Corpus of Electronic Texts Edition

Gebet um Thränen (Author: [unknown])

p.232

Gebet um Thränen

1. Tucc dam, a Dé móir,
   for bith cé, ní cél,
   ar píanu na plág
   tonna díana dér
2. Dom-roiched for rith
   soithech ná rop saich,
   co roich m'óenar moch
   ar gach mbægol mbraith.
3. Uchán, a Chríst cáid,
   gan sruthán dom grúaid,
   feib tucais in linn
   don bandscáil timm trúaig.
4. Uchán ar gach n-alt
   gan sruthán darm ucht,
   cu rob nige a-nocht
   dom chride is dom churp.
5. Ar gach senóir sruith
   forfágaib a thoich,
   ar do rígi réil,
   ar do chéimm ar croich.
6. Ar cach óin ro-chí
   a chin ar bith ché,
   mo chlóine, a Dé bí,
   co ro-c[h]óine mé.
7. Ar do maith co mór,
   ar do flaith cen lén,
   co hopunn, co húain
   tuc dam topur dér.
8. A mo dile, a Dé,
   am chridi do c[h]rú
   déra dam, a Dé,
   cé ro-béra ach[t] tu?

   Tuc.