Re h-aiged techta duinne cum in gleanna sa do eistimar aifren no dó ona braithribh minura do bi farinn fen asa Lumbaird, & dorinnemar ar faisidin & do caithimar corp naemtha, & tangamar 4. fir déc d' encomairle cum na sliged sin, & do ghabhadar in cuid ele dar companachaib timcell an gleanna sa inar coinne. Do gluaisimairne {Egerton 1781 folio 146a2}25 sa gleann, & is minic do trascarthaidh sa sligid sin sinn le toirnigh & le tindtigh & le glaedaigh, & is imdha ór & airget & clocha uaisle do curthai romainn & do gach leth dínn ar in sligid, & ní fedamarne 'n ar nethe fír é sin no'n ar chealg. & do connac moran do corpaibh daine sa gleann sin dar lium fen, & ní fedar 'nar béo no'n ar marbh íad acht tucus do baramail doibh co raibhe edach cristaidhi fa droing dibh.