Corpus of Electronic Texts Edition
The Quarrel between Finn and Oisín (Author: [unknown])

p.24

Bói Find úa Báiscne fo Erinn oc cuinchid a maic .i. Oiséne .

Bói Oiséne bliadain nícon fessa imthechta . Bói co n-ulcus menman fria athair . Fangaib Find iarum i ndíthrub már . Bói Oiséne oc fuiniu mucce. Famboith intít Find & tobert tress ndó. Gabais Oiséne a arm & a airimbert . Nínaithgiuin fochétóir. Is and asbert Find robad báeth dond óclaeich comrac frisin fer líath . Canait oblirach íarum .

Oisín dixit:

    1. Is derb lem-sae,
      cia domaimse in fer líath,
      nícon áithiu uig a gái,
      nícon ba letha a scíath.

    Find:

    1. Cinip áithiu uig a gái
      is cinip letha a scíath,
      fri úair n-imbertae i cath
      bid foracal in fer líath.

    Oisín:

    1. Is glé cid tressa a rig
      ocus cid letha a bil ,
      nícon cumaing ar asnu
      arumfosta i cridiu .

    Find:

    1. Nícon messe as samail
      frisin ngamain ong ,
      fer líath rogoin rogonar
      rodaim do bath co mbí toll.

    Oisín:

    1. Ó rogonar co fa thrí
      i ndorar for sithsligi 5,
      is olc a síanán trocha
      fri agaid ind ócbotha .

    Find:

    1. Is éol dam-sa ind ócbud
      berte innurain nellaig ,
      ó rumbíät ... nicon rethid fuili§
      rethit fuili for remmaig .

    Oisín:

    1. Ní bí ed ón dogníät
      ó robíät i fedmaim ,
      ... taodhuit§; in t-óclig 6 elig ,
      benir senláech fri talmain.

    p.26

    Find:

    1. In fer comous§ cona sleig
      do chomruc frisin n-óclig ,
      is éol dam-sa a mbiäs de:
      dluge srónae óclaige.

    Oisín:

    1. Ó foruban crith cech cnáim
      ní goirt in gái assa láim,
      óclig for topur thuli ,
      ní bí errach senduni.

    Find:

    1. Ó rombíät immalle i clochur in garbslige ,
      fritecht fóibur ní cara,
      aiss lomma neich nacana.

    Oisín:

    1. Is di álchaib ind fir léith
      labrad a cobraud a scéith,
      rosagat fóibur frossae ,
      ní fétat na senchossae .

    Find:

    1. Nícon ralus ó rígluch
      geilt for fedaib i ndíthrub ,
      isin dorir toilge tóib
      gnáithi óclaig for rind cróib .

    Oisín:

    1. In geilt for rith sunde tíar
      nícon óclaig , is fer líath,
      in friuch file for suidiu
      is é bís for senduniu.

    Find:

    1. Noll a maic,
      ní maith a congairi-siu,
      cia nommera ní fuban,
      is am comman tairisiu .

    Oisín:

    1. A senláich,
      dígnais etir ócbadu ,
      ní bu accobar do chrád
      manip ág ar óclachu .

    Find:

    1. Inna hule immalle
      ní bu messa doïb de,
      dia mbem inar comardus
      ó ascomartmar ar nglé.7

    Is derb.

Tánic a muinter co Find & co Oisín íarum.