Corpus of Electronic Texts Edition

Cétemain, cain cucht (Author: [unknown])

p.156

May-day

1. Cétemain, cain cucht,
   rée rosaír rann;
   canait luin laíd láin
   día laí (grían) gaí n-gann.
2. Gairid cuí chrúaid den;
   is fo-chen sam saír:
   suidid síne serb
   i m-bi cerb caill chraíb.
3. Cerbaid sam súaill sruth;
   saigid graig lúath linn;
   lethaid fota fraích;
   for-beir folt fann finn.
4. Fúapair sceith scell scíach;
   im-reith réid rían rith;
   cuirithir sál súan;
   tuigithir bláth bith.
5. Berait beich (bec nert)
   bert bonn bochtai bláith;
   berid slabrai slíab:
   feraid saidbir sáith.
6. Seinnid caille céol;
   con-greinn séol síd slán;
   síatair denn do dinn,
   dé do loch linn lán.

---

p.158

7. Labraid tragna trén;
   canaid ess n-ard n-úag
   fáilti do (thoinn) té;
   táinic lúachra lúad.
8. Lengait fainnle fúas;
   (im-said) crúas cíuil (cróich)
   for-beir mes máeth méth;
   (innisid loth loíth).
9. (Leig lath fath feig);
   (fert) ar-cain cuí chrúaid;
   cuirithir brecc bedc;
   is balc (gedc) láith lúaith.
10. Losaid foirbríg fer;
    óg a m-búaid m-breg m-bras;
    caín cach caille clár;
    caín cach mag már mas.
11. Melldach rée rann;
    (ro fáith) gaíth garb gam;
    gel ros; toirthech (tonn);
    (oll) síd; subach sam.
12. Suidigthir íall én
    (i n-íath) i m-bí ben;
    búirithir gort glas
    i m-bí bras glas gel.
13. Greit mer, imrim ech;
    im-sernar sreth slúaig;
    rosáer rath geilestar:
    ór eilestar úaid.
14. Ecal aird fer fann;
    fedil fochain ucht;
    uiss ima-cain
    ‘Cetemain, cain cucht’.