Lotur asin innsi for muir & roraimseat re re cian. Co bfuarutar inis & muindtir Ailbi11 Imleacha innti. Meadon aidhce dono rogabsat inti. Fuarutar tipra isin tract, & si buaiderthe. Fuarutar tipra aili & si glan solusta. Accobruidh an gilla digh asan tiprait. ‘As fearr a cheatugadh,’ ar in sruith, ‘mar ata neach isin innsi.’ Atciat in soillsi moir iarsin & tecuit fon solus co bhfacadar in da fer dec ic denumh a n-irnaigthi, acas ni bai soillsi acu acht grianghnuis caich fri araili dibh. Tic fer dib cucu & feraid failti friu & fochtais scela dib. {Book of Fermoy page 176b}Indisit do a tuirrthechta, & rotoclaidsit dig asin tiprait, co ndebairt friu: ‘As ced daib,’ ar se, ‘linad bur soithech don uisei is gloini dibh intan atbera in sruith fribh.’