Corpus of Electronic Texts Edition
The Gaelic Maundeville (Author: John Maundeville)

paragraph 239

Preter Iohannem .i. rí na h-Innía, is imdha oilein & righdhacht fáei, & a Pintosgsór bís a comnuighi fein, & cidh imdha cathuir maith a Pintosgsór issí Nís cathuir is ferr ann ar a ghnathaige bis an t-impere ann nó innti, & issé dobir in Innía ina h-oilénaib na srotha thicc a pardhus acca dealugud re chéle, & is maith & is saidhbhir in righdhachtso acan impere Indecach, & is imdha ríghdacht ele fái. Cidhedh ní comtsaidhbir hí risan Cátaighi ara minci ticc cennuighecht ó íarthur an domain annsa


p.286

Cátaighi, & na lécend a n-ecla do cennuigib dol isin Indía ar muir; arson a fuil do clochaib adhamus inti.