Corpus of Electronic Texts Edition

Ach und Weh (Author: [unknown])

p.233

Ach und Weh

1. Uch, a Dé!
   uch aniú is uch ané!
   uch amárach, romlaghar crith
   ar omun dol don bith cé.
2. Uchán, a Dé, mo dí láim
   ce beith trell oc sírgabáil,
   ce rabat athach a ces,¹
   dorónsat mór domn aimles.
3. Uch in adaig dorcha dall,
   uch in laithi fromtha finn!
   uchacán, a Dé do nim,
   don gábad fil ar mo chinn!
4. Uchán, a Dé, mo dá tháeb
   is mo dá slíasait ar óin,
   mo dí cholpa ro-clái dath,
   a Rí co rath spirta nóib.
5. Uchán, a Dé, mo dí chois
   ce ro bái dia laimthenas,
   ní lécid² dam dul a-mach.
   co ná fétaim traigthechas.
6. Uchán, uch!
   am lúaithe ná crand fri sruth,
   nocha n-imthigim³ clachán ná cloch,
   nocha n-abraim⁴ ach[t] ach is uch.

   Uch.