Corpus of Electronic Texts Edition

Two Tales about Finn (Author: Unknown)

story 2

Tucait fhaghbala in fesa do Finn inso ocus marbad cuil duib.

1] Fechtus n-aile do Find a Cind Chuirrig. Is indti ba gnathach-som. Rofertha fer cacha maitne do fhuined muicci dia cuit laéi do-som. Fecht ann didiu raherbad Oisine dia fuine. In tan ba mithig lais, dosrala forsan
5] esair secha i m-belaib na gabla i laim a cheili. Is ann arosiuir. Imsái ass. Soithi as 'na diaid dar Siuir .i. i n-Ath Nemthenn, dar Ord, dar Inmain, dar Fan hua Faelain, im-mullach Shide ar Femen. Iadhthar in comla iarna esi iar techt 'sa sidh & fónaccóib Oisin imoigh.

10] In tan rondúsig in fhian, is ann rainicc. ‘Caide in mucc?’ or Finn. ‘Rusfucc fer is calmu inásu’, or Oisine.

p.246

Gaibthi Cailti iarnabarach. Berur uad fón indus cetna. Ric sén didiu. ‘Caide in mucc?’ or Finn. ‘Nidam
15] calmu 'nás intí o rucad ané’, or Cailte.

‘Cia thiasarsa dia fuine?’ or Finn. ‘Is aithe cach n-delg iss ou’. Luid side fesin dia fuine & a cranda ina laim clí, in laim aile occ impódh na muice i m-belaib na gabla. Arosiuir. Dobeir Finn forgom fair & ni roacht acht
20] fograindi in gai for a druim. Forfácaib intair. didiu amuig tharra i n-Ele, i Cill Ichtair Lethet¹ intaib itaib muicci. Co ba secht roling darsin Siuir.² Or se i mullach int shlebe uisi nuaim ar Finn Dobeir forgom fair oc techt isin sid, guramid a druim trid. Aroisir Finn
25] a laim forsan ersoind int shida, gurudruided in chomla ar a ordain, cotart ina béolu, coclas an gol. ‘Cid sin?’ or cach. ‘Cul Dub romarbad!’ or íat. ‘Cia rosmarb?’ ar siat. ‘Finn hua Boiscne.’ Guilit uile. Is and asbert-som: ‘Bind bind berlai binn bec nimgnae
30] buired tairb coí coistecht fri Femhen furla. Moi muicce son dar Femen fugiath sircrand sirluth laitho find fri ulaid Cul Dub.’ Berid iarum a muicc 'na hucht co dara seilb dia muindtir.