Corpus of Electronic Texts Edition
Feis Tighe Chonáin (Author: unknown)

Section 14

‘Do uhámur mur sin tréimsi & tamall. Is
865] ann sin do labhair in fear éistachta & as eadh adubhairt: ‘Do chluinim tairm & treathan in fomhóir ag teacht ar in fhairge fo thuaith.’ ‘Cá háit a ttiocfa fá thír?’ ar in tréanfear. ‘Ag Beinn Éadain’ ar in t-éistóir. Nírbh fada dhóibh mur sin in tan adubhairt
870] in t-éistóir {MS page 29} risin tréanfear; ‘Táinic in fomhóir fó thír a mBinn Éadainn’ ar sé. Agus nír shiubhail áth nó cnoc nó tulach ó Bhind Éadain nó co raibhe ar in bhfaichthi nach inniseadh in t-éistóir don tréanfear; & ar tteacht don fhomór ar an bfaichthi
875] amuidh, do dhúisigh mise,’ ar Fiond. ‘Ar ndúscadh damh, is ann sin do shín in fhomór an cruadh-lámh fhada fhéitheach ro-neartmur tré fhír-mhullach an tighe anúas. Do fhiafraighius annsin cá raibhe in tréanfhear. ‘Atáim sunda’ ar in tréanfear.
880] Adubhrus-sa fris breith ar láimh in fhaithigh. Is ann sin do ruc an tréanfhear ar in láimh & thug tairring neartmur uirrthi, gur bhúail ceand an fhathaigh ar mullach na bruighne don taobh amuigh co hanshocair. Tuc in fomóir tairring eile air-sean,

p.27


885] gur bhúail a cheand ar mhullach na bruighne don taobh astigh. Tug-san an dara tairring ar in láimh gur thairring in lámh fada féith-reamhar as a ghualing & as reamhar-chorp in fhir mhóir, gur thuit in lámh 'na heaslainn mhóir mhímhasaigh ar fíorlaoid na
890] bruighne & na caithreach, gur chuir torann & treathan na láimhe soilsi na bruighne & na caithreach uile ass. Do éirghios-sa in sin’ ar Fiond, ‘& tucas fó deara lóchraind sholus-móra do lasadh arís, & do uhámur ag féachain & ag ionghantus na láimhe;
895] & mur do conairc in t-aitheach sin, do shín in lámh do bhí aige & ruc in leanamh beag leis do chliseadh uaidh, & ní raibhe acht áit in leinimh aguinn. Táinic bean Fearghusa chuguinn ann sin & tuc imdeargadh mór dhúinn & as eadh adubhairt: ‘Ní bfuil acht
900] clú & alladh bréige oraibh, a Find agus a fhiana Éreann’ ar sí; ‘uair is doiligh daoibh cumairce eile do dénamh in uair nach ttairnic libh aon leanamh bec do choimhéad ré headh aon oidhche amháin.’’