Corpus of Electronic Texts Edition

Zwei Gebete des Máel-Ísu húa Brolcháin (ob. 1086) (Author: [unknown])

p.230

Zwei Gebete des Máel-Ísu húa Brolcháin (ob. 1086)

1. Búaidh crábuidh, búaidh n-ailithre,
   búaidh n-aithricche dom anmain,
   a Chríst gan cuid cairighthe
   érni damh huile amhlaidh!

---

p.231

2. Búaidh treabhlaite toccaidhe
   damh fri deiredh mo saoghail,
   gurbham fírén fonaide
   íar mbruindiudh duit cech bæghail.
3. Ná ruccar, a rígbret[h]aigh,
   nach peacadh lim óm c[h]olainn,
   co rabhar, a sírbret[h]aig,
   tall hi flaith Dé nos-toghaim.
4. Cluin, a Chríst cot naomainglibh,
   hérne na hitge úagha,
   ar gach næmh dot næmhairbhribh
   tuc damh na ceithre búadha!

   B.

Ibidem

1. A C[h]oimdhe báidh,
   a Rí na ríg,
   a athair ionmain,
   airchis dím!
2. Ná ruccam anonn
   nach peacadh lind,
   ná faghbum tall
   péin ar ar cinn.
3. Treblait norglana
   nos-tabair dún,
   a maic Dé bí,
   a Rí na rún!
4. Ní raghba ar n-eill
   demon dubh donn:
   i maigh, i toigh
   non-geibh fot comm!

   A Coimde.