Corpus of Electronic Texts Edition
Ro loiscit na lámasa (Author: [unknown])

p.166

These hands have been withered

Oisín mac Find cecinit
  1. Ro loiscit na láma-sa;
    ro coiscit na gníma-sa;
    do-chúaid tuile, táinic tráig,
    coro báid na bríga-sa.
  2. A-tlochor don Dúilemain,
    fúar sochor co sáirmedair;
    fata mo lá i m-bethaid trúaig;
    ro bá úair co h-áillemail.
  3. Rop-sam áille airechta;
    fúar mná táide tabarta;
    ní tláith a-tú ic tríal don bith;
    ro scáich mo rith rabarta.
  4. In brúarán becc brisi-siu
    don trúagán trúag troiscthi-sea:
    mír ar cloich de, mír ar cnáim,
    mír ar in láim loiscthi-sea.