
3] dá mbeith Dia ag cuma fa cheart
4] cia bhus urra re h-imtheacht.
5] Síol Ádhaimh ní iomdha dhíobh
6] nach briseann aithne an airdríogh;
7] bríogh 'n-a aithneadhaibh ní fhuil
8] ag síol aithreamhail Ádhaimh.
9] Níor fhiú Ádhamh go n-a chloinn
10] a bhfuair Dia d'íoc an ubhoill
11] más é an t-ubhall fo-deara
12] sé d'fhulang a oigheadha.
13] Gin gur ísligh a fhearg ruinn
14] go dtáinig Críosd i gcoluinn
15] gar a ghaol don uile fhear
16] don taobh 'n-ar dhuine an Dúileamh.
17] Ar cuairt ón gcomhairle móir
18] táinig Críosd ar cionn tionóil;
19] tug sidhe a hucht an Athar
20] 's a lucht tighe ar dtearcachadh.
21] Mar tháinig a-nall do nimh
22] le briathraibh óighe is aingil
23] do thogaibh ceo don chruinne
24] eo tobair na trócuire.

25] Iomdha riochd 'n-a ndeachaidh Dia
26] nar chubhaidh re Mac Maria;
27] sé saor an droichid dar ndín
28] saobh an oifig ón Airdrígh.
29] Do chuir ciseal fa gach cheann
30] don droichead ler airg Ifreann;
31] bia tráth is budh damhna déar;
32] cia fáth cabhra an dá chiseal.
33] A chlochadh an uair do b'áil
34] Domhnach Páise an Príomhfháidh
35] gur cheannaigh sé an uile fhear
36] ní duine an té nach tuigfeadh.
37] Na clocha-so mar do chuir
38] 'n-a gcéidchiseal fan gcrannghail
39] tug síoth Dé fa ghach dhuine
40] fríoth é mar nach iarrfuidhe.
41] 'N-a chiseal fa cheann eile
42] do chuir aonchloch d'áiridhe;
43] do bhí 'n-a luighe fan lia
44] rí na n-uile 's ar n-aoinDia.
45] Ceithre croinn do choisrig Dia
46] sailghe droichid Mic Mairia;
47] droichead é 's na sailghe sain
48] daingne hé ná gach obair.
49] I sgéalaibh na gceithre gcrann
50] iomdha uirsgéal nach ionann;
51] d'iomad sgéal n-iongnadh orra
52] do-ghéan mh'ionnramh eatorra.
53] Lán do tharthaibh gé tá a-bhus
54] an crann dar chomhainm Pressus
55] mó ná soin thall a thoradh
56] crann gá bhfoil ar bhfuasgoladh.
57] Ann sin do sáitheadh an chroch
58] i ndeachaidh Críosd dar gceannach
59] tortha uaisle i ngach am air
60] crann as uaisle don fhiodhbhaidh.
61] Móide mo mhuineachadh as
62] an crann séanta Si-pressus;
63] do-chím an-ois é ar m'aghaidh
64] sé fan gcrois 'n-a cholamhuin.

65] An crann tarsna a-tá ar an gcrois
66] do chiseal failme Pharrthais
67] tugadh ann leigheas ar locht;
68] ní crann cheileas a chumhocht.
69] Crann uasal re n-abar pailm,
70] crann na mbuadh is é a fhorainm,
71] crann gléasda na cruinne an crann,
72] féasda na n-uile anam.
73] Crann na hola an uair do chuir
74] le síothcháin go síol Ádhaimh
75] do mhaith sé a fhíoch 's a fhalaidh
76] síoth Dé munar dhiúltabhair.
77] M'anam ar chomairce an chroinn
78] do chuir Dia d'íoc an ubhoill;
79] dul ar a sgáth is díon damh
80] madh síoth do chách madh cogadh.
81] Míorbhuile croinn na croiche
82] a n-áireamh ní fhéadfuithe;
83] níor fhéad riamh neach gus a-niogh
84] a leath nó a dtrian do thuiriomh.
85] Na croinn far dhoirt Íosa a fhuil
86] fa chéad is móide a míorbhuil
87] —dul 'n-a gcaomhthach is díon dhamh—
88] aonchroch dhíobh ar n-a dhéanamh.
89] Do chruthuigh gach ní fa nimh
90] d'fhoghnamh do dhís do dhaoinibh;
91] mó an obair ar fhear dá fhuil;
92] do thogaibh neamh ós néalluibh.
93] Le fiochadh grás agus gaoil,
94] don Choimdhidh gin gur chomaoin,
95] do theilg sé a chlár dá chroidhe
96] do ghrádh na sé sochuidhe.
97] Na cóig doirse ór dhoirt a fhuil
98] do cheannach cloinne hÁdhaimh
99] sleagh 'n-a chígh, cló 'n-a bhonnaibh,
100] 's a dó dhíbh 'n-a dhearnannaibh.
101] Ar sgoltadh a chóig gcroidhe
102] do dhúisigh Dia a thrócoire;
103] do chuir sé an chóir 'n-a colladh
104] is dóigh mé dá mosgoladh.

105] Níor thoguibh an chóir a ceann
106] Mac Dé nó gur airg Ifreann;
107] cia as tóir ar fhearaibh dá fhuil?
108] dleaghair cóir i n-a chréachtaibh.
109] Rí na cruinne ad-chuala mé
110] gur bh'í a dheoch dh'éis a oibre
111] domblas aoi d'fhagháil mar dhigh;
112] níor bh'fharáil caoi dá chloisdin.
113] Ar sgarthain cáich ré chéile
114] —mór an t-adhbhar aigmhéile—
115] a-tá lá cúirte 'n-ar gcionn
116] is lá nach fúigfe fuighioll.
117] Éaraic páise Mhic Muire
118] cia ionnmhus re n-íocfuidhe
119] muna díol créachta do chuirp
120] is síodh an éachta orrdhuirc.
121] Slighe choitchionn na gcóig sruth
122] páis Dé droichead na bpeacthach;
123] droichead hí don uile fhear
124] go dtí an duine fa dheireadh.
125] An droichead a-dubhairt sionn
126] do chách gidh conair choitchionn
127] aon do chéad gér chomha bheag
128] ad-féad dola is an droichead.
Droichead.