Corpus of Electronic Texts Edition
Cen áinius (Author: [unknown])

p.82

Líadain tells of her love for Cuirithir

Luidsium didiu co m-boí i Cill Letrech i tír na n-Déise ina ailithri. Do-luid-si for a iarair-sium ut dixit :
  1. Cen áinius
    in gním í do-rigénus:
    an ro carus ro cráidius.

  2. p.84

  3. Ba mire
    nád dernad a airer-som,
    mainbed omun Ríg nime.
  4. Níbu amlos
    do-som in dál dúthracair,
    ascnam sech phéin i Pardos.
  5. Bec m-bríge
    ro chráidi frium Cuirithir;
    fris-sium ba mór mo míne.
  6. Líadan;
    ro carus-sa Cuirithir;
    is fírithir ad-fíadar.
  7. Gair bása
    i comaitecht Chuirithir;
    fris-sium ba maith mo gnás-sa.
  8. Céol caille
    fom-chanad la Cuirithir,
    la fogur fairge flainne.
  9. Do-ménainn
    ní cráidfed frim Cuirithir
    do dálaib cach dénainn.
  10. Ní chela:
    ba h-ésium mo chrideserc,
    cía no carainn cách chena.
  11. Deilm n-dega
    ro thethainn mo chride-se;
    ro-fess, nicon bía cena.

    Is é, didiu, crád do-rat-si fair-sium a lúas ro gab caille.