Corpus of Electronic Texts Edition
The Gaelic Maundeville (Author: John Maundeville)

paragraph 117

Ocus adeir an lebur cétna curab fo crann pailme ruc sí a mac, & arna fhaicsin di do gab nairi hí & do caei, & adubairt comadh fherr le co faghbad bás, & do labuir an náeidhi ría, & adubairt ría can ecla do beith uirre, & innisidh Macametus co menic a n-Acaron cur labuir an naeidhi sin .i. Ísa Crist, mur ruccad é, & adubairt curab ó Dia cumachtach tainicc sé, & curab é an Dia sin do thiucfad do breith14 aran cinedh n-doenna do cur na pecach a n-ifrinn & na fírén a flathamnus, & curab é fáidh is ferr tainicc dona fáidhib é, & co tucc sé radharc do dhallaib, & cur thathbéogaig mairb & co tuc sibul do bhacachaib & éistecht do bhodhruib & cur' slánaigh lobuir {folio 61b1} & gach uile ghalar archena & gur' ruaicc demuin a dainibh & a bethadachaib & co n-dechaidh fein imslan dochum nimhe. Ocus doberit anoir mhor dona leabruibh a m-bid na sosceil, & co h-airithi do soscel Gaibreil, & na daeine acu onab eolach leabur do legadh, aderid an soscel sin co menic mar urrnaighthi maille thoil maith.