Trefoclai inso6 amal rochumsat na baird & na patréni .i. trefocal cen chúail cnám, cen chraip cáinti, cen chombach, cen choimsiud, cen díchur n-écóir, cen dallbach dona dallbaigib, cen ellach dona hellgib cenmothá óenellach, cen tár, cen tamall, cen faicit co cuibdius, cen faicit cen chuibdius, cen na focla frisi n-aprait filid frithsuithe, cen imsechfaid indsci, cen aisnéis for araile, cen écnach, cen ecnuadh, cen scáth dofairce cuitbiud, cen áe for anae, cen sáebsuidiugud .í. díalt ic frecra d'íarcomruc i n-urd bairdne, co n-aichni cetharchubaid cumait baird conidh frithortud téchta forna focla masa oé congabthar amal asbert:
Nó dono is trefoclach cen cláen cen rudrach dogníat & rl. Is hí so sís immorro in trefoclach focrai fadesin dorighne Finghen mac Flainn dalta Dubdartaigh & do Feraib Arddai dorighne & rl.
- Ammo Choimdhiui néll cid dogén
fri firu Arddae?
im ba háilgine, ald n-airge,
bá ma garge?
- Ba mba gargluinne fria ngrísad,
gním adróla[d]?
fa ma moladh, cenip múinech
ó dorónadh?- Fa ma roluinne fria ngrómadh
gusnaib glámaibh?
fá ma n-adhmolad fíad ríghaibh
isnaib dálaib?- Fa ma dulsan ocus drumsal,
bríathar brígach,
fa ma camnadh ocus cáinadh
ocus círath?- Fa ma cáintestus a láechradh
laind[e]ach lendach?
fa ma sindadh ocus rindadh
rindibh tengadh?- Ocus tengleir fria tollscud,
toraim ngainde,
mór a febas fri æs lenas
doichle daille.- Fa ma dalbach di ná tobngar
díre n-ainech?
fa ma cáinedh caladh caladh
ce[n] nach n-ainech?- Fa ma n-indaidhi fri féle,
foraim suibsi?
fri ar láidhi, lí do sindadh,
congon cuibsi.- Ocus cuibdighudh a ndúaine
sech a ndíne
dech far ndála ocus dílgad
dóib a ndíbe.- Ocus díbadh bríghach mbarann,
bag atchíu,
itgait fri lés, bés cidh tindta
a cíall friu.- Fritamgair céin, a c[h]íall cubaid,
condelg fobaidh,
is ed athchomarc is nesam
dúin diar cobhair.- Is tú th'áenur nachanmairn[e]a,
cíall adchíam,
di cach athchomarcl rolásum
cucat ríam.- A ronecam-[ni] do lesa,
lúadh nád célam,
ráidh frim íarum
cisé dáil di sund dogénum.- Adgén-sa fort-sa, ol cíall
cóemglan, ci adhgládur,
la feirge facht bés níb lór lat
a norádur.- Acht cia ruacht-sa fort aigned
a n-adbér-sa,
derb lim-sa amne
nípdis mésu de dobér-sa.
- Bés ní dénta ní bed amles
madh ar máise,
mainipdis gnáth, ní cara cách
cosg a báise.- Asberainn frit
nádh bud búiremail do bara,
cena ráidhind
bés adágind bidh cosc mada.- Mad 'diu ruacht-sa fort aicned
cu m[b]ad ainm[n]e,
la bréithir nDé!
bad hé íartaighe t'airle.- Ar cia na léici fort aicned
condaáera,
bés ní maith la rígha rúadha
solma sáera.- A n-as andsom dúnn di sodhain,
alt nos-lonnaigh,
is deimin lat
bidh olc lainn nduibroibh ndrongaig.- As drochdál duit
dénum neich bus olc la súide,
is éside o[c] cinaith frit-sa
sech a ndúine.- Cé dogénsam ainmne uime
frisin cédgreis,
tar érlamh Póil!
ní cóir a tabairt i n-éislis.- As ed íaram as maith duit-siu,
dál cen séna,
nír chráidhe céin mbé i n-Ére
cacha déna.- Déna dam dóibh
fócra lethamnas cen dodath,
bid an[n] tomad ocus tollscad
ocus tolach.- Bidh ann timomnad a ndúine
dedhlaib dúaine,
co tuidhich fuil cridhe cródhai,
ferb for grúaidhe.- Bidh ann grísadh co rot-áigther,
árusc ndéte,
fri féghadh fair
andsom ná raibh
ær calléice.- Nachatléic dam la neim láidhe
luinde lúaithe,
dit gláime gom
ná raibh on for inchaibh túaithe.- Bidh ann tiarmóracht díáilgean,
alt is gúru,
di duine dreich
do bréithir imdeirg for cúlu.- Bidh ann comúaim can a enech,
tucht rondliged,
bidh ainm cintaig in gairm ndodhad,
bid ainm cinadh.- Bid ann cocubus fri dála
dealbdha brígha,
nárbu díana frisna flatha
fíala fíra.- Fégh na dæna
gurab conair cert nolúaidhe,
iss ed do chóir,
aurfogair dóib
gíallu grúaidhe.
