Corpus of Electronic Texts Edition
Uath Beinne Etair (Author: unknown)

p.129


1] Fechtus diaraiuhe Diermait mac Duinn i Duipni ind-uaim Penni hEdair ier m-breith Graindi ingeni Cormaic ar aithed o Finn. Pai cailliuch lae Diermait ind inbuid side oc a forairiu in cech du a m-pidh. Luid in cailliuch isan
5] uamaidh immauc, co m-pui for mullach Pendi Edair. Co n-acai ind oen-oclach dia soigid. Is e dino pui ann, ind rigfendid. Fochtus int sentonn rise nde. ‘Totocmarc-sai tánac’, ol Finn, ‘& cais adpher deís dit, hocus issed is ail daum, do dí at oen-bé ocum’. Credis int sentonn ferpo
10] Finn & tingeullus ndo a thal de gnim. Ised rusáil Finn fuirri, Diermait di mairned ndo. Foemus int sincreth sin do, hocus dopheir a tí font sali, hocus lot isan uaim iarom. Fochtus Diarmait innus nabé ndi. ‘Is cuphus dam’, ol í, ‘nach facusai riam & nach cechla a fíu ar uairi & ainphenaibh.
15] Oir dileth an reud tar na bríanaiph, hocus ni fil

p.130

maug mínreidh ind-Elgai uili nach fuil sruth rod routmald eter gach da futhirphi ind’, ol í. ‘Ocus ni fagaidh seg no curpha a n-Erinn demh ind-uaim ina i n-aildu no a n-ailén nó i n-inpher an Falmoigh.’ Crothus a fath co hecnaidh
20] ar fiarlaeid na huamhu hocus rocan na runnu sa sis.

    1. Fuit, fuid!
      Fuar inocht Mag lethon Luirc,
      arda in snechta 'nas an sliab,
      nocha roichenn fiadh a cuid.

      2. 25]
    2. Fuid co brath!
      Rusdail in doinenn ar cach,
      aponn cech ettrichi a fán,
      hocus is linn lan gach n-ath.
    3. As muir mor gach loch phís lán,
      30] hocus is loch lán gach linn:
      ni roichit eich tar Ath Rois,
      ni mo roichit di cois inn.
    4. Siuplad ar iasc Inse Fail,
      ni fhuil traich nach tiprai tonn:
      35] a m-proccaibh nicota proc,
      ni leir cloc, ní lapar corr.
    5. Ni fagaid coin Coildi Cuan
      sam na suan a n-adhpaid con:
      ni fagann in dreen1 becc
      40] dín da net a Letrich Lon.
    6. Asmaith do menpaid na n-en
      in gaeth ger 's ant oichred fuar:
      ni fagbann lon drom bad ail,
      din a toib i Coilltib Cuan.

      7. p.131


      45]
    7. Sadail ar cairi da drol,
      aisdrich ar Lonletrich cro:
      diminaig snechta coild ché,
      decair dreim re pennaibh2 pó.
    8. Cuibiur Glindi Ridi rúi ( )3
      50] on gaeith acher dogeip len:
      mor a truaige ocus a pian,
      int oiccreud dosia 'na bel.
    9. Eirgi de colcaid 's do cluim
      —tucc dit' uidh!—noca cíall duit:
      55] immad n-aigrid ar cech n-ath,
      isse fath fan-aprann ‘fuid’. F. u. i. t.

Luid int sentonn amauc iersin. Imtala Graindie immorro, roraithid an sentuinn ar n-imdicht & doucc a frac amach lassotain for an timtach pó imbpe, hocus denfuc
60] for a tuiridin, confuair plais na trethno for a tí. ‘Dirsan, a Diermait’, ol i, ‘rolancc in sennin fort, hocus atraig co crip hocus geub do erriud caimpir imbat!’ Togene Diermait sin. Lod immauch liasotain hocus Graindie leis. Con-acatur and rifennidh co fianaip imme ina n-dochum.
65] Díuais Diermait seucha for in rein im Erinn, co n-acuu in noi a cluthar in cuaín 'na comfocus. Luid hocus Grainni ina fochraib ind. Oenceile ar a cind isin luingin co timtach sainemail imme, co forti lethanchlaiss orbhuide tar a formna sechtair, hocus isse po ind sin: Oengus an Procchai,
70] datan Dermatai, tainic dia oirchisecht on nairne sin i raibhae ó Find & ó fhíanaib Erenn.

Finit.