Corpus of Electronic Texts Edition
Segenbringender Glockenklang (Author: [unknown])

p.233

Segenbringender Glockenklang

{folio 43a1}
  1. A fir benas clocc 'na tráth,
    mór in ceó benaid do chách,
    atáit slúaig ac étsecht ris,
    at trúaig ge rothuirrsigis.1
  2. As binn le Críst guth in chluicc
    in cach reilic a-muig a mbí,
    is sásad d'anmain na trúag,
    is mór a lúag ocon Ríg.
  3. Subach uile na slúaig tall
    imma búain gu mall cen gái,
    dimdach íat ma búain co prep
    etir fer is mac is mnái.
  4. Sceinnid demun re guth nglúair
    co téit fa-thúaid [i]sa muir,
    nocha mbía anam i péin,
    adeirim a céin ro-cluin.
  5. Ben ar Día in clocc co mall mín
    co finna in tír in fáth fa fuil,
    co fagba bennachtain Dé,
    noben (?) dom láim chlé, a fir!

    A.