Corpus of Electronic Texts Edition

Wer einen Priester schmäht, fährt zur Hölle (Author: [unknown])

p.222

1. Mairg duine cáines cléirech
   i n-am bréithre Dé d'éistecht,
   ní hé in cléirech cáinter ann,
   acht mac Muire na mórchell.
2. Mairg dobeir guth ar fer ngráid
   bís i n-inad Chríst comláin,
   cid fír, cid brég canter ann,
   isí a lúaigidecht iffern.
3. Sacart cemad garb a guth
   amail bís salchar re sruth,
   acht co nderna sé a thrátha,
   folcaid uile a anbfátha.
4. Gab do láim
   cen tabairt ngotha ar fer ngráid,
   ce dogénad rit cach olc,
   léic don churp bís ina láim.
5. Sacart glan,
   a Dé, curab cara dam!
   beirid a aiffrend, 's ní bréc,
   dechenbur 's nói cét ar nem.
6. Sacart baistfes tú 'ma-le,
   ná cáin é asa haithle!
   don bél adeir ris is mairg,
   's do mac, a mic, is romairg.