Corpus of Electronic Texts Edition
The Gaelic Maundeville (Author: John Maundeville)
paragraph 47
Bíd ocht míle do daeinib dognáth acan t-sobdán isin
p.32
caislén sin na Baibiloine ac faghbail a riachtanais a les uadha fein. Is daingin & is alaind an caislén sin arna dénam ar carraicc romóir, & dobádhusa fein am occlach aicci ann {folio 56b2} mí & raithi & blíadan, & coccad aicci risin lucht bís ar fássach na h-Aráipi re n-abur Bidoness nó Asgolperdes, & doberad ingen prinnsa da muintir fein dam ina mnái damadh áil lem anmain aicci & mo creidim fein do treiccen. Do gab sé .u. rigdachta le nert a laime & a slúaig fein, & is iatt so íatt-sidhe .i. an Eigipt Canopater & Ierusalem & Suiría & rígdacht Analfe & rígdacht Damé & ríghdacht na h-Araipi dar' rí an tres fer tainicc leis na h-aiscedhaib dochum Maic Dé a n-oidhci a genemhna, & mórán do tigernusaib ele & Calafes darab ainm Oilén na ríg.