Corpus of Electronic Texts Edition

Altirische Reimsprüche (Author: [unknown])

p.268

1. 1] In rannán do gníat-som sáncán a n-íathoibh Íli,
   2] is form-sa duslíat-somh: for coin líter cech n-díbhe.

1. 3] Íssiol fri h-ard, ní bec búaidh; slemoin fri garbh caich ar n-úair;
   4] intí diroindi samlaid, bidh réidh riëm cech n-aimhréidh.¹

1. 5] Cíall do duine ocus cruth, mogénor dian suidhiughudh;
   6] madh an cruth álainn namá, is corrthoir gan tablanna.
   7] Duine teimhen co céill n-glain, mogénor fris tibhe gen;
   8] madh in ro-álainn cen céill, ní mad aicci gréin dia len.²

1. 9] Diamad mé do-uéradh fuiriocc, ro badh méth cech manuc,³
   10] no betis déra geiredh dar eneach gach caratt.

1. 11] A duine trúaigh, dirsan duit! it olc[a] álcho⁴ do choirp:
   12] tan it sáithech no-t-ge[i]b úall,⁵ it toirsech⁶ trúag [tan] it goirt.

1. 13] Is gnáth do neoch iar tóchall toidecht ina athbóthar:
   14] súaill inní as buide le bocht cen co n-apar acht athgort.

1. 15] Ní coïr indus berdar in coïdh:
   16] ní rop córa dech in rí isin tír ataat inbi.
   17] Is coïr indus berdar in coïdh:
   18] sellaidh [ind] intí nat ibh, ibhidh intí dian coïr.

1. 19] Co n-dig ind anim for cói co ro-s-cara frisin crí:
   20] co ro deglat immale nocha dernat bith gan ní.

1. 21] Is mo rí, is mo t[h]igerna do gní;
   22] is ferr guth in gabair mairbh iná gairm in ghobhair bí.

1. 23] Bidh Buccaiti ainm do mheic, bidh Minsech mad ingen d[e]it,
   24] bid Gobairsech⁷ t' ainm fadéin.

1. 25] Ní dot choiriucchadh, a Dé, trúagh an sainiughudh do gní:
   26] marbai in rí[g] foloing in slúag, aingi in trúagh nát túartéit ni.

1. 27] Téid mo menma⁸ don mír
   28] fil i l-láimh righ Temra tréin:
   29] madh maith lais, do uéra im láim,
   30] mad ferr lais, do méla féin.

1. 31] Dia mo ruire, Dia mo rí, Dia mo duine, Dia mo dia,
   32] ní no-m-sainmescca ó mac Dé dir'airmescca mac Dé dia.

1. 33] Domuin gach sétach is ri, dáigh fo gní bréccach⁹ bith cé;
   34] ecmaing is dó nach terc ní, cech rí dia tecmoing serc Dé.

1. 35] Eser ní re n-dol ar fecht, do thúaro ní rob imt[h]erc,
   36] acht ma tresoide do nert, ni ba mesoitti t'imt[h]echt.

1. 37] Treabar do berar do grés, is é a bés cia ro féis:
   38] beiridh a buidhe do-t-mél,¹⁰ forbeir a b-fágoibh dia éis.

1. 39] A Chathail mic Finngoine,¹¹ fó lim cacha érbara,
   40] ceat olca na h-airchinnigh, it maithe na h-érlamha.¹²


Liverpool

Kuno Meyer