- As glé lim-sa dia coisti frim,
fáth gen tséna,
ní bá déine,
acht bid sí sin dál dogéna.- Dogén-sa ém sin,
a c[h]íall cain di clothach labra,
acht atbertha
rofes ní pad debtha damna.- Deimin lim-sa indsci asbeir-si,
bréithir glési
re damar fort
is dégh nád mbeth olc dar éisi.- Is ed duit éim ainm ar cintach,
ní clú ladga,
fri féili fál, foraim n-airgi,
áes an Arda.- Ard a n-alladh
for cach leth,
rofitir Mumhu,
roselt lenn donn,
rosiacht co Drong
ocus turu.- Dorónsat maith fri gach ndíne,
dál for cóemur,
nocon cél-sa,
acht namá ma frim-sa m'óenur.- Ní mó form-sa
fri cach racht cid fiala a flaithe,
cia torba lim?
créd nach frim atá a maithe?- Ma fáilte nofrítha frim-[sa],
fáth nád aurgna,
a ngart glanda
ba la tothacht n-amra n-aurghna.- Aurslucud les,
fothugud fes,
fodhail deine,
ósaic, inmad, adhlaic uile,
tech, trebh, teine.- Tidhnacul mbídh, brighthach n-anai,
coemthach n-ile,
lepaidh sochair, sosadh subai,
sámadh lighe.- Lántol menman
di cach maith, ní araferam,
cluiche ngáthc[h]ar dech mo charam
gnásaibh trebhann.- Níntá a ndimdha
céin rom-bámar i n-Ard Ruidhe,
doindnacht dún,
dál nád mada, in sin and uile.- Níslen écnach ónd áes chétlach,
cruth ron-cúala,
ar ar ndála acht ná tucsom
dúas ar ndúana.- Dorónus dóibh dúa[i]n mbinn mbairdne,
bréithir gléisi,
gním cen tláisi,
ní tardad dúas dar a héisi.
- As
[gap: missing]
godena(?)7 in debhaid,
dál adcíu,
díghna diar ce[i]rd
dofiusca ar fe[i]rg
fichdai friu.- Fócraim-si dóibh gíallu grúaidhe,
gním not-særfa,
grómfa grómfa, glámfa glámfa,
ærfa ærfa.- Ar is é triar fil fri dígail
díghna dúaine,
feólda fichdha teóra ingne
gríbhdai grúaide.- Gráinid cride frisin dám-sin,
dál connécad,
mairg fris-mbáighe[d], mairg fris-mbruided,
mairg gus-recad!- As reicne nguin,
gáifi forgnúis cáich gusmbrogad,
ní moránad ní do cogaibh
gláime gonadh.- As grándai a ndám,
ro-fes a ndán, dál arcanai,
léicidh fuili acht ná diupged
tonda tana.- Dosúigsed feóil cordergfir,
feidm as détlu,
go corpud gann,
co táet fuil flann
fonn fo étnu.- It é a n-áilche nos-luinniur dúib,
dál nád bine,
ní gonat cnes,
crúaidh a mbara, at-gonat cride.- Críst d'ar furtacht
náa[b] gnúisi carad grísadh,
fócrai-siu dóib siu roglúaised
nachadrísad.- Ronbé ó Chríst aigned n-arge
gen brugh mberga,
námthí garga
fri slúagh n-Arda
íart[h]air Elga.- Ella tecait æs na féile
fri gart gníthi,
is eóla cách is gnáth níp rota
mbíthi.- Bés bidh edón cidh áes Arda as nesa
mani pad ferr, a Dé, iar n-as[s]u
ní bud messu.- Ós meisi dan comneim láidhe,
lúagh nád célta,
ní fil dianaithi cena baighthi,
bés ní dénta.- Dégh ní dernad ær dia n-aithrib
rogdaibh reimibh,
nach dia senaithribh re suidhibh,
is dál deimin.- Ní mandingentar dano dóib-sium,
dál ndrong ndelech,
dégh doberadh mór sét sodath
ar a n-enech.- A n-adbermais íarna córai,
cruth as déiniu,
nís-fil fo gréin
fairind find féil
basid féiliu.
- Forcsi a ndúnaidh cona cóemaibh,
cáiniu slúaghaibh,
ní bér di[i]b
cid mac rígh gach ænfer úathaibh.- Ó dos-néctar ina ndálaib,
dál is glainiu,
cadlu cóimiu
cáiniu gach óinfer arailiu.- Rodál foraibh Críst mac Muire,
mod arcanai,
imról tocaidh ocus ordan
ocus anai.- Annadh féile ropad úathib,
alt adrímidh,
ó rocrínad robad díbhadh
isnahibh tírib.- Tairgebad cenn gart finn féile
fri gach nduine,
co mba comlán
la slúagh n-ollmár ænaig Ruide.- Rúinid coicthiu
cúan cróferg fri fíannsa feba,
úathaib gach leth co nach tressu
nech andatha.- Daighfir dánai gu n-ordan mór,
modh nád clúdhai,
fíala a ng[n]úisi
acht ná tardsat dúisi dúnai.- Dilium dam-sa taithmed n-Ísu
inscibh etlaib,
ac Rígh corpgil
do-rón athirghe dim phecthaib.- Ní ram-píantar i péin iffirn,
alt as doimniu,
a Flaith na næm,
robo æn do chæmh, a C[h]oimdhiu!A. m. c.