Electronic edition compiled and proof corrections by Beatrix Färber
Funded by UCC, School of History
1. First draft, revised and corrected.
Extent of text: 1080 words
Distributed by CELT online at University College, Cork, Ireland.
Text ID Number: G303019
Availability [RESTRICTED]
Available with prior consent of the CELT project for purposes of academic research and teaching.
CELT: Corpus of Electronic Texts
The electronic text covers pages 9293. The English translation is available in a separate file, G303019.
Text has been proof-read twice.
The electronic text represents the edited text. The editor's conjections are integrated. There are no expansions marked in the printed text. Capitalisation was introduced.
There is no direct speech.
When a hyphenated word (hard or soft) crosses a page-break, the page-break is marked after the completion of the hyphenated word (and punctuation).
div0=the tale; page-breaks are marked pb n=""/; manuscript foliation is marked mls unit="MS folio" n="". Paragraphs are numbered.
Names are not tagged.
Created: By Irish scribes. Kuno Meyer suggested that the text is from the twelfth century (Finaighecht, p. xxx). Date range: twelvth century.
Beatrix Färber (ed.)
Beatrix Färber (ed.)
¶1] Airem muintiri Finn in so. .i. dechnemar ocus secht fichit rífhéinnidh a lín. Co trí nónbaruib laech la gach fior díb sin. Co ngiallcerdacht leo feib búi la Coinculainn isin aimsir hi raibi. Gan crodh do ghabhail na sárugud. Gan duini d'éra im shéd ná im biadh. Gan teitheadh ré nonbur laech do gach fir díb.
¶2] Ní gabthái fer díb sin isin bhféin nó a mórdáil Uisnigh {MS Egerton 1782 folio 25b1} nó a nóenach Taillten nó a féis Temroch nó go tucdais a n-aitri ocus a máitri a tuatha ocus a finedha slána tairrsib cidh in uair sin do muibfithe iad gan a n-agra. Ar dáigh ná beith a súil re nech eli dá ndíghuilt acht iad fén. ocus cid iad som do derna mór-olca gan aithi ar a muinteraib.
¶3] Ní gabhthai fer díb so co mbo rífili dá leabar déc na filidhechta. Ní gabtha fer díb fós co nderntái latharlog mór co roiched fillidh a uathróigi. Ocus no chuirthe ann é ocus a sciath les ocus fad láime do chronn chuill. Ocus nónbar laech iar sin chuigi co nái sleguib leo ocus deich nimuiri atturru co ndibruigidís i n-óinfecht é. Ocus dá ngontai thairis sin é ní gabtai a bfianoigecht.
¶4] Ní gabtái fós fer díb so co nderntai fuiltfighi fair ocus go cuirthi trí feduib Erenn ina rith é co tigdísim uili ina diaid ar
¶5] Maith tra in fer agá rabatar in fhian sin. Ar nob é in sechtmad rí ro búi for Eirinn é .i. cúig rí na gcóiged. Ocus rí Eirenn. Ocus eisim in sechtmad rígh fri láim rí Eirenn etc.
¶6] Dá chúlcoimétaidi Finn .i. Nóenelach ocus Raer ua in gairb. Dá maer a chon .i. Crimthan ocus Connla cass. a rannaire .i. Catluan mac Crimthain. Táisech a comóil .i. Corc mac Suain. A trí dáilemuin .i. Diarmait ua Duibne ocus Failléne ocus Colla mac Cáilti. A dá tháisech tellaig .i. Cáilti ocus Glanna. a dá fer dergaithe a leptha .i. Adhmoll ocus mac Neri. A dá fer déc chiuil .i. Fergus finbél. Fianu. Bran. Dá Réidhe. Nuadho ocus Aithirne aghmar ocus [...] Flann ocus Aedh airdcheolach. {folio 25b2} Cobthach ocus Cethern. A liaig .i. Lerthuili. A dá sithealcoimédaighi .i. Braen ocus Cellach Muel. A berrthóir .i. Scannal. A círtóir .i. Daelgus. A ara carpait .i. Rinnchú. A dá tháisech marcsluagh .i. Aena ocus Becán. A trénfer .i. Urcraidhe ua Bregaidhe. A seisir dóirseor .i. Cuchaire ocus Bresal borr. Finnchadh ocus Mac dá fer. Imchadh ocus Aithech mac Aithech bail. A saer .i. Donngus. A goba .i. Collán. A cerd .i. Congurán. A chornuiri .i. Cúlaing ocus Cúchuailgni. A dá fáidh .i. Dirinn ocus Mac reith. A tinnmedóir .i. Cuinnscleo. A chainnleoir .i. Cudamh. A dá fer imchuir sleighi .i. [...] ocus Uadhgarb. A fer imchuir scéithi .i. Railbe. Ocus araile.