Corpus of Electronic Texts Edition
The Finn episode from Gilla in Chomded húa Cormaic's poem "A Rí richid, réidig dam" (Author: Gilla in Chomded húa Cormaic)

p.47


  1. 18015] I nArd Chaille cáilti clé,
    i Múscraigi trí Maige,
    a chend síar ri Liaic Sinnaig,
    adnacht Find cu flathminnaib.
  2. {MS folio 144b 30}Glasdíc ainm dó ar tús tind,

    18020] meic Morna tucsat fair Find,
    secht mblíadna dó i ndeilb doraid
    fo Loch Ríach fúair findchobair.
  3. Cétrith Find, bo réim rogda,
    ruc ríam re maccaib Morna,

    18025] 'sen Loch nOrbsen ó Loch Ríach
    timchell Connacht na cáemscíath.
  4. I Mag Coraind co Ess Rúaid,
    lám ri Cúallig mBréfni mbúain,
    {MS folio 144b 35}ri táeb Sinna mairg ba mó

    18030] cu hEchtge n-aird i n-óenló.
  5. Isind ochtmad blíadain bí
    ar tadall Temra Dathí
    romarb Aillén bó lán lám
    do chaindil tuid o thimpán.

  6. 18035] ‘Timpán ri cotlud!’ ar cách,
    les cecha samna, gním gnáth,
    cecha blíadna, búan brostud,
    in chaindel ar cáemloscud.
  7. {MS folio 144b 40}Arsin gním sin rafáe Find

    18040] ri Saidb sochraid massech mind,
    ocus Sadb, do tháibthid treb
    ba Find cáem a cétmunter.
  8. {MS folio 144b}Dalluid Find ra héicsi n-aird
    ar ecla Cuind chlaidebgairg,

    18045] Cethern mac Fintain frecair,
    rap é a aite airchetail.
  9. Tucait fíanna Find íar feiss
    do dígail Orcbéil éicis,
    {MS folio 144b 45}in ben síde a Sléib Slánga

    18050] rolái dí in ngním ngargdána.
  10. Dia ragab fíannas cu feib
    rap é a uide in n-aidchi-sin:
    ó Brí Éle, dúthaig tor,
    cu Slíab Mairg meic Eidlicon.

  11. p.48


  12. 18055] Ó Sléib Mairge, gnímrad gand,
    síar co Slíab dá Chích nAnand,
    cu Inber Colptha rachind1
    ri hoiss Fiaclaig meic Conchind.
  13. {MS folio 144b 50}Ó Inber Colptha, cuman,

    18060] cu Slíab Slánga sáerUlad,
    ótá sein, ba tolgda in tóir,
    co Inber Colptha achétóir.
  14. Radíth Find húa Fidga ic feiss
    i ndígail Orcbéil éicis;

    18065] tíar oc Cíchib, comal ngrind,
    {MS folio 145a}di sleig Fiaclaig meic Conchind.
  15. Dá senrand rachúala Find
    i ndumu Chích úasa chind:
    ‘ragáet húa Fidga fossad’

    18070] dun rand díb ba dergthossach.
  16. ‘Is neim in gáe,’ tossach trén
    don rund aile nínaithgén,
    {MS folio 145a 5}and rascúala íar ngním gaile
    aidchi samna sorchaide.

  17. 18075] Secht n-aige ic Sléib Blod2 meic Con
    {MS folio 145a}cétfíadach Find, feidm finndron,
    cind secht mblíadna fo míad mind
    ic Abaill na Fían forfind.
  18. Long lán d'ór, d'argut ága

    18080] tuc do in ben a Sléib Slánga,
    derb lind iss é cétchrod cain
    tuc dond féin re ardfodail.
  19. {MS folio 145a 10}D'Érnaib Cermna a máthair múad
    Torba ingen hEich inn úag;

    18085] Find mac Geóir mac dá máthair,
    rí Lámairgi ind láech-láthair.
  20. Is d'athair Cháilti na celg
    bo ainm Lethi Lethancherd,
    Cáilti, tacrait lind láidi,

    18090] mac sethar Find findcháemi.
  21. Ár3 bi bruth d'echaib ríg Ruis
    do mnái ra comlund a chuiss,
    {MS folio 145a 15}andsin rucad Cáilti cáid
    i n-óenuch corcra Colmáin.

  22. 18095] Is é oenfer d'fíannaib Find
    cusa mberar4 genelach grind,
    in Cáilte-sin, ségda de,
    úad rachinset Cáiltraige.

  23. p.50

  24. Ochtur do Cháilti im chend Find,

    18100] Corra is úa Daim derg dilind,
    Cas, Cur, Escrú is Aithni,
    Oll is Nena núagnithi.
  25. {MS folio 145a 20}Is é sét is ferr fúair Find,
    fidchell Chrimthaind, lánderb lim,

    18105] radasfolaig Fíachra Fáil
    inn-airiur Chrimthaind Níad Náir.
  26. {MS folio 145a}Glassi fúair Find, fecht réil ríam,
    ní ní acht airget a findgrían,
    brunnid sairdes sech in scé

    18110] & acus d'Albine.
  27. Atbert Ossín: 'in sét séim
    is ingantu fúair Find féin,
    {MS folio 145a 25}is é cen daermúich daille
    cochlán caemdlúith Crothrainne.'

  28. 18115] Ór a indech, airget foé,
    mín re cnes a chocoé,
    ba cú, ba duine, ba dam
    ra impúd, ra aitherrach.
  29. Fiú cóicait cumal cipé,

    18120] rogníth i Tír Tairngere,
    re trichait mblíadna i Maig Mell
    ri cóicait cíalla cémend.
  30. {MS folio 145a 30}Tricha sét, ní gáes fir buirb,
    tall Find a cráes in chorrbuilg,

    18125] íar nguin Glonda 'cunn áth oll
    is Léith Lúachra na llúathbond.