Corpus of Electronic Texts Edition
The Chase of Síd na mBan Finn and the Death of Finn (Author: [unknown])

paragraph 20

Is annsin do chúala Iuchna Ardmór ingen Ghuill mic Morna sestán na sochaide & létgairi na laechraide ac letrad a chéile & tánic
30] dochum na bruidni & benais a bricín da baithis & sgáilis a folt finn buidhe & nochtais a cíche & is ed adubert: ‘A mic,’ ar sí, ‘is meth enich & is maslugud míled & is imcháinedh re inn isin & is díscailed conáich feall ar in flaithféinnidh Finn, ocus fágaib co lúath in bruidin anoiss, a mic,’ ar sí. Ocus ro fágaib Fer lí in bruidhean dá
35] máthair. Ocus adubert ac dul immach: ‘Do chath rim-si duit amárach, a Finn,’ ar sé. ‘Frecérthar duit-si in cath-sin, a Fer lí,’ ar

p.74

Finn, ‘oir ní bud cás oruinni,’ ar Finn, ‘damad coimlín sinn cath da thabairt duit-si.’ Et do frithoiled Finn in oidhchi-sin gur ba sáithech sonairt somenmnach é cona féin & adubert Finn: ‘Is olc m'onóir-si do beith Fir lí dam-sa inocht & ní damann sé cert dam,’ ar
5] Finn, ‘ocus ticfa aimser ann,’ ar sé, ‘& ní déma nech cert dá chéile,’ & dorinne in láid ann:
    1. A Fir lí,
      gid fada gairit co tí,
      an tan fa ticfa in fer féig
      ní dingna réir do lethéid.
      2. {MS folio 22b1}
    2. 10] Biaidh ass
      hi comaimsir nanGall nglas,
      is ní fuighi Ére úaim
      acht maidm thúaidh ocus maidm thess.
    3. Ticfa am
      hi gcuirfither ár na nGall,
      gid fada gairid go tí,
      is borb sráinfius cách a clann.
    4. Is mé Finn,
      maith bar linn is ibidh14 digh,
      15] ó nach damaidh15 cert ná cóir
      biaidh do lecht ós Bóinn, a fir.

      5. A fir.