Corpus of Electronic Texts Edition
Ein Gebet Fursas (Author: [unknown])

p.232

Ein Gebet Fursas

{folio 35b2}Fursu cecinit.
  1. 1] Robé mainrechta Dé forsind [f]ormna-sa,
    2] robé torruma in spirta naoimh for in cend-sa,
    3] robé airde Críst isin édan-sa,
    4] robé ésdecht in spirta náimh isna clúasaib-sea,
    5] robé bolltanugad in spirta nóib isna srónaib-sea,
    6] robé imfaiccsin fer nime isna súilib-sea,
    7] robé comlabra fer nime isna bélaib-sea,
    8] robé lubair eculsa Dé isna lámaib-sea,
    9] robé les Dé ocus a choimnesa isna cosaib-sea,
    10] roba locc do Día in cride-sea,
    11] rob la Día athair uile in duine-sea!

    Credo ocus pater